「喂,究竟成件事係點架!

係咪你自己一手策劃嘅,唔好再扮嘢,我唔會再信你,你最好同我交代清楚。」

「唔係,我講咗好多次,我講嘅嘢,永遠都唔會係想傷到人嘅。

如果邊一日係咁樣,請你地唔好諗,殺咗我,或者我會自己離去。」

因為咁樣嘅我,已經唔會再係我自己。



「我,聽到啲咩,你,不嬲都好細膽架。」

「細膽還細膽。但係人性,我唔會捨棄。」

「你有咁偉大?我唔信,你始終係一個普通人。」

「我並唔偉大,我只係隨心而行。捨棄人性,並唔係我一路以嚟嘅初心。」

「唔好咁聖母啦,頂你咩,你咁嘅樣,邊個會信你?



無端端發生咗咁大件事,唔好講我地,成個香港,都已經成為頹垣敗瓦。

一開始,你仲可以咁冷靜,咁清醒,我相信,你一定知道其中嘅原因。」

我知道其中原因?
我知道其中原因?
我知道其中原因?

我唔知!
我唔知!


我唔知!

腦海完全冇呢一段記憶。

「我唔知。我會咁冷靜,係因為,對呢個世界,已經冇任何嘅驚訝。

抑係話,其實我成個人都好迷惘?

我就好似迷失咗咁,幾年以嚟,都喺呢一個森林之間徘徊。

每日我都好堅決要走出呢個地方,但係⋯嗰度,並唔係一個我地熟悉嘅世界。

異空間?

係咪可以咁樣解答。我每行一步,就好似要經過千錘百煉咁,行出一步,都係一個好艱難嘅任務。



當我行咗一日,體力燃燒完,準備休息,我又再次返到去最初嘅起點。

每當我一顯露疲態,行過嘅路程就要被重置。

我嘅情況就如月亮上嘅吳剛一樣,佢就伐桂,而我就要離開森林,尋找真正嘅自己,真正嘅世界。

我已經開始分辨唔到自己係真實經歷緊呢件事,定係單單係一場純屬虛構嘅鬧劇。」

這是夢境,還是現實?

「我唔會信你。」

估唔到,一字一句就可以燎原。
已有 0 人追稿