[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 番外篇（四）

雖然覺得學校嘅壓力好大，但又其實唔算太大。

「望前看，想着戴着四方帽時多美麗。」

一方面唔想長大，一方面又想快快手過咗呢段時光，戴起六年之約後嘅四方帽。

做學生，只係需要做好本分，做大人，可能就要做曬成份。

我又唔想背負咁大嘅負任，雖然我嘅興趣就係呢一方面嘅事。



責任可以使你谷底反彈，又可以使你高山跌落低谷。

有時係千斤重擔，有時係苦口良藥。

重擔幫你驅進，良藥幫你carry on。

唔願接受現實嘅我，都要硬接自己已經升上中六嘅答案。

此時嘅我，已經被學業所捆綁。



「青春總是要任性一回。」

老天，就咁樣將佢放入凡間，定係佢係意外失足墜落凡塵嘅仙女？

中六嘅第一日，我就搵到自己多年黎想去做嘅目標。

「體驗青春」一回。既然都擺喺眼前，又點解唔付諸實行？

唔可以比自己留低遺憾離開呢個，裝載我地青春嘅校園之中。



「Hi，我係隔離班嘅小薯，十三。

啊！唔係唔係，我係林飛。

平時大家都叫我做十三，叫慣咗十三，連自己都一時戒唔到口添。」

「H⋯⋯I，你好。我係⋯阿汶。」

「點解你咁生面口嘅？今年插班？」

「係啊。今年因為搬咗屋，所以先至喺最後一年焗住轉校。」

「又會咁啱今年先換嘅？真係唔好彩啦。新學校，新人事、新環境，你要好好加油，努力備戰啊！唔知我可唔可以同你做個朋友呢？」

「當然可以，我啱啱黎到，最好都係有個人同我一齊熟悉下呢個地方。多謝你啊，喺呢間學校，你應該係我第一個朋友。」



佢非常開心，終於有人陪佢了解呢間學校。咦，我好似都唔係好得去邊。

我正面望住佢，水汪汪嘅眼睛，同甜美嘅笑容，心跳加速嘅感覺。

櫻桃小嘴，紅紅嘅面頰，接近V字嘅面部形狀。

仙氣外漏，氣質高雅。

完美嘅一個女仔，一個眼神足夠佔據任何人嘅心。

好在佢並冇發現呢一次見面，已經令我深深咁記住佢。

即係話我仲可以收埋收埋，因為身份障礙，亦都唔可以太過張揚自己已經身陷其中嘅心底話。



哈哈，我竟然淪陷鳥。

咦，係喎！如果要去馬，啱啱好就有機會。

我將目標放眼望去———歌唱比賽。

呢個大概就係最近嘅一個機會。

諗起自己，由中一開始，都冇試過參加任何出位嘅比賽。

就連社際比賽，班舞班歌比賽，都盡量要低調。

低調—其實都係我嘅座右銘，因為大家都知幾咁多嘢。

又傳緋聞，又傳呢樣，又傳嗰樣。麻鬼煩煩。



有時話你同邊個靚女拍拖，又話同邊件豬排一腳搭兩船。

仲衰啲，雖然你知佢地係玩味性質，但話你同人搞gay，你自己忍唔忍到？

此時，M都忍唔到，講咗句：「玩嘢咩，係我就唔忍啦，打到條友飛起啦，或者杯佢老闆。」

我：「但係條友，係女仔喎⋯」

M：「⋯⋯er，咁我幫你唔到，我不嬲唔會咁做。」

我：「咁你都係繼續聽故仔啦⋯」

咳咳⋯清下喉嚨先。



返返去回憶之中。

啪～一聲響指。