[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.24(3)

今日遲咗出文，唔好意思，因為作者我真係中三學生，呢期好忙！希望大家體諒！

「Ermmm，咁⋯好啦。」

「我數三聲，跟我行，即刻上車，有人會接應你。」

「好啦。」

「3，2，1！行啦！」



我地眼顧八方，小心翼翼咁踏出小碎步。

越嚟越接近出口啦⋯差少少咋。

「啊！」突然一股力量，向住我嘅方向前行。

壓迫感越嚟越大，越嚟越大。

無影嘅力量都越嚟越接近我。



忍住啊！忍住啊！唔可以跌低架！

我得架，我得架！

「喂，廢柴，你唔係啊。咁樣都頂唔住？你知唔知點解你出唔到去啊？」

腦海中出現咗一把聲，係L。

真正嘅救星終於到咗。



「點⋯點解啊。」

「你自己知道。其實你真係知道。你是忘記了，還是害怕想起來？」

「唔好用《返校》嘅內容嚟嚇我。我自己知道？有咩我係自己知道呢？」

「仔細諗下，你會發現。」

「係⋯係⋯係，恐懼。」

「Bingo！叻仔。你依家有兩個選擇。

第一，就係突破黑暗，衝進光明。

第二，就係比我接力，我幫你走過。」



「唔使諗，我揀第一個。我想靠自己，你幫得我太多，我都覺得自己有啲廢，成日都做唔到嘢。」

「仲諗住，你會比我出嚟玩下添。不過唔緊要，點都有機會嘅。」

「你知就好啦，我好快唔得架啦，呢排一定會煩到你。」

「好啊好啊。」

突破黑暗，衝進光明。哈哈，真係深奧。

不過唔緊要，L出一出嚟，我又重拾信心，準備再次衝破面前嘅障礙，帶呢一個女仔突出重圍。

黑暗，究竟是個甚麼東西。



光明，又是甚麼？

定義應該很廣泛。

每個人都會有唔同答案，

我嘅答案，

已經在心中。

「3，2，1！再衝一次！」

呢次終於成功。

喺阿月嘅眼中，可能我頭先嘅舉動非常奇怪，但佢又唔係我，又有咩權利去過問我？



反正佢都只係需要，一個安穩嘅地方，其他嘢，佢唔使理。

勇氣，真係好重要。

衝出去嘅第一步，我就知道自己已經有些微嘅改變。

隨住踏出嘅步伐越嚟越多，改變就越嚟越大。

不過，一生人中，要踏出嘅腳步，係數之不盡嘅。

因為，人生就係由腳步演化而來，有絕大嘅成就，

絕好嘅生活、生命，並非赤手空拳就可以得到自己想要嘅。



走出你自己想要嘅人生啦。

用自己嘅力量。