[愛情][校園]《你好，我只是你的好朋友》【劇場版：只屬我們的回憶】開始連載: 五：話劇學會(下)
第五章：話劇學會(下)
依玲皺起了眉頭看著我。
我想她大慨都猜不到我會說這句話。
這刻不知道Raymond出軌了的人都會以為我是在誇獎Raymond與那個「小三」很專一，寧願陪那個「小三」都不來話劇學會。
但知道內情的人都一定知道我是在諷刺著。
他們都一定想著我這個新來的那來這麼大的膽子。
「咁我再抽多過嫁囉。」我與旁邊仍然沉默中的Bobo說。
她立刻回過神來說：「哦……好啊！你再抽過。」
她仍然用著一個疑惑的眼神看著我。
我再從袋中抽出一張紙條，上面寫著「Venus」。
Bobo看過我的紙條後喊道：「Venus喺唔喺到？」
她才喊出「Venus」這個名字數秒，便有一位女生快速地舉起手。
「Venus喺到！我喺到！」
這個舉著手喊著自己名字的人……
我記得是之前入會報名時坐在報名處的那個女生。
「咁Alvin你過去同Venus講兩句啦。」Bobo示意我到Venus那邊。
就這樣我走到了Venus身旁，先打了聲招呼：「Hi，我叫Alvin。」
「我叫Venus啊！恭喜你入咗嚟我哋話劇學會。」
她點了一下頭後，便微微笑地看著我。
「弊啦，30秒好快就到，我要講對你嘅第一印象，諗下先……」我開始思考起來。
「唔洗刻意諗嫁，隨心講就得，就好似你啱啱抽Raymond水咁，嘿嘿。」她用手掩著嘴巴笑起來，笑得有點小惡魔似的。
「無啊，純粹直覺，佢掛住溝新囡都唔嚟喎，仲唔喺專一。」我一時口快地把「新囡」這兩句字說出來。
當她聽到這兩個字後，就立即擺出了一個知道一些東西似的表情，點了一下頭再說：「睇嚟你都知啲嘢啊……」
「夠鐘！嚟！Alvin！Venus對你嘅第一印象喺咩？」Bobo打斷了Venus的話。
我看一看Venus，想起她剛剛所說的「隨心」。
於是我便答：「對佢嘅第一印象喺好friendly。」
當我說完後再看一看她。
她再一次掩著嘴巴笑起來。
在完成破冰遊戲後，來到了十分鐘的休息時間。
我回到了書包處，拿起水樽喝起水。
但在喝的途中突然有一人一下子拍到我的背上。
「你啱啱講咩啦！咩佢好專一啊！」是依玲。
她這一下拍打使我都差點打翻了水樽。
「喂！嚇死人咩！差啲倒瀉水啦。」我立刻把蓋子蓋好並向後轉看著她。
「你講！你啱啱講咩！佢好專一？佢點會專一啊！」她有點生氣地質問我。
我有點錯愕，身為受害耆的她，竟然不知道我在為她嘲諷著。
「啱先Alvin喺幫你諷刺緊Raymond啊。」另一位女生走到依玲身旁拍一拍她的肩膊。
「真喺？」依玲仍然有點氣憤地問。
那位女生再拍一拍依玲並安撫一下她說：「緊喺啦，我地舊人都知條友背叛你出咗軌，我諗Alvin都緊喺知啦，所以先講出嚟諷刺下。Alvin！你自已話喺咪啦。」
當說話權回到我手上後，我立即說：「緊喺諷刺啦，我點會唔企你個邊。」
依玲聽到我們的說話後，安靜下來想了一想。
「比佢自己諗下先，我叫Poppy，喺佢老友。」那位女生開始自我介紹。
「喂，你get到Alvin喺抽緊水未啊！」Poppy又拍了依玲一下。
「又打我！我Get到啦！」依玲突然恍然大悟的並反拍了Poppy一下。
在一旁看著的我開始在其實他們的說話開場方式是先拍對方一下嗎？
很快休息時間就結束了。
接下來的活動時間是大家開始分組到台前及台後組。
而分組意願是當時成員進行選拔後再填寫的。
但因為我連選拔都沒有，所以不知道自己是屬於台前還是台後。
我只好先獨自一人站著看其他成員紛紛分成兩大組來。
「喂Alvin！呢邊啊！你喺跟我台後架！」
終於依玲揮手示意我過去她那一組。
她是台後組的，而Venus及Poppy是台前組的。
入組後，我們圍圈坐下，看著即將發言的Bobo。
「咁我哋喺台後組啦，姐喺backstage，咁身為會長嘅我都喺台後嘅……」
她在開始介紹著台後的工作。
「其實我哋時間都比較緊迫，而今年表演嘅劇本我都攞到手架啦，所以其實下星期開始我哋就要開工整道具。」她終於說出重點。
「唔喺啊嘛，咁快就要開工，過多兩個星期就測驗嫁囉。」
我身旁的依玲先開口埋怨起來。
而其他舊成員則相繼起哄。
「大家冷靜啲！時間喺好趕，但Elaine你唔記得咗你幫我哋搵咗咩人翻嚟咩？」
當Bobo說完後，突然所有人都看著我。
突如其來的群眾目光使得我錯愕著。
「上年架船整咗成個月都甩皮甩骨，但Martin一搵Alvin嚟幫手就一個星期搞掂咗。」
舊成員聽完後都安靜了起來，Bobo見沒有回應便繼續說：「今年有佢幫手，我哋應該可以進度快少少。而今年都好簡單，聖誕聯歡做一套細嘅，6月做一套大嘅……」
她繼續說著詳盡，但這一刻我就感覺到自己將會身負重任……
「好彩我拉咗你入嚟咋，唔喺又做死我哋啦。」
活動完結後，在路上依玲一直說著。
「你拉我入嚟嘅目標原來喺咁……」我嘆了一口氣。
突然Poppy走到我前方：「緊喺唔喺啦，佢喺想搵你……」
正當她打算繼續說時，被依玲一手掩住了嘴。
「緊喺搵你幫手，大家做朋友緊喺互助幫忙啦！」依玲匆忙地解釋。
然而她繼續掩著Poppy的嘴走到巴士站。
「Poppy你就陪我等車啦！Alvin你翻去小心啲啦！Bye-bye！」
她匆忙地與我道別後就把Poppy拉到了一旁。
但眼看時間已經不早，所以我都沒有太理會她們，直接道別後就走到了火車站。
想一想今天可是升上中四後第一次這麼晚才從學校回家。
看來我今後的星期四都會是這樣了。
到達火車站。
正當我踏進月台時，我看了一個熟悉的身影在前方……是Venus。
我本來想打算上前打招呼的，但想了一想還是有點尷尬。
於是我只好繼續看著手機並站到了與她距離大概兩個閘門的位子。
而火車都很快就來了，我快快地進去找了個位子坐下，然後繼續看著手機。
但這時我突然感覺有人坐到了我身旁的空位。
於是我眼角一掃……發現是Venus。
她坐到了我旁邊。
「睇咩睇得咁入神啊，完全見唔到我。」她笑笑口地說。
「啊，無啊，咪IG、FB個啲。」我立即鎖上螢幕及放下手機。
「頭先真喺多謝你對我嘅一印象喺話我friendly。」她笑著說。
「你話隨心嘛，咁我咪隨心講囉。」我解釋起來。
她聽到後笑了一笑，但沒有說甚麼。
氣氛突然變得有點尷尬起來。
最怕這種氣氛的我，立即絞盡腦汁想一些話題出來。
但Venus還是先我一步開口說：「你知Elaine同Raymond咩事嫁呵？」
「我知，Elaine同我講咗。」我回答。
她聽到後突然轉頭看著我，這刻我與她的臉距離有一點近。
「佢直接同你講嫁？我都喺聽Poppy講翻嚟。」她說。
「喺啊，佢直接同我講，我聽完都好錯愕，明明佢哋都喺傳奇人物嚟。」
為免與她直視而感到尷尬，我轉移了視線看著前方。
「咁你哋都幾好朋友喎，我識咗佢三年都唔同我講……」她說。
我繼續回答：「我都估唔到我哋識咗一個月半就已經咁friend啦。」
「你要小心啲……」她小聲說。
我聽到這句後，再次轉頭看著她。
與她的距離一樣是這麼近。
「距離，看似很近，但其實遠得很。」