[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.13(5)

時間19:15

我完成咗呢一個晚餐，心中仲有一絲嘅暖意。

我同我呢一班嘅同學再次閒話家常，我同Alex又充當起3B班嘅暴走族，帶起咗呢一個氣氛，場面異常和諧，本來有仇口嘅同學們都化敵為友，轉為槍口對外，合作起黎。

我趁住呢一個機會，同大家做咗一個Q&A，詢問大家對我嘅意見同埋滿意程度。

Q1:「大家覺得我係一個點樣嘅人？」



台下嘅人鴉雀無聲，只有我班僅有嘅朋友回答：「你啊？係一個好認真嘅人啦。仲有仲有！係一個好令人放到心嘅leader。」

之後其他同學都默默舉起對手，開始想表達意見。

「你係一個好玩得啊，同埋一個好多計仔嘅人囉。」

「你係一個好深藏不露嘅人囉，你有呢種能力但係你到依家先發揮出來，一定有啲嘢啦。」

我回答：「嘩！大家比嘅comment 真係特別令到我跌爛眼鏡。我邊有你地講嘅咁勁先得架，都要有大家幫手一齊建立嘅。我唔係一個人，你地更加唔係！我地一團和氣開開心心先係重點！」



Q2:「你最鍾意邊個歌手？」

冇話邊個嘅，不過夾硬要我講嘅話，我係會比較鍾意黃宗澤，雖然佢把聲唔好，但我相信佢唱嘅歌一定係最好嘅！香港樂壇欠你一個交代！

Q3:「你最鍾意邊隊樂隊？」

當然係SUPPER MOMENT啦！佢地嘅兩隻歌將我從絕望邊緣救咗出黎啊！

歌詞同音樂都係一流，主唱唱腔夠曬有中氣。



答到第三題，我已經忍唔到想開始唱歌。

「世上偶遇也是重遇，要是這樣豁達又何不專心著書。」

「我要做個放下你的我，苦等某天被前度道賀。」

「可惜笑得比喊痛苦，寧願看不破。」

「我放下你卻未放低誰麼，痛恨還是受傷，好過，

趁仍舊有力氣，寧願痛苦能夠證實相戀過。」

林家謙—《拼命無恙》

台下嘅掌聲一片，反應唔錯，雖然我地唔可以大聲開live，但係依然可以繼續細聲唱，一齊欣賞音樂，既然反應咁好，咁就唱多隻囉。



「無需再介意與他走過那段奇妙旅程，陽光繼續照，霎眼雨過天清。」

～～～～～
「你要習慣沒有依慰的肩膊，不要太傷心過麼，留得低溫馨剪影已是不錯。」

「若你尚眷戀，幸福許多，那有美麗會百世流芳。」

～～～～～
「若感動過，若燦爛過，並不枉過。」

SUPPER MOMENT—《P.S I Love You》

隨住音樂嘅完結，第二首歌又完咗啦！呢下大家嘅反應再唔係拍手叫好，而係有部分人抱頭痛哭，亦都有部分人喺度啜泣，只有些少人仲維持住笑容。



「初聞不知曲中意，再聽已是曲中人」

相信此時此刻，呢一班人，都感受緊呢一個情況啩，雖然未必個個都係默為愛情而喊出黎，但係以呢一首歌寄嘅意相信都幾廣泛，並唔係幾句就可以想像到呢個歌曲世界。

最衰唔可以大大聲咁同大家一齊high啦，雖然附近冇任何感染者出現，但係我相信我地一打開音響，打開嗓音，一定會引到我地之前冇留意嘅感染者突然跑出黎，到時我地嘅安全就未必可以做到一個保證。

之不過大家聽得咁開心，我冇理由打斷大家嘅雅興。於是，我就開放咗點歌模式，等大家隨便聽歌，雖然我嘅曲庫細得可憐，但係基本嘅廣東歌我都係識唱嘅！