[愛情][校園]《你好，我只是你的好朋友》【劇場版：只屬我們的回憶】開始連載: 七十九．五

第七十九．五章
 
「阿侑已經同我講咗，聖誕聯歡會個日一定要搞掂呢次件事。」
「無問題，反正我都已經埋咗佢身，而且佢仲信到我十足十。」
「咁你喺佢身上套唔套到啲咩情報啊？」
「玥玥，你太過睇小我啦，情報呢啲嘢一早已經套咗唔少……我依家send段錄音比你，淨喺段錄音都應該都夠哂做！」
「好，唔該哂你啊！都唔知要點先可以報答翻你……」
「傻瓜！唔洗特別報答，你繼續同我……做朋友就得。」
「吓，你話同你繼續做咩啊？你講得好細聲聽唔到啊！」
「無嘢啦，我有嘢做先，收線啦，Bye-bye！」


對方雖然很快就掛斷了我的電話，但隨即都向我發送了一條錄音檔案。
 
而我都隨即便播放了那一段錄音，並感到有少許驚訝起來。
「估唔到條友想玩到咁盡……」
我忍不住就自言自語地說了出來。
始終，這一段錄音的內容，只是聽著都會感到心寒起來。
 
這傢伙先是計劃一直跟蹤著阿侑，並拍下了所有他與我們三個女生互動的照片。
然後再把Dan推下樓梯，並於網上開始製造謠言誣蔑及抹黑阿侑。
同時更把我與阿侑的秘密誇大來說，藉此分裂我們5F班，從而孤立阿侑。


之後更把預先準備好的照片，公開給那個話劇學會的女生，讓她對阿侑感到失望。
然而，那傢伙都算是成功達成了以上的事情。
但幸好阿侑都不是甚麼省油燈，有及早做了防範措施。
不過這段錄音後段的內容都實在是太過離譜了，果然那個傢伙最終的目標都是要把阿侑弄得身敗名裂。
我還是得快一點要通知阿侑……
 
「喂，阿侑啊？你依家做緊咩啊？」
「我啱啱食完飯，睇緊網上小說。」
「我攞到啲情報啦，依家WhatsApp send比你！」
「好……噢，我收到啦……咦？錄音嚟嘅。」


「喺啊，你聽咗先啦！」
「你等一陣，我開電腦版WhatsApp聽先……」
「好，你聽完再話我知。」
「嗯……我聽完啦。條友果然仲有好多計劃。」
「我哋依家點算好啊？本來諗住聖誕聯歡會搞掂佢，點知佢都諗住聖誕聯歡會搞大單嘢！」
「我諗諗先……萬一佢所搞關乎全校性嘅大單嘢，就會有點棘手。因為已經唔喺Jack一個編輯部就可以搞得掂嘅事。」
「咁要唔要搵埋以前3E班啲人幫手？特別喺狼？」
「狼啊……都好！有佢幫手會搵多啲情報，而且到時廣播室主導權都會喺我哋到。」
「咁就太好啦……啊，仲有！咁Elaine點算啊？」
「依玲，個到我會諗諗點搞好，況且Dan好似就快出院，交比佢先。」
「咁另外話劇嗰個女仔呢？段錄音話要搞禍你兩個嘅關係……」
「放心啦，羅密歐與茱麗葉嘅計劃已經開始咗。」
「羅密歐與茱麗葉？」
「唔詳細講，總之喺我計劃嘅一部份啦！」
「哦……咁睇嚟，反擊嘅鐘聲都開始響起啦！」


「嗯，我依家打比Fazer……啊，喺狼先啱！」
「好啦，唔阻你啦……啊，等一等！」
「做咩啦？喺咪探子有新情報？」
「唔喺啦，而喺阿侑你之後叫我都可唔可以好似Elaine同話劇嗰個女仔咁，直接叫我中文名啊……？」
「你中文名喺蔡霜玥……我喺咪要好似啲寵物小精靈咁樣，霜玥、霜玥咁樣叫啊，哈哈。」
「哎，阿侑你正衰人！去打你嘅電話比狼啦！Bye-bye！」
我馬上也掛斷了電話，並噘起了嘴，自言自語起來：
「阿侑正衰人，咁樣玩人哋個名……」

不過仔細點想一想，這還是他頭一次直接叫道了我中文名字。
還真是有點不甘心呢……
畢竟，現在我與他的所作所為都只是「假戲真做」。
若果蔡霜玥及何鵬侑的故事，能夠再延續的話，會有多幸福呢。
啊，我好像又像胡思亂想了些甚麼了……