[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.16回憶備份(2)

先同大家講句唔好意思！
我又遲咗出文！

【啊餅篇】
「喂，打唔打機啊？你知邊隻嘅，我唔使講出黎啦，我冇收廣告費架，費時比人鬧我出植入式廣告啊。」M說着。

「好啊，我都要衝排名，依家差太遠，要比啲時間先得。」我說。

「好，開game，我睇你打，我地輪流睇大家。」M笑着。



熟悉嘅開場音樂響起，進入遊戲。

「哇，呢隻game真係有夠垃圾，成日比啲對手都係滿級卡，又要滿級塔，你打啦，我睇你。」我說。

「我都覺，即係叫你課金，唔課唔比玩。雖然我有課，但係都搵唔到有咩勁咗，一直加新卡，一直課金，冇意思。」M附和。

「我都係打咗先，睇我，我認真打，打完諗下大家聽日食咩。」M繼續說。

3分鐘後⋯⋯



「垃圾game，好彩我贏到，又係一場硬仗，好彩對面低低地姐，我先至可以用低級卡贏佢滿級卡。

食咩啊，日本嘢，定係台灣嘢，定係你想叫雞？我打死都唔食放十年啲嘢食都未爛嗰間，我仲後生，唔想死啊。

我之前收到內幕消息，呢間公司都係用千年油同埋僵屍肉架，不過都係呢期嘅事，聽講係換咗間公司之後先有呢個問題。

所以我偏向食嗰間日本野，雖然細細份，但材料真係有心機嘅，唔係cheap嘢，之前呢個廚師攞過獎，有一定保障，平平地又唔過50蚊，抵到爛啦。」

M認真地說。看來他對食物真的很有講究。



「好啊，間唔中食下都幾正，雖然你覺得平，但係對於我呢個將啲錢全部入曬八達通嘅人，真係一個好大問題，你幫我比住先，後日還比你。」我無奈地說。
「好啦，記住還錢啊，你知我成日都唔記得追數架啦。」M笑道。

「得啦，咁叫埋K，Alan啦。」

「聽日12點半一放飯就走，同班咪慢慢吞吞咁。」

「ok。」
翌日2020/2/11星期一

「今日12點集合，琴晚你地都收到架啦。」

依家時間11:30

「呢獲瀨晒嘢，我dum咗篇嘢比你地，你地快啲睇，等陣食飯即刻討論。」M驚魂未定。



「搞乜，你好少上堂玩電話架喎，乜事咁急。」我疑惑地說。

「頂你啊，自己睇啦，我諗緊嘢啊。」M帶有點點暴躁地說。

「單嘢堅唔堅架，咁驚架咩。」K插嘴。

「我都諗緊，但張圖唔似假野。」我說。

睇到講台上嘅老師，有少少趕急嘅情況，我意識到，呢件事唔多似假嘢。

「你地自己睇睇阿sir，個樣表面睇落正常，但實情唔多對路，見到佢個樣係有少少夾硬黎嘅feel，你地覺唔覺？」我仔細分析。

「我都覺，唔講笑，怪。」M依舊惜字如金，顯然佢已經開啟思考mode。



「真係咩，點解我睇唔出？」Alan說。

「ermmm，我地無可奉告，你係信嘅就跟我地。」我和M同時說出。

「咁好啦，雖然我唔係幾相信會出現咁荒謬嘅情況，當打機咁囉。講真，有時我有少少想試下逃課，我地今次係咪要咁樣啊，我好期待啊！」
唔知真傻，定係扮晒嘢，我有少少想打佢。
「你當係啦⋯⋯」我非常之無奈。

時間12:00
「快手，唔玩嘢。帶多啲錢」M急忙地說。

「收到。」K極速明白。

「好嘅，八達通應該都得嘅。」我可憐地從銀包拿起一張卡片。



「點解⋯」Alan依然不明所以。

「行啦，之後你地會明。」M沒好氣地說。

地點：日本餐廳【嵐屋】
因為事件太過趕急，大家都黎唔切欣賞呢間餐廳嘅裝潢，點餐後就開始討論。

哈哈，估唔到，最後一頓安穩嘅午餐，竟然係同佢地幾個一齊食。

鏡頭一轉，我地已經帶住一袋二袋，返到學校。

此時此地，已經冇其他老師，校工留下。

只剩低，一班狀況外嘅學生。



「大家信我地，即刻走啦。」我幫M通知着。

【啊餅篇 完】