[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.5【L視角】【意外死亡】

「咳咳，根據我頭先嘅查閱，你嘅陽壽唔應該咁快用盡架。請問係咪出現咗咩意外？你記唔記得你係點死嘅？」

我回過神，答：「我，我撞車死嘅。」

「點解會咁樣？會早咗咁多年死？又有嗰啲人搞搞震？

雖然死法啱，但係足足早咗64年。Impossible！

你失去意識之前，有冇見過咩特別或者奇怪嘅事？



依家你呢件事有好大嘅問題，我一定會比上頭搞，我會幫你搞清楚所有事，唔會比自己⋯

咳咳，大家出咩差池。」


我開始思考，會唔會係我自己睇錯？

但如果冇睇錯，又點解會出現一個咁似我嘅人？

點解佢會咁樣做？



點解我會早咗64年死？

究竟發生咩事？

佢嘅出現，我係咪可以講出嚟？

講完之後，未來嘅呢個我會唔會有咩後果？

「冇咩問題喎，真心其實我都唔知點解會咁。」我心諗好彩佢呢度冇測謊機。



「真係？你諗多陣啦。」

「冇啊。」

「獲獲新鮮獲獲金。

算數啦ching，唔好諗住有運行啦，注定黑仔啦。

咁冇計啦，唯有就係我送返你返去啦。

今次第一次，我見你身世咁可憐先破例比你咁樣做咋，之後每一次都要付出應有嘅代價，我地等價交易。之後再同你細節傾傾。」

媽媽成日都同我講話唔好同陌生人講嘢，更加唔好相信唔出樣嘅人，



因為往往都好容易比人呃到。

呢個「人」莫名其妙嘅說話，同埋未知全相嘅身份。

令我充滿疑惑同埋好奇心。

「你點送我返去？玩泥沙啊，家陣。」

「你唔信？我即刻比你睇睇。」

噠啦～響起一聲。

時光隧道出現。

「行過去啦，你會知咩事。」



一切答案，將被解答。

（分隔線）——————
光與純白的交界。

總覺得少咗嘢。

左右張望，

搵到了！

我失去咗影子。

小事啦。



但係，行唔行好。

「呢條，時光隧道？」

「係，佢會帶你返去現實世界，行一轉。」

「你之前話，每一次進入時空亂流，都要付出代價。

但係，代價又係咩意思？

需要到咩代價？」

「係，的確要付出代價。



代價，即係話，咳咳—呢個我唔講住。

視乎情況而定，每一種，每一個時間點，都會有唔同嘅代價，都會有唔同嘅要求，到時你就知。

我只可以講，你需要一啲道具。

每一次時空亂流嘅強度同埋跨越嘅世代，都會係其中一個代價高低因素。年輕人，奮鬥啦，為自己嘅往後作打算。」

因車禍發生嘅奇幻旅程要開始了。

我鼓起勇氣。

「啊！」刺眼嘅光茫襲來。

喂，大佬，慳返啲電啦，浪費地球資源啊！