[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.18 詭異之人

（WN視角）

此時時間08:30

眼見離約定時間越黎越近，而M又遲遲未醒返，本身諗住等佢指揮大局，無計啦，鬼叫佢仲未醒咩！

呢一個時刻，本陣所有人員都有少少不知所措嘅感覺。

「做咩阿M佢突然暈咗？」



「點知啊！」

「點解嘅？」

「點解你會問我點解？」

「佢係咪比人打爆咗個頭，內出血啊。」

「咪講笑啦，邊度有傷痕啊！」



本陣中，大家都不斷討論緊，點解M會突然暈低，但又冇人可以解釋到個原因。因為，連佢自己都可能唔知道。

「咪亂up啦，冇人知佢點解會咁架，等佢自己當事人講返出黎啦。」

我相信，應該唔係一個問題，除非佢真係醒唔返。

但，佢係M，一個深藏不露嘅人。

從來冇人知道佢嘅底線，佢嘅能力。



我都相信，佢會信得過我，同埋佢嘅兩個核心大腦。

我向啊餅同埋K示意，自己會去出任務，負責帶黎討論區上求救嘅倖存者。

如果，佢呢一刻係清醒狀態，一定唔會比我出任務。

但係，喺佢唔喺度嘅時候，我就唔會再跟指令。

指令？做多咗啦！

所有人嘅指示，我都可以聽，但係我就係唔聽你嘅。

「行啦，Alex，仲有你啊，陳子昂，一齊出去接人啦！」

Alex：「雖然我唔係幾想去，有少少開始驚，但係都冇計啦，睇怕冇人想做架啦！我不入地獄，誰入地獄？」



陳子昂：「吓⋯點解⋯要我出去⋯外面⋯變到⋯好陌生⋯好恐怖啊！！！我唔想出去啊，可唔可以放過我啊，對唔住啊，我真係唔夠膽啊，我唔想死啊！嗚嗚鳴——放過我啦，放過我啦！」

我深感無奈，但都知道，「這就是人的原本一面」。自私，懦弱，膽小的人。

都係人之常情，冇可能每個人都可以，好似M一般，成為一個散發人性光輝嘅人。

連我自己都冇辦法。

自私，可能就係人嘅天性。

但係M咁信任我，又冇理由咁樣跣佢一獲架。

依家，係兄弟，同自己嘅battle。



明顯地，兄弟勝利。（如果唔係呢一篇可以直接完啦XD）

WN：「唉。算啦算啦！你咁樣，我帶你出去都冇意思！本身諗住比你學下嘢，估唔到你竟然咁樣拒絕，拒絕我唔介意，你叫乜鬼啫，作死啊！」

「幫我抓起佢鬧多佢幾句，之後放佢走，反省下，我都費時哂時間喺佢度，佢唔出去，咁搵其他嘢比佢做啦，巡邏或者做防守嘅道具啦。再唔係幫我地上討論區睇實啦！咁樣都唔識，就抓佢去起嘢啦，搵啲地方比佢起個哨塔，等我地一班戰鬥員去觀察外面情況，咁樣應該冇問題啩！唔做唔好食飯啦，養黎多餘！」我差少少爆發，真係越講越嬲。

？：「喂，WN，會唔會講多咗，你咁樣比M知道嘅話，你唔掂架喎！」

一張陌生嘅面孔喺我面前出現。

WN：「是但啦，M唔想咁樣，就等我教囉！」

陌生人：「你又啱，咁我都係喺側邊睇戲，食花生。」

WN：「咪住先，搞乜鬼，你係邊個。」



陌生人：「我啊，你唔識架啦。我自介一下，我係林洛維，叫我阿維啦。」

WN：「點解我好似冇見過你？？你係呢一班嘅人？」

維：「你唔係咁講嘢啊，我係存在感低啲啫，你未至於有咁嘅反應啩。。」

WN：「咁我真係冇見過你啊嘛，係咪唔比先。」

維：「唔係唔係，是但你啦，遲早都會認識大家嘅。」

我隱約覺得有少少奇怪，都係唔好講出黎先。

呢個人，真係3B班嘅人？



免得打草驚蛇，我都係等M起身先同佢講。

因為我非常肯定一件事-------------



呢個人，從來，係從來，冇喺我嘅記憶出現過。


一種強烈嘅不安感湧現，我開始慌張。