番外篇L&R:2月13日
 
「打攪哂!」
打開門的瞬間,Rita便跟在Laura身後走進屋子並禮貌地喊道。
可是在她前方的Laura則很快就說:「無人比你打攪,今晚屋企唔會有人。」
然後就把鞋子脫去並隨意地扔到玄關的某一角。
Rita看著Laura那雙反轉了的鞋,便忍不住跪下身來稍為將鞋子擺放好。
「乜你咁無手尾架!」
「不嬲都喺咁架!」
Laura沒有理會Rita,只是走到客廳的沙發前,並「伏」一聲的躺在上面。


Rita隨後也脫去自己的鞋子,走到玄關旁的飯桌,把手上拿著的膠袋放到桌上。
「點解又無哂人嘅?」
「爸爸公司有Annual Dinner,完咗應該會成班佬去蒲。媽媽就約咗個指揮家今晚食飯,應該聽朝先翻架啦。」
Laura躺在沙發上一邊掃著手機,一邊以一個極度平淡的語言說道。
而Rita在聽到Laura解釋過後,只是臉帶點無奈地走到沙發旁。
「知道自己父母喺外面搞三搞四,但做女嘅都可以咁若無其事,我諗全世界喺得你一個先喺咁。」
「所以佢哋咪生咗個咁嘅女出嚟,似哂佢哋。」
對於Laura的此番言論,Rita不知道如何接下去。
雙方在陷入了短暫的沉默過後,由Rita再度發問。
「一翻嚟就撳電話,覆緊仔啊?」


「唔喺。」Laura立即把手機向Rita展示,螢幕裡是她與Mandy的對話。
「哦……原來喺Mandy啊。」
Laura接著只是「嗯」了一聲,便繼續向Mandy發送訊息。
可是當她多按了螢幕數下後,手指停下了動作並說:
「其實專一嘅感覺應該喺點?」
「專一嘅感覺?做咩突然咁問?」
Rita有點好奇地歪著頭望向了Laura。
「我飛哂啲仔。」Laura面不改色地說道,隨後也放下了手機。
而Rita只是「哦」了一聲,然後就交叉著手問:「因為嚟緊要考DSE,想專心啲?」
「唔喺。」Laura搖一搖頭,看著天花板繼續說:「純粹覺得好攰。」


「你都有攰嘅一日?發燒啊你?」Rita把手放到Laura的探頭上,假裝在為她進行手探熱。
可是Laura隨即卻捉住了Rita的手,並將其放到自己的臉頰上。
「識咁多個男仔,到底又有邊個會喺我發燒嘅時候,會幫我探熱,然後又會好似你咁撫摸住塊臉安慰我?」
「你Mandy上身啊?又探熱又安慰,喺差在借埋件冷衫比你。」
對於好友的吐糟,Laura依然一副放空的樣子盯著上方。
於是Rita便拿開了放在對方臉頰上的手,然後就皺起眉說:
「硬喺覺得你呢排怪怪地咁,三五不時就提翻起Alvin同Mandy嘅事。」
Laura沒有立即回應,只是慢慢地從沙發上坐起身來,並撅著嘴。
「可能喺有啲羨慕佢兩個掛。」
「啱先又話想感受下專一,轉個頭又羨慕個極端例子。」
「極端例子?」Laura微微地歪頭起來。
而Rita則是先閉上眼、點了兩下頭,接著又望向Laura說:
「Mandy的確喺專一,但喺Alvin,我就……唔評論啦。」
「但佢都最後同Mandy復合翻喎!」
Rita搖一搖頭,隨後就曲起身子,手肘撐著大腿,雙手托腮。


「如果當初Mandy無翻到嚟,Alvin又會同邊個一齊?」
在聽到這一問,Laura沉默起來了,大概心裡有數。
不過她卻扭過頭望向了Rita:「可喺喺我呢,哈哈!」
Rita忍不住單手掩臉起來,完全不知道怎麼吐糟好。
可是Laura隨即也收起笑聲並再說:「阿侑,佢嘅吸引之處就在於佢睇落唔突出,但同時又會喺啲細緻位到令你慢慢對佢著迷,呢個男仔真喺深不可測。」
「咁如果可以,你會唔會選擇鍾意Alvin?」
然而Laura沒有回應,只是先看著Rita數秒鐘,然後又望回天花板。
「一直都鍾意。」
Rita有點難以置信地睜了幾下眼:「真?」
「真,不過喺like。」
「嚇死我。」Rita馬上倒抽了一口氣。
「我鍾意阿侑、鍾意你、鍾意Mandy、亦都鍾意全班。」
Laura說著的同時,也一同微笑起來。
聽著對方如此說道的Rita,隨後也一同露出一個欣慰的笑容。
接著也拉住Laura的手臀:「鍾意全班就依家一齊整哂全班嘅朱古力啦!」


「唔制。」
「咁淨喺整Alvin、Dan、Francis佢哋呢個識咗6年嘅架啦?」
「欸……都得。」
 
 
「一切心動在於細緻之中」
已有 0 人追稿