男神呢個稱號令我食左唔少女(有甜）: 平安夜(二)

食完飯之後，我地就去左海港城出面到行下，好似啲情侶一樣，唔同嘅係我拖住三條女咁解。

我地宜家係露天觀景台到，望住夜晚嘅景色，百紫千红嘅燈光猶如一片余霞成绮，令人不禁沉醉於此。

其實香港一直都係好靚，只係有一班人係到破壞緊佢，嘗試將我地嘅香港變成赤化左嘅香港。

為左可以保留住呢份美景、為左可以令更多人欣賞呢份美景，為左可以保留欣賞美景嘅「自由」，我地點都要贏。

可能呢一次，就係我最後一次企係到，享受香港帶比我嘅幸福、帶比我嘅溫暖、帶比我嘅....快樂。



我係後面望住佢地三個，目不轉睛咁望住五光十色嘅燈光，天空無光嘅情況之下令到佢地三個嘅背影都變成黑色。

黑色，帶比人一種神秘感，彷彿就如未知生命一樣，吸引你上前去尋覓其真面目，才發現是三位美人在此處聚首一堂。

梓恩：「你一個人企係後面做咩呀？仲唔快啲過黎陪我地一齊睇。」

我：「我見你地咁靚諗住幫你地影張相姐，影完啦，我宜家過黎啦。」

其實我都唔知自己應該企係邊到，企係中間？好似又唔得。企係最左？另外兩個人又唔滿意。



當我仲猶豫咁點算嘅時候，以男一下子攬住我，佢大力得滯搞到我失平衡趺左係地下，佢亦都同我一齊趺。

Tracy：「喂呀，你唔可以一個人霸哂阿燕架，我同梓恩都有份架。」結果我未企起身就比佢地三個攬住。

其他情侶望住我地都忍唔住笑左一笑，唔講仲以為我地準備係到搞野，不過呢種感覺又幾爽。

我開始回想自己六年黎有無試過好似宜家咁樣，徹徹底底咁享受被愛嘅滋味，又或者...享受住愛人嘅體驗。

原來拍拖就係咁解....原來愛情就係咁解...原來我都會有人愛...原來我都會愛人...



女仔：「因為我睇得出你天生就係同我一樣，注定左要行呢條路，而我地...永遠都唔會得到所謂嘅...真愛。」

每當我以為自己有真愛嘅時候，我個腦就會出現呢個女仔講嘅野，「愛我地嘅人，全部都會死」。

桐桐已經死左...珮恩已經死左...我一直都好驚...佢地三個最後都會...死...我寧願死個嗰...係我...

Tracy：「阿燕你做咩喊呀？係咪我地壓到你好痛呀？」佢地三個即刻各自彈開，坐左係我隔離。

我：「唔係呀，我只係...開心到喊姐，我好開心我嘅人生有你地。」我攬住佢地再講。

丘以男：「你放心啦，我地會一直係你身邊陪住你，點都唔會離開你。」

梓恩：「嗯，我愛你呀，蔡煒燕。」佢哄塊面落我到然後咀左我一啖。

Tracy同以男見到之後又咀左我一啖，其實我想講我宜家塊面有三個唇印，一陣實比人笑。



我：「好啦，宜家都好夜，聽日聖誕節我地仲要再出黎玩，不如我地走啦？」

梓恩：「咁我地走去邊呀？不如我去你屋企到訓好唔好？」

丘以男：「咁奸架你，諗住同阿燕一齊渡過成個平安夜，我唔制，我都要呀。」

Tracy：「我又要我又要，我都唔可以執輸架。」

我：「唉真係無你地咁好氣，不過是但啦，你地想上黎訓就上黎訓。」

然後我地四個就搭車返去我屋企，時間都黎到夜晚九點半，不過我地當然唔會咁早就訓教。

但係你眼望我眼，大家都無乜野好做，直至梓恩提出左一個瘋狂得黎，又幾好玩嘅一個遊戲。



梓恩：「不如我地玩鋤dee呀，邊個輸得最多嘅話就要除一件衫，我見啲外國人都係咁玩。」

我：「你見到個啲人呢，就係拍AV先咁玩嘅，係你先成日睇埋啲咸咸濕濕嘅遊戲。」

Tracy：「唔係呀，聽落都好似幾好玩喎，夠哂刺激。」

丘以男：「係囉係囉，阿燕你唔係唔夠膽玩呀嘛，你都比我地睇過哂啦~」

豈有此理，我阿燕身為一個食家咁多年，非禮強姦都未驚過，會驚你一個脫衣遊戲？

我：「玩咪玩囉，我驚你地會輸到全部裸體，得我一個係著哂衫。」

跟住我就拎左一副啤牌出黎開始洗牌，洗完就派牌。

我：「唉唷~我Last card啦喎~提提各位小妹妹要頂大啦。」



佢地三個驚到即刻開始數下自己仲有幾多隻牌，然後佢地三個都各自出左一隻「2」。

我：「哈哈Sorry~我係葵扇2~睇黎有人要除衫啦喎~」

至於最多牌嘅係以男，我地三個一齊眼甘甘咁望住佢，等佢除衫。

丘以男：「除咪除囉，宜家都係第一件姐，我地仲有排玩架。」

無錯，我諗真係以宜家嘅進度黎講，當十分鐘玩完一鋪，都肯定有排先有一個人係除哂衫。

Tracy：「K俘虜！！！」

梓恩：「蛇A 2 3 4 5！！！」



我：「各位觀眾！！四條A！！！」

丘以男：「同花順紅心4 5 6 7 8！！！」

最後經過一輪大戰之後，真係比我講中左，除左我未除過衫之外，佢地三個都有除過。

而且...終於有人係玩到輸哂啲衫，而個嗰就係...