[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 結局

彷彿一切都回復原先應有嘅面貌，所有逝去嘅生命都活生生呈現喺我眼前。

「哇！」我受到驚嚇。

「頭先明明聽到雷聲風聲大到癲癲地，點解眨咗下眼，行番出嚟，就變到冇事發生過咁？」我問M。

正當我想問M睇到咩，就發現，佢嘅眼神非常銳利，好似係見到唔好嘅嘢咁。

「你睇唔到有嘢？你快啲同我講返你見到嘅嘢出嚟，快啲！



我地行返去裏面再講，然後再搵人行出嚟睇睇外面嘅情況。我依家簡單概括比你聽，我同你睇到嘅嘢，好明顯，好明顯係唔一樣嘅。」

「吓，你⋯你話咩話。唔⋯唔一樣？咁驚？咁快手啦，時間唔等人，我地要同世界搶時間！」

雖然我完全唔明白M嘅意思，但係我都只係可以聽佢嘅指示去做，佢唔會呃我嘅。

「大家邊個仲夠膽行出去嘅，就跟M行啦！」我同大家講低，自己則坐埋一邊整理頭先得知嘅資料。

「喂，係喇，等陣見到嘅嘢，一定一定要記住，好重要好重要好重要，我得登講三次架！



唔好唔記得！如果唔係會影響我同K嘅分析！

呢件事好有可能直接影響我地之後嘅生存空間同埋生存之道！」


「M視角」

「邊個夠膽！跟我行出呢一個門口！

兩個人啊！一次兩個！費時大家會懷疑！



三個人一齊出去，我估一定有唔同嘅景色！

不過大家如果唔敢，我唔會逼大家，之後你有冇命生存到終點，好可能就喺呢度出現人生嘅交叉點！

決定你嘅生，同埋死，就係呢一個短短嘅時間！

唔同嘅景色，好有可能代表大家嘅案來，更多未知嘅新事物，新事件！

我知大家，會唔想咁快劇透自己嘅人生，但我頭先嘅一切只係假設，自己思考啦！」

咪住先，就算係點都好，作故仔都好，冇理由會咁順口就講出嚟。

我自己都覺得有些少奇怪，算啦。



我轉頭去問，頭先同我一齊行出去嘅阿餅。

正當我打算開口，好多把聲就喺我背後響起。

「我去！」大家紛紛舉起咗自己嘅一雙手。

「估唔到，大家都會出去。」我表示欣慰。

「當然會出啦，作為一個男子漢大丈夫，點可以唔出？我唔會做無膽匪類囉，sorry，對唔住自己啊，明唔明？」Alex先表達自己嘅諗法。

「我都係，同埋有你喺左近，我都唔使驚，因為我信你。」Alan同Ken對我講。

「多謝晒。兄弟真係兄弟，做足一世都唔會蝕底，就算真係蝕咗都冇壞。反正，我願意，為大家付出。」我真誠咁同佢地講。

其他同學都默默咁支持。



我都默默咁笑咗。

呢個咁神聖嘅時刻，當然要為大家加油打氣啦！

我將手懸放喺空氣之中，大家就即刻會到意。

一隻又一隻手，逐漸咁疊成一座塔。

我感受到嘅唔止大家手掌嘅重量，仲有嘅係大家身體嘅溫度。

多謝你地。

咁信任我。



【全文完】

第二個結局，睇心情同靈感。