[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.14同學？（5）

最後到3E啦，好彩喺呢一班都仲有朋友，我毫不猶豫咁打咗過去。

嘟，嘟嘟，嘟嘟，電話撥出咗差唔多半分鐘，我立即檢查有冇禁錯電話號碼。

完全冇啊，電話冇禁錯，聯絡人都係佢。

我選擇掛斷當前呢個撥出嘅通話，再次打呢個電話過去。

嗶，呢次直接跳去留言信箱，究竟發生咗咩事？點解打極電話都唔無法聯絡到呢位朋友？





唔通佢傻到用到冇曬電？定係唔想浪費電量，所以熄咗機？我諗極都唔明，希望唔係出咗事啦。

打電話嘅時間持續咗10分鐘，我部電話都就快冇電，唔夠膽用太耐。

呢個moment，我嗰位朋友突然打返電話比我，原本我都已經打算放棄自己搵人，去搵返其他同學代為聯絡，但佢打過黎，我冇理由唔聽嘅。

M：「喂？你終於肯打返電話比我啦？頭先去咗邊度玩啊，打成日電話比你都唔去聽，仲諗住搵其他人算數架啦，打咁耐比你都唔聽，真係嚇死人。」

電話另一邊嘅朋友同我講：「冇啊，頭先驚電話食電太快，所以咪熄咗機囉，我諗住幾個鐘開一次就算，費時用完之後就冇得再用。」





M：「啊Long，好彩你係咁講，如果你話打機打到依家嘅話我會打死你，睇你仲打唔打機。」

Long:「咪玩啦，仲有邊個得閒打機啊，打過嚟做咩？」

M：「例牌問吓，你地班物資夠唔夠，武器啱唔啱使，領導係邊個，最主要嘅係，你地班依家喺邊度？」

Long:「我地班物資唔多夠啊，有少少棘手，我地依家嘅武器都係得少量，得菜刀，生果刀個啲嘢。

領導啊，我地未決定好啊，不過我諗我會試吓去做，應該得嘅。





我地班依家就喺彩X邨嗰邊，喺同學屋企咋，啱啱好有兩個同學就住喺嗰一頭附近，我地就分開咗兩批去『生存』？係咪咁講XD。」

M：「仲得閒講笑，同我一樣，笑死。物資唔夠嘅話可以去搵下外面嘅餐廳或者士多，或者過黎搵我地，我地比你。

我地喺坪石公園嗰邊啊！你知唔知邊度？唔知就自己google map啦！

武器你地就自己去搵啦，我地最多就係比多兩把氣槍你地咋，我估新蒲崗嗰邊應該會有war gmae鋪，或者你地作死啲，去觀塘，一定會有。

不過我就唔係幾想你地去送死，除非你地真係咁勇啦，但你地嘅武器情況就唔太樂觀，因為觀塘嗰邊嘅道路都幾窄，特別係工業區嗰邊啊！

兩邊都係building，條路窄到飛起。比感染者追到，你除咗跳去馬路，你冇任何其他選擇，你依家係新手上路，唔可以去中等級數嘅地方，你地越級挑戰只係自己攞黎衰。

一係你就再搵更多同伴，一係你就同我地其中一班一齊，最安全暫時就係學校村嗰邊，3A同3C就喺嗰邊駐紮，你地3班一齊就應該冇咁容易出事。

你地自己取捨，因為佢地有可能唔接受你地，依家佢地物資都唔多，要等穩定先可以再收多啲人，我地呢邊呢情況就唔太樂觀。





內部有同學唔係太滿意我地，同埋我地附近冇見過感染者，但係先至係比到我最大壓力嘅一件事，因為一出去，可能就有更多匿喺暗處嘅感染者出現，到時就係我地措手不及，直接玩完。

如果有其他嘅感染者喺條街度出現，即係某程度上就係得嗰到幾隻，唔會再有其他，呢個喺佢地大概嘅習性。我地驚就驚係佢地一直隱藏，想一鋪收我地skin。

唔好懷疑，你信就係啦。呃你我冇著數。自行酙酌。」

Long:「我地諗諗先，比時間我地啊，我地仲有3,4日食糧，應該有時間。之後我會幫佢地搵下物資，比佢地周圍探險用下，或者比佢地帶去新倖存區到用。」

M：「果然係戰鬥員，你地都係咁鍾意打交，唔鍾意安穩。」

Long:「你變咗啦！之前你遇到同樣情況都唔會咁樣架！你一直都係衝喺前面嘅大佬，依家做咩退返去後援位啊。」

M：「冇計啦，之前還之前啊！任務呢啲嘢，得我一個同你地呢班兄弟咋！死咗都唔會累到其他人啊！





我仲可以自救，但係依家身後仲有一班同學，冇理由有呢個身份都唔選擇去救多啲人架嘛！

我地當初加入，到執行任務，都係想救多啲人咋！依家我背負30幾人嘅命運，我唔可以咁輕率啊！

我咪唯有搵個大本營比大家，等大家可以有個容身之所啦，做個後援都唔一定係件壞事嘅。」

Long:「咁又係，至少我地出事嗰陣仲有你呢度幫到我地，有瓦遮頭咁又幾好，你最好堅持，唔好咁快執笠啊，如果唔係我地就等食榖種。」

M:「得啦，我會盡力。祝你地好運。」

Long:「收到，早抖。」

最後一個通話結束，終於可以小休一下，等陣又要打點行夜更嘅同學。

望一望隻表，時間為22:15