[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.22(2)

「喂，勁嘢！有嘢等陣搵我。」

「頂你啊，比我講咗先唔得？」

「你收皮，我好快返。」

「見你含春咁，算啦我等陣再搵你。」

「真朋友。」說罷，梗係轉身走人啦。



佢嬌小嘅身影，係我嘅掃描之下，依然未出現。

其實話嬌小又唔算嬌小嘅，因為佢嘅身高都有1米65左右。

你唔好問我佢係邊個，我唔會答你，都係嗰句自行get！

企喺我呢個170嘅矮仔旁邊，只係矮我些少，但啱啱好就係最佳嘅身高差。

世事真係奇妙，竟然比我搵到個咁啱啱好嘅人。



呢個係咪叫做「Miss.Right」？

我都好想成為佢嘅「Mr.Right」。

頂，明明話咗呢個故唔會行得咁快，拖下先。

你係邊啊？咦！係喎，差少少唔記得，仲有天台未掃，搵下先。

「Hey！Anybody here?Where is my 女神？」



見到啦！佢聽到我一句說話之後就探頭出黎望。

「你個衰人！嚇死我啦！

唔好再咁樣突然之間暈低啦！你係咪癡咗線啊！

你身體有咩事架，唔怕同我講下，唔好死頂。

我知你想做好多嘢，但係身體最重要。我就罰你每日食我煮嘅嘢啦！」

「哇！呢個懲罰，可以喔，期待des。」

「仲咁講嘢，信唔信我唔理你，等你自己慢慢度日如年咁過啦！」

Oops！千祈千祈唔好咁做。我真係唔可以冇人陪我。



又唔記得講，我用返句歌詞解釋一下先。

「這些年來，和抑鬱與狂躁對話依然忍耐。」

我只係用字面意思，唔好用成首歌詞嘅意思黎同我理論。

我唔要你覺得，我要我覺得！

孤單咗咁耐，我打從失去L嘅一刻，其實心底嘅陰影或多或少都影響住我。

依家，我為咗重新出發，幫L搵返真相，而重新振作。

振作嘅源頭，就係陪伴，朋友嘅陪伴又好，邊個嘅陪伴都好。



我都講過，其實我朋友唔多，僅有嘅朋友都唔係個個都可以交心。

有咗佢嘅陪伴，我先可以走出傷痛，走出困境。

以往朋友嘅陪伴同埋支持，其實我都覺得係有少少空洞。

期間我雖然得到過一個人嘅支持，但係⋯⋯唉。

諗起都覺得自己仆街。

不過再見亦是朋友，我都仲有一件事可以感謝呢個瘋狂世界。

唔係有呢個世界，我都唔會有今日。

我冇呢個世界，就唔會遇到你。



多謝你⋯「麵包超人」。

呢個花名，你應該好耐冇聽過啦。

不過都請你原諒我當時錯誤嘅選擇。

我相信我地會繼續作為一對最好嘅朋友。

注定的。

唔好諗住同我揭秘，我同你講，你可以收皮。

（唔係真人真事，你地想點樣揭秘都係一個問題）



老天爺真係奇怪，一時一樣。

一陣比你過上好日子，一陣比你體驗食手指。

唔好聽就咁講句「一啖砂糖一啖屎」。

Perfect，一百分嘅形容詞。

遇到你，會唔會真係花光我此生嘅運氣？

可能真係，因為我唔知點解我一直冇運氣。

佢一早就已經喺我生命中出現咗？唔通佢就係我嘅命中注定？

我冷酷無情嘅外表，同埋冰冷無比嘅心靈，往往會自動拒人於千里之外。

冇人想接近我，一直視我憂鬱嘅眼神，好似就係佢地一日之中，發生過最唔好嘅事。

彷彿睇到死咗人lum咗樓嘅情景，嚇到女仔花容失色，嚇到男仔面青口唇白。

命中注定，果然就係命中注定，唔信邪都唔得。

係我身邊出現過嘅人，都竟然唔太抗拒同我一齊相處嘅時光。

反而一直喺我身邊支持我，鼓勵我，冇花冇假。

係邊個，自己知啦，係講緊你啊！

好景不常，大家知道架啦，世事係冇絕對嘅。

總無可能要人地一直忍受我，人地都唔會想忍一個咁奇怪嘅人一世啦。

對眼濕濕地，唔好意思，我唔講啦。（其實係爆得太多黑歷史，同埋離題萬里）

有啲人都注定係同自己無緣談情說愛，但係卻又被安排成為最好嘅朋友。

捉緊目前，應該係一個最好選擇。