[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.20(3)

我攞起枝槍，不斷射出子彈。

眼前嘅感染者，都被我嘅亂槍一直射擊，中槍嘅都哀鳴不斷，未中槍嘅就好似有意識咁，想保護自己同伴，但睇到自己同伴已經喺將死之「者」，佢地忍唔住嘅情緒就直接爆發。

呯！一下驚心動魄嘅槍聲。

呯！兩下慘絕人寰嘅叫聲。

佢地都係想保護同伴，我又何嘗唔係呢？



我見到勝利嘅曙光。

頭先感染者嘅哀鳴聲，我已經拋諸腦後。

放低武器，立即衝上前解救我嘅隊友。

嘭嘭嘭！

天降神兵。



一班感染者突然從天而降，降落到兩位隊友嘅面前。

眼前兩位隊友，一位昏迷，一位清醒。

明顯咁，清醒嗰位非常驚。

「WN！快啲黎救我啊！我唔想咁快死啊！我仲有朋友，屋企人要見架！我唔可以，絕對唔可以死喺度架！快啲救我啊！」

佢嘶聲力竭。



我冇辦法唔幫佢。

但係，我要突破重重難關，只可以靠我自己一個人，冇人可以幫到我。

眼前一大波敵人，彷彿同我講緊，你要救人，就留低條命先啦。

呢一句設計對白，估唔到真係對方嘅諗法。

「你⋯一係死，一係走⋯」

「小朋友先做咁無聊嘅嘢，我唔會聽你支笛。我，兩個都唔會揀，除非，我真係死咗。我一係唔走，一係救完兩個隊友先至會走！呢個就係我嘅選擇！」

你相信有奇蹟嗎？我，當然相信。

「喔呵？恭喜曬。你完成遊戲。雖然智商差咁少少，但係，你展現咗自己嘅能力。依家你可以離開。」



否則，依家就唔會意外地走出困境。

我點解會喊？就係因為咁樣。

差些少就要嘗試到，失去隊友嘅嗰一種感覺。

只係意識世界，我已經接受唔到，咁要我之後遇到同樣情況嘅時候情何以堪啊。之後嘅旅程就更加唔會係我有辦法面對嘅問題，亦都係無形嘅壓力。

始終我都係太過重情重義，死隊友？No way！

身體好似唔受控制，自己崩潰。

雖然頭先我喺意識世界有唔少嘅經歷，但喺現實世界之中，我只係過咗一眨眼嘅時間，冇多冇少。



處於意識世界之中，真係別有天地，發生嘅事都特別唔同。我進入意識世界嘅原因係咩？觸發點又係咩？完全係未知嘅領域。

不過見到突然失蹤嘅隊友，又突然出現喺眼前，真係有第二種嘅感慨。就好似自己死而復生一般，誇張到好似自己溝到女咁。

都係嗰句啦，「捉緊眼前人」。相信我，一定唔會令你後悔。

唔去捉緊，遲早你都會慢慢失去，到時想彌補之前嘅過失都冇無用啦。

今日有，唔代表聽日依然有。你唔知邊一日會突然有一個震撼你心靈嘅惡耗。珍惜，就係你最強硬嘅手段。好好感受身邊人帶比你嘅歡樂，一但失去就冇得返轉頭食後悔藥。

你都無法慨嘆人生中嘅哲學，人生無常啊，隨心啦。


「喂，WN，做咩企喺度唔行啊。」



我啱啱回歸現實，就比隊友叫返醒。