[愛情][校園]《你好，我只是你的好朋友》【劇場版：只屬我們的回憶】開始連載: 十一：真相
第十一章：真相
「我仲感應到你啱啱喺同Elaine溫數添。」
Venus說完後，對著我微笑著。
我整個人完全呆住了，彷彿完全定格了般。
莫非Venus真的有超能力？
她連我剛剛與依玲一同溫習數學都知道……
「定咗格嘅？嚇親啊？」
她把手放到我臉前揮一揮。
「你……你點知架……？」我用著抖動的聲音說著。
「呃你架啦！其實喺我個friend啱啱喺會所跑完步，然後一開Gym房門就見到你。跟住佢覺得你好眼熟所以就影咗張相比我睇，我一眼就認出喺你。之後佢又喺自修室門口見到你同Elaine喺到溫緊數。」
她沾沾自喜地說出了真相，幸好她不是真的有心靈感應。
不然連我前天與Felix他們的對話都被她讀取到了……
--------------------------------------------------------------------------------------------------------------------------
時間回到一日前，在Harriet的家。
「Alvin你覺得呢級邊個最靚？」
Harriet問道我。
我腦海閃出了Venus……
「上年話劇學會做小飛俠女主角嗰個。」
我把腦海中的答案說得模稜兩可般。
「上年套小飛俠個女主角……哦！4C班Venus啊。」
Devin想了一想後，彈了一下指頭後說。
「唔識。」
「唔熟佢。」
Harriet及Felix分別說。
「我中一至中三都同佢同班，都算靚女嘅，不過偏可愛多啲，而且讀書又叻。」
Devin繼續照著他的記憶印象描述著Venus。
「喺喎，Alvin入咗話劇部識咗佢，所以揀佢都唔奇。」Harriet說。
「仲以為你會揀Elaine，成日見你兩個幾多計傾咁。」在一旁的Felix又把話題帶到我身上。
「我哋喺普通朋友嚟架咋。」我立即回答。
但他們三人都用著一個疑惑地眼神看著我……
--------------------------------------------------------------------------------------------------------------------------
「我哋喺普通朋友嚟架咋。」
我對著Venus又再次說出同一句說話。
「哈，我都未講啲咩，你做咩咁快證清啊？」她笑了起來。
「唔喺啦，啱啱諗起啲嘢……」
當說完後，我突然又回想一句說話。
「你要小心啲……」
第一次學會活動完結後，Venus在車上與我說的這句話。
「Venus啊，可唔可問你一啲嘢……」
我決定要把她這句說話問個究竟。
「問咩啊？問我個friend？」她好奇地看著我。
「你記唔記得之前第一次話劇活動完咗之後搭車翻嚟個陣，你同我講話我要小心啲。」我問完後看著她。
Venus都有點錯愕我會突然這樣問。
她先低頭沉默了數秒後，再抬頭看著我開口說：
「成件事要由上年中三開始講起……」
--------------------------------------------------------------------------------------------------------------------------
上年的話劇學會，我們整班同級的女生關係都很要好。
直到後來Raymond的出現，一切都發生改變……
「Raymond話想約我哋成班Form 3女仔去唱K喎。」Poppy很興奮地走到我們面前說。
「好啊，我好耐無唱過K啦！」Elaine在一旁歡呼起來。
「但佢淨喺約我哋Form 3女仔，唔約埋Bobo師姐佢哋嘅？」我好奇地問道……
起初我們都以為Raymond可能只是想小圈子聚會，反正太多人唱K場面會很混亂的。
聚會那天，我們所有人都玩得很開心，而且與Raymond更熟絡起來。
接著他不時都會邀請我們出外遊玩及聚餐。
直到某一天聚餐時……
「其實我哋一齊咗。」
Raymond與Elaine一同走到餐桌前方牽起手來。
突如其來的「喜訊」使我們都非常驚訝。
驚訝在他們兩人交往前是完全沒有任何先兆……
但他們交往就是他們的事了，我們只好祝福他們好好相處。
就這樣他們一邊交往著，一邊參加學會活動，甚至在校慶十週年兩人在全校面前公開戀情，轟動了全校。
始終大家都還年輕，會這樣公開炫耀都不奇怪。
接下來他們都如同普通情侶般互動……
直到學期尾時，有次學會活動Elaine當天請了病假，只有Raymond一個出席。
我初初都猜想若Elaine不在，他應該都會如常走來與我們聊天吧。
但結果不是……
他竟然走向了一堆二年級的女生群中聊天，過程有說有笑。
更不時會與其中一個女生出現多次身體接觸，例如觸摸對方的手等等。
Poppy很快就向Elaine報告了當天我們所見的一切。
聽說他們還因此吵了一場大架。
甚至暑假時，我不時都會從其他人口中得知他們兩人仍然經常吵架。
直到開學不久後，他們二人分手了，然後Raymond又很快搭上了那個中二女生。
--------------------------------------------------------------------------------------------------------------------------
Venus把整件事慢慢地說了出來，然後看著我說：
「起因就喺咁啦……點解你聽完完全無反應變化架？！」
她被我平靜的反應嚇了一嚇。
其實整件事我已經由依玲口中聽過了幾次了。
每次她提起Raymond及Jennifer時，都會把故事由頭說起。
所以我已經聽厭了，因此沒有太大反應。
「因為Elaine同我講過啦，所以個次第一次學會活動，我先暗串條友咋嘛。」
我露出了一個尷尬而不失禮的笑容。
「我仲咁詳細講比你聽，搞錯啊。」她扁起嘴說，看起來有點可愛。
「喺你角度講又唔同啲嘅……但點解要我小心？」我還是把重點拉回了正題。
「呢到講呢到散啊，其實我喺擔心你會做咗Elaine個水泡……」
Venus說完後稍為移開了眼神，其中一隻手在捲著頭髮。
「水泡？唔會啊嘛？」我聽到這個答案反而大反應起來。
「佢啱啱分咗手，唔多唔少都對Raymond仲有感情，但喺又想move on所以搵人做住情感轉移先……我見佢突然同你咁friend，仲拉埋你入嚟話劇學會，其實喺咪想用你嚟對衡Raymond呢？」
她仍然在捲著頭髮，但這次視線拉回來看著我。
「應該唔會啊嘛……？」我從她的說話當中開始作出反思。
「Alvin，我唔喺詆毀佢，只喺驚萬一你對佢真喺有感情，然後佢真喺當你喺水泡轉移感情，咁點算啊？」她的語氣有點著急起來。
為了離開上一段感情，而去轉移感情嗎……
我腦海中慢慢地浮現了一個人……
但有一點確信的是，我真的只當依玲是朋友，一個會談心的朋友。
「唔會啦，我同佢只喺朋友，唔會無啦啦鍾意佢啦。」
「你自己小心啲啦……」Venus的語氣沒有剛剛那麼急速，但又扁起嘴來。
「依家終於明你點解個陣叫我小心啲啦……你放心啦，我何鵬侑雖然遲鈍咗啲，但唔會無啦啦做咗人哋水泡嘅。」我拍一拍自己心口保證。
「我都差啲唔記你全名喺何鵬侑，淨下之前睇學分見過一次你全名……等等，何鵬侑……何鵬侑、何鵬侑、何鵬侑……好朋友！你個名讀快啲就會變咗好朋友！」
她把我的名字很快地讀了數次後，然後發現與「好朋友」同音，之後就自己笑了起來。
Devin你沒有說錯，她這樣笑起來真的有點可愛……
「咁Venus你中文名喺咩啊？識你咁耐淨喺知你英文名喺Venus Lo。」我反過來詢問她的中文全名。
「羅愛瑩。」她很快就說了出來。
聽到她的名字後，我立即模仿了她剛剛重覆讀我名字的動作。
「羅愛瑩……羅愛瑩、羅愛瑩、羅愛瑩……我愛你！」
其實這刻我自己都不知道最後讀出來的三個字是甚麼。
但只是我讀完後再著她……
她臉紅起來，並用一個害羞地表情看著我。
這刻我才知道自己剛剛最後說的三個字是甚麼了……
「有時候誤會可能是個開始，也會是個終結」