[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.10. M的第二人格（8）

佢見到我嘅微笑，亦都放下心頭大石，道：「咁我信你架啦，我嘅屋企人就靠你守護啦，我見到你個笑容就完全get到曬啦～加油啦～好奇怪嘅M，從我第一日接觸到你，我就知你唔簡單，同埋我睇得出，你係一個好負責任嘅人，加上決心又夠穩，將事情交比你，我放心啦。多謝！

你果然都仲係個個IG上嘅你，無變過，都係咁識為人着想，抵我咁⋯⋯」

講到呢度，佢塊面再次紅曬，好明顯唔想再講落去。

我亦都識趣，冇再追問，反轉頭將手指放喺佢嘴唇上面，停止咗佢欲言又止嘅動作，我開口：「好啦，你都係唔好講出嚟先啦，等我自己慢慢諗啦，我估我知道你想講咩啦，

保持神秘啦，就好似我呢個奇怪嘅人咁。」



我一開口，總係比到人一種安全感，令人對我毫無顧忌，冇防人之心。

好彩，我到呢一刻都仲係好人，但我自己都唔清楚呢個立場仲有幾耐嘅保鮮期。

算啦，講咁多，我會用我嘅能力同埋理智去保護M本身，同埋佢珍重嘅人，永遠永遠，就算過咗那該死的保鮮期。
我喺對話中發現咗M同嗰個女仔嘅關係唔一般，分分鐘只係戀人未滿，頭先曖昧嘅氣氛，瀰漫住啱啱嘅對話，好彩我冇出差池，如果唔係，M一定會劏咗我。我傾完後就轉身離開，冇理到佢嘅叫喚，徑直行出更衣室，去到户外行走，攞起手機就開始寫日記，記錄每日嘅情況。

日記內容：
2020/2/12 星期四 天氣 晴（M手筆）



今日，病毒突然喺香港爆發，並且喺毫無徵兆咁悄然降臨香港，我引以為榮的家。

我喺返緊學嘅時候收到一則新聞，得到咗喪屍襲港嘅消息，內附嘅插圖嚇咗我一跳，當時我唔相信以為只係一則普通嘅假新聞，但係從我睇到文章後嘅3分鐘後，眼前嘅新聞，卻被人刻意並且匿名地刪除，試圖抹掉文章從呢個世界上出現過嘅痕跡。

我就開始醒起一樣嘢，如果事情非實，政府並唔會浪費人力物力去清理呢種只會出現喺荷里活大片嘅情節，唯一一個可能就係事件確確實實發生喺眼前，政府為咗維穩，選擇咗去隱瞞，但市民嘅眼睛係雪亮嘅，我相信一定會有其他人知道呢件事，會煲大黎講。

加上呢種情況，完全冇可能可以隱瞞落黎，只要有個源頭，後面不幸嘅事件一定會接腫而來，因為⋯⋯





紙包唔住火。

我連忙同我僅僅嘅幾個朋友，去討論呢件事，佢地起初都對呢個情況半信半疑，但越黎越多嘅同類新聞浮上水面，附上咗幾張冇可能經過加工嘅圖片，都唔輪到大家唔相信。我地商討咗好多嘅對策，決定準備物資去避過呢一個風波之中，本來我地只係打算自己走咗去，但良心話比我地知，我地，一定要返去，只有我地能夠拯救到大家嘅安全。我地準備一袋二袋之後，就返到學校，沿途嘅人都用奇異嘅眼光望住我地，但我地都冇去理會，一心去到學校通知我地嘅同學。佢地對於突然黎到嘅災難當然有過唔信任，只憑我地嘅片面之言冇可能信任我地，我地叫大家攞起手機去睇新聞，大家見到呢個情況，有部分人都選擇第一時間相信我地，加入我地大隊，當然亦都有反對份子，唔相信我地一行人，以為我地只係食飽飯冇嘢做，相信假新聞。

相信事實，好快就會令人接受吧。