[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 番外篇（六）

「搞咩啊，阿欣？」

「冇嘢啊，想同你講樣嘢啫，我幫你問好啲比賽架啦，暫時幫你報咗歌唱啦，獨舞啦，社籃社足，仲有社羽。陸運會都就快到，不過呢樣你都係自己搞啦，我唔會幫你揀。」

「哇，點解你會知道我識跳舞，明明我平時都扮到手腳唔協調架喎。」

「咪玩啦，你有咩我會唔知？係啦，我仲幫你報埋校際朗誦節，廣東話、普通話、英文都報曬。仲有校際音樂節我都幫你報咗，雖然我知你唔係太勁，但我會同你練，你都要比心機。」

「哇，咁有效率⋯不過開中曬我嘅強頂，趁未畢業，都玩下。仲有冇其他，夠做埋黎！」





「其實我基本上幫你報曬⋯⋯」

「咁啊⋯⋯我練住先啦，之後再有我再睇睇。」

今日係9月9號，啱啱開始全日返學。

我就已經報咗，數下先⋯1個，2個，3個⋯足足9個比賽。

我未參加過咁多比賽，不過我估應該唔算太多啩，背3篇文，1份樂譜，2隻歌，加埋3種運動。





運動唔洗講日日都會啦，基本上都會操，唔操唔自在。

「我會～裝作～四處～看風景。」

精辟精辟，好好學習，我要天天向上。

唔～Solo唱咩歌好呢？

比到人滄桑嘅感覺好啊？





定係可以直接比到大家一個最好亦都係最後嘅印象好呢？

抑或係，比到佢一種奇妙感覺嘅歌好呢？

滄桑嘅感覺？應該都有隻歌幾啱用。

「菸一支一支一支的點，酒一杯一杯一杯的乾。」

「請你要，體諒我，我酒量不好賣給我衝康。」

呢隻《浪子回頭》啱曬心水啦，有嗰種感覺，夠滄桑，我諗我把聲夠沉，又夠憂鬱feel。

最好印象嘅歌？

「誰又騎着那鹿車飛過～」





「忘掉投下那禮物給我～」

「頭上那燈飾，只有今晚最光最亮～」

「卻照亮我的寂寞～」

「誰又能善心親一親我～」

「由唇上來驗證我幸福過。」

呢隻都唔錯，雖然未到Christmas，不過我唔希望今次都係《Lonely Christmas 》。

奇妙嘅感覺，我都冇咩諗頭。





或者呢隻可唔可以？

「這晚與你逃離鬧市盛況～」

「再次去放逐那輕狂～」

「幾張臉掠過，未留座～」

「只得你，始終也明白最初～」

呢隻歌嘅雙重意思，相信我唔使多講。

佢又會明，大家都會明。

突然間諗起，好似未報組合？





搵邊個呢？唔諗啦，搵返阿火算數。

我：「火，得唔得閒。」

火：「做乜？」

我：「我參加歌唱比賽，搵你做雙人合唱。」

火：「吓，我唔識架喎，咪講笑啦。做乜無端端想參加架？」

「唔識練到識啦，幫下我手啦，反正都最後一年。」我冷冷地回答。

「見係你，破例啦，你想我做邊part？」阿火沒有理由拒絕。





我：「我諗住你夾下和音，或者搵隻歌，我地當打band咁樣。」

火：「事先聲明，我淨係識彈結他。其他你搞。」

「好，咁我去學keyboard。」心意已決的我好爽快地答應。

「你想唱邊隻？」阿火疑惑。

「想見你？」我真心回答。

「吓？雖然真係好hit，但我相信你9成都唱唔到，個高音位，一兩個月時間，你練唔到，實炒車。」專業的答案。

「你啱，我唔係專業，咁第二隻。」我恍然大悟。

「薄情歌？你話好唔好啊，十三。」阿火提出意見。

「嗰隻，好似仲難喎。」我思考着。

「不如長相廝守啦。好唔好。」我靈機一觸。

「呢隻歌，都唔錯啊，不過你得？我結他隨時可以開工。」阿火沒有異議。

我：「你肯就得，我都即學。」

火：「好啦。比少少時間我，好快練完，之後約時間。呢排我要追下課堂進度，開始溫DSE，你知我成績唔好架啦。」

佢冇講錯，對比起我，佢嘅成績完全被比下去。

長年穩住全級頭幾名嘅我，應該都可以作為佢嘅指路明燈，幫佢從100名外嘅深淵拉返出黎。