[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.22

M視角

「我喺邊度？呢度發生咩事？做咩咁嘅樣？樹又唔多一棵，地下又被火燒到黑曬咁，咩玩法。」

我感覺奇怪，似曾相識，又好似非常陌生咁樣。

「啊！唔好啊！放開佢！放開我隊友啊！即刻放開！」

吼吼～！（做架兩？攞你命。）



「快啊！」仲未等佢放手，放開所有，就已經失去僅有嘅理智。

亂槍掃射。

利刃嘅聲音突然出現。
嚓—，其中一位隊友已經中刀。

「你條PK，夠膽搞我隊友？今日我要同你死過！！！」

吼～吼～轟！



刺耳嘅聲音，嗡—————

「啊！唔⋯唔好⋯我要保護大家。」

眼前一黑。

「喂！你點啊！快啲醒啊。」

這是夢嗎？



點解，個感覺咁真實？

明明記得冇發生過咁嘅事架喎⋯⋯真係奇怪。

頭先嘅一句，原來並唔係喺夢境之中。

但係於我嘅記憶，好似曾經真係有人咁樣同我講過，而且仲要同樣喺我接近非清醒狀態下出現過呢句說話。

「聽到？食飯啦喂，我地救好人啦！你仲唔醒，係咪想死啊！」

係⋯邊個。係唔係你？你喺邊度啊。

我慢慢咁打開對眼，一絲絲、一縷縷嘅光線重新映入眼簾，打返開咗我嘅靈魂之窗。



「M！你醒啦。」頭先嗰把聲音成功粗魯咁喚醒咗我。

四處張望，唔見佢嘅蹤影。

「喂，左望右望做咩啫，搵邊個啊？定係想知係邊個帶你返咗嚟？」

「我有好多嘢想知，尤其送我過黎嘅人有咩反應，我昏迷咗幾耐，同埋你地出去做嘢順唔順利。」

後面嘅都只係藉口，送我返去嘅人先至係重點。

「佢啊，好緊張你啊，好似係好驚你出事咁樣。

講真啦，你地咩關係啊，點解佢會咁大反應？

係咪私底下，咩咗啊（笑），做咩唔請我地班兄弟食出pool飯啊，正衰仔。」阿餅同我講咗一輪。



「妖，你都傻傻地嘅，我咁嘅衰樣點襯得起人啊，最多咪做下朋友。

佢有冇講低啲咩啊？同埋我仲有問題啊，快少少答咗先啦，費時等陣我又暈低咗，到時靠你地自己執生啦，不過冇我係度，你地都應該唔會咁快收皮嘅。」我非常緊張佢嘅心情。心思已經飛到十里之外。

「又想轉移視線，是但你，反正遲早都會爆出黎。

佢都冇講咩啊，反正佢就係一味勁傷心咁樣囉，佢應該係驚你見到佢咁樣，然後陪咗你一陣就行開咗啦，唔知佢去咗邊，你自己去搵佢啦，不過唔係依家，你成件廢物咁樣，就咪咁快去搵佢住啦。你都話曬暈低咗3,4個鐘啦。

仲有，頭先我同WN傾咗兩句，佢地順利完成咗任務，不過佢同我講話有樣嘢想同你單獨傾，唔知咩事，你自己搞。」

煙幕完咗，當然係快快趣趣去搵返佢啦。

唔可以要佢擔心我。呢種咁好嘅朋友，去邊度搵下。只應天上有，地下無啊。



估唔到，傾計都可以識到朋友，同埋令人地對自己咁上心。

正準備出門，我就見到WN。