[愛情][校園]《你好，我只是你的好朋友》【劇場版：只屬我們的回憶】開始連載: 番外篇M：錄音

番外篇M：錄音
 
以下是錄音紀錄：
傳送對象：Laura
第一段錄音：
—錄音開始—
喂喂，Laura！
我上咗飛機啦，你可以同翻佢哋講聲啊！
啱先喺入離境大樓嗰刻，見到你哋仲向我揮手、大聲叫我個名。
個一下啲眼淚真喺完全忍唔住，猛咁流出嚟。


搞到check我袋個職員都問我有無事，洗唔洗企埋一邊冷靜下先。
不過，我呢段錄音嘅重點並唔喺我喊到七彩咁。
而喺想講啱先我同Elaine傾計個陣，我硬喺覺得怪怪地咁。
我同佢講，我哋復合都喺我一心情願，所以唔好再嬲阿侑。
點知Elaine唔單止話無再嬲，反而仲話覺得我哋復合無問題。
但依家諗翻，個陣我同阿侑啱啱復合個陣，佢仲嬲到六親不認。
直到舞會個日，佢對住我哋都喺黑口黑面，無理由一夜之間就接受咗成件事。
更何況我知道Elaine應該都鍾意阿侑，所以更加無可能咁快就釋懷。
—錄音結束—
 


第二段錄音：
—錄音開始—
而且即使我走咗，仲有Venus喺到。
如果講同阿侑嘅親密度，分分鐘Venus喺我之上。
佢兩個就似天生一對咁，一個喺演員，一個喺設計師。
演員須要一個設計師，而設計師亦都須要一個演員。
所以私心，其實我想阿侑可以同到Venus一齊。
—錄音結束—
 
第三段錄音：


—錄音開始—
講下講下好似有少少離咗題，講翻Elaine。
我知道阿侑至今都仲喺堅持當Elaine喺好朋友。
就算佢知道Elaine鍾意佢都好，佢都淨喺當Elaine喺好朋友。
永遠都唔想劃過嗰條界線，大家之間保持一個平衡。
但喺我哋復合呢件事，代表條界線已經不復存在，平衡已經被打破。
Venus可以去馬，Elaine亦都一樣可以去馬。
但問題嚟啦，Elaine明知仲有Venus喺到，又點樣可以突圍而出呢？
雖然我都喺估估下，但喺我覺得Elaine應該會想阿侑多啲留意翻佢。
但同時佢應該心入面仲嬲緊我哋復合一事，有條刺喺到。
所以我覺得Elaine會以一個報復方式，去再次得到阿侑嘅注意。
—錄音結束—
 
第四段錄音：
—錄音開始—


講到尾所有嘢都只喺推測，不過都希望你幫我留意一下。
如果發覺到有唔妥嘅時候，都幫我同阿侑講聲，等佢有心理準備。
起飛啦，我去到澳洲再搵你！
—錄音結束—
--------------------------------------

「聽邊個錄音聽咁耐啊？」
Laura聽著Mandy的錄音，逐漸皺起眉頭，使得身旁的Rita都好奇地問起來。
而Laura聽完Mandy的四段錄音後，只向Rita搖了兩下頭。
「Mandy架，佢交低咗啲事比我。」
「交低咗啲事？咩事啊？」
然而，Rita再次問道的時候，Laura卻再次搖頭並說：
「好少事……應該話，喺佢諗多咗。」
聽到Laura的這一句說話後，Rita馬上靈機一動：「喺關於Alvin嘅呢？」
「嗯。」Laura隨即點頭起來。


然後便與Rita一同望向了阿侑，只見他此刻正與依玲一同正在傾談著。
「應該喺佢諗多咗咋……」
 
直到一月一日的凌晨，當大家點開手機的一瞬間，所有人都不約而同地瞪大雙眼，並感到難以置信及震驚。
在沙灘上與朋友一同倒數完的阿侑，更是當場手機脫手掉到沙子上。
同一時間，剛倒數完的Laura，也在看過手機後，張開嘴說不出話。
而隨即她也在腦海中回想起Mandy的錄音……報復。