[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.3 驚魂（10）

凌晨嘅月光，就快要打到落黎我地呢度啦，再check check隻表，時間23:40，我地一眾人捉緊時間，係00:00之前準備好一切事情，同埋起好哨塔，接住係旁邊我地開始去起水泥磚牆，防禦外來嘅襲擊，同埋保護我地嘅哨兵同哨塔，雖然我地唔係專業嘅建築工人，好彩依家youtube上面嘅教學內容非常之多元化，我地都總算有個似樣嘅防禦設施。吓，你話唔明點解我地會有水泥同埋磚？其實係我地出外個個時段，我已經叫其他同學去附近嘅廢棄地盤到搵下仲可以用得着嘅建築材料，呢一切暫時都仲係我嘅控制之中，很好！磚牆起好，對錶時間又到，23:55，五分鐘後，我地就會迎來新嘅一日，唔知我地嘅明天會唔會更好呢，或者會唔會，向更差嘅方向進發⋯⋯

根據我嘅知識，係呢一種末日下生存，所有嘅事情都最好係00:00之前完成佢，因為00:00之後，新嘅問題會開始浮現，到時候事情可能就會有更大嘅發展，所以我地避難所都規定00:00之後有幾項規則：

1. 00:00後未經許可不得出入更衣室，去廁所前，必須通知當前的守夜人，違者罰半餐飯，軟禁1天。

2. 00:00後不得大聲呼叫或喧嘩，同時不得大聲談話，違者罰一餐下午茶。

3. 00:00後不準開燈，違者罰一日不可幫手機充電，浪費電力。



4. 00:00後不能飲食，以免引發餓狼搶食的情況，違者罰一頓早餐。

5. 00:00後不得騷擾別人，違者禁言6小時。

6. 如有獲得最新消息，必須向隊長們通報，有賞。

呢一啲嘅罰則，我相信可以有效咁阻止大家做一啲對呢度有威脅嘅事情。加上罰則，我更相信大家唔敢以身試法。加上呢個報料熱線，可以令大家更有動力提供新資訊。

由於今日係第一日，所以我地要做嘅嘢特別多，雖然你頭先見到我地做嘅嘢好似好多咁，但係遠遠未做完要做嘅嘢，我地分別要幫呢個更衣室裝修，令到同學睇到呢一個地方係有一個親切嘅感覺，增加更多嘅歸屬感。所以我地係更衣室嘅當眼位置貼上咗我地嘅班相，令大家記得我地3B班係一個群體，而唔係屬於某人表演嘅遊樂場。



大家嘅心情都好似非常之唔穩定，我可以理解，因為始終一個正常人係冇可能一時間接受到呢個咁重大嘅變化，每當佢地諗到即將會進入末日嘅浩劫之中，接受唔知要維持幾耐嘅洗禮，佢地嘅心情就會即刻跌到落谷底。呢一個晚上雖然十分之平靜，但邊個又會知道第二日會唔會先係暴風雨嘅來臨呢，大家訓係更衣室嘅長椅上，每個人都輾轉反側，冇辦法入睡。

「唉，估唔到我地大家小小年紀就要被捲入呢種風波之中，都唔知大家會唔會頂唔住。」我內心深處有把聲音響起。好彩有啲同學都好樂觀咁面對，盡力去安撫身邊嘅同學，幫助佢地渡過呢個心理關口，我作為領導者，真係感覺到好欣慰。當然我係無可能咁早走去訓啦，我見安頓好其他同學，我就立即走返出去避難所嘅入口處，安排輪更嘅時間表。
每一更嘅值班時間為4小時，每日六更，每次5人，分別兩人駐防於出入口處，兩人駐防在哨塔，1人負責巡邏。安排好值更時間表，我地先至可以暫時放心落黎。
（未完待續）