我的外賣很快就送到了,而我亦都看見時間都差不多快9點了。所以當我一收到這個外賣,我狼吞虎咽地吞噬了我的晚飯;雖然那個晚飯好像又再一次貨不對辦,不過我好像它是什麼味道也沒有仔細地去品嘗了。畢竟準時是很重要吧!
時間來到9點,今日最後一張單了,就是和這個鐵牌一起的陪打單了。怎料,我一進去那個他開了的組隊房間,就在聯盟內建語音上聽到了一陣又一陣的哭泣聲,簡直嚇到我「個心都離離」。
然後我就聽到一把沙啞的女聲在問道「可唔可以開咪講下嘢?我啱啱失戀啊,可唔可以陪下我?」既然她也說成這樣,我亦都唯有開咪和她說話,讓她可以有個人讓她傾訴吧。
「咁你落陪打單係想人帶你爬分定係揾人做你嘅樹窿㗎?」
「兩個都想…」
「咁好啦,你一路講,我地一路打啦。」
就是這樣,我們就因此而相熟起來了。而我,我並沒有想過,只是由9點到凌晨2點的期間只是因為她剛剛失戀,而臨時成為她的樹洞。
「好啦,咁今日到咁多先,聽日仲要返學,係咁。」
「咪住!唔好瞓住,你仲讀緊書?」
「係啊,有咩問題?」


「咁你讀緊大學定中學?」
「中四」
「咦!我都係中四喎」
「好啦,唔講住啦,聽日仲要返學,我要瞓啦,係咁!」
沒錯,我是自己一個住的,因為我的阿爸阿媽有幾層樓,加上他們又長期在外地工作,那就只有我一個人在,所以他們便叫搬到其中一間屋到住,其他的,他們就租了出去,然後當他們返香港,就會過來和我一起住。
今日這張陪打單,我直接由鐵四帶他到鐵二了;不過,鐵牌的積分場真夠累…,各式各樣的放推送頭亂沖,都不停刷新我對這個遊戲,英雄聯盟的遊戲認知…。
「屌啊!個鬧鐘冇響嘅?!宜家……7點9,學校就返8點3,由屋企過去學校都要差唔多半個鐘喎,今次真係仆街啦…」
結果經過我的努力之下,最終在8點17分回到學校,當然,遲到就小不免會被我們的訓導老師「訓斥」,不過我就讀的學校被譽為全區最嚴的學校。全因我們的訓導Miss 蔡是一位「威震全區」的訓導老師,我什至乎有聽過其他師兄說過,她的威懾力比我們的校長有過之而無不及的能力。而Miss 蔡就是這樣罰了我今日的午餐時間和放學都要留堂。
當我回到課室之後,我的好朋友兼工作室內的拍檔,歐俊對我問道「你今次又做咩嚟搞到遲到啊?朝早對住你嘅雷玟嚟打飛機?」
「唔係啊!係個鬧鐘冇響到!」


「繼續吹,俾你繼續吹…」
「唉…算啦,咁你琴日同果個鐵牌打成點啊?」
「你仲好講?你俾個鐵牌,仲要失戀嘅我??」
「仲要個ID改到成個綠茶婊咁…我咪只係帶佢由鐵4上到鐵2囉。」
當我們的對話到一半時,小息的鐘聲就響起了。
當我準備出課室門口去小賣部買我的早餐的時候,就聽到來至隔壁課室傳來的大聲的叫喊聲:「郭怡同我企係到!」然後我看到鄰班的宅男金貴叫道「點解你要飛我?」
「咁就要問下你自己啦…」
「你有女朋友,仲要係到撩其他女仔,昅人地?」
「Er..」
「Er啊,咁姐係冇嘢講啦嘛?咁就唔好阻住我啦」


當我聽到這把聲音時,我卻覺得無比熟悉,就像昨日那位下陪打單的少女一樣的聲線,只是語調有點不一樣而已。算了,我還是不要多想了,除了因為幻想太多傷身之外;還有就是,我太肚餓了我要去買早餐是了。
當我和歐俊到了小賣部,買完我的早餐之後,歐俊就對我說著:「你知唔知果個郭怡都有打LOL啊?」
「真㗎?ID係咩啊?」
「等我諗諗先……好似係叫咩酸奶何必裝純啊。」
「等陣?!你話佢個ID係叫酸奶何必裝純?」
「嗯。」
「你知唔知佢係果個落單指定係我陪打果條友嚟㗎?」
「欸?!唔怪之得啦!我果陣時見到個ID果陣咁熟口面啦。」
就在此時,我們還有一個鄰班的朋友,而且他還經常和我們一起在工作室做代打的以及有時還會我們一起打一些比賽的好朋友,黎膠。他向我們走來問道「喂,今朝唔見你嘅?仲有就係你知唔知頭先發生咗單大事?」
「你講金貴果件事?」
「冇錯,咪就係呢件事囉!」
「我只係冇諗過你啲口味咁獨特姐…」
「咩獨特啊?你知唔知果個郭怡,好多仔鐘意㗎?果個周恆都好鐘意佢㗎」
「咩話?!果個咁嘅書蟲都鐘意佢?」
「係啊」


轉眼間,小息又完了,又很快就到午膳,不過就要留堂就有點不太好,不過這只能算我活該了。但是他們兩個,竟然幫我買瑞士卷來給我當作午餐。這讓我還未到放學時候,就已經很肚餓了…
到了放學的時候,我很想出去買東西吃,但是我還要留堂,而且我也再不敢叫他們兩個幫我買東西吃,免得他們又買一些奇怪的東西給我了。
幸好,放學的留堂沒有什麼問題,所以我就很順利地準時回家了。
回到家後,實在太累了,所以我就直洗完澡就直接睡了,完完全忘記了,我還有那張陪打單要做。直到我的電腦不停地傳出一些提示聲音,把我吵醒了。
當我打開我的枱燈時,我就看到已經將近11點了。原來,剛剛在叫我的,就是那位酸奶何必裝純在叫我起床做她那張陪打單了。
待續…

已有 0 人追稿