[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.9【向夢想出發的忠粉】【信念】

再扭頭睇睇，M嘅枱面，乾乾淨淨，冇任何一絲塵埃。

我打開佢櫃桶，發現咗我地嘅信物。

一個幸運銀仔。

仲有一張貼紙，上面寫住我地所有嘅重要事件，同埋各自嘅夢想。

夢想？呢樣嘢雖然空洞，但我非常相信。



因為，係M教我嘅。

「朝着對的方向，對的人，對的事進發吧。
夢想雖很遠，但花點光陰，總能完成。」

係咪好天真？喺香港根本冇可能有機會俾你去實現夢想。

話係話冇可能，但係唔知點解，我深信不疑。

諗到呢度，我控制唔到自己淚水。



淚如雨下，不能自已。

係唔係對友情嘅執念？

可能係。

都係唔好留喺到啦，實在頂唔順。

「啊——」頭痛。



走出學校，旁邊嘅小食店，都係我嘅回憶。

經典嘅蒜香撈麵，配上一丁點嘅辣醬，味道更能夠昇華。

麵嘅口感有層次，入口簡直完美。

加上一枝嘅+C，呢種感覺就係我呢個年紀最好嘅下午茶。

可惜皆成過去。

希望十八年後，我又可以成為一個好漢。

再次翻到呢個地方，一嘗以往念念不忘嘅滋味。



我喺街上漫步，見住經過嘅行人，

每一個都過住急促且平凡嘅生活。

有老師，有茶餐廳伙記，仲有普通嘅地中海伯伯。
歎息住自己嘅生活真係與別不同。

仲以為每個人都可以好似我咁樣慢活。

點知係我嘅無知，令我完全唔了解呢個已經變質嘅社會。

人人返工為搵兩餐，但有人偏偏就搵唔夠兩餐，

要過住困難嘅生活，又要過住遭人白眼嘅日子。



依然堅持到底嘅佢地，先至係香港人需要學習嘅對象。

可能你會話：「細路仔，大人嘅世界你唔明架啦。」

的確，我係一個細路仔。但你唔可以一口咬定我係唔明白大人嘅世界。

又或者，我比起其他人更要嚟得成熟？

錢，並不是萬能的。

有時，貧困嘅生活可能先係最好。

可以要大家學習，令大家體會，「幸福並非必然」呢個大道理。

好啦，唔小心講遠咗，夠鐘翻嚟。



行住行住，我就到咗回憶中最重要嘅其中一個地方。

溫暖嘅家。

穿過大門，感覺到嘅係一絲絲嘅暖意。

暖色系牆身油漆，令到呢個家更添溫馨。

米色梳化床，另有格調。

60吋電視，廣角享受。

開放式廚房，華麗嘅設計。



歐陸風家居，無盡嘅沉醉。

一條螺旋式嘅樓梯，直通我嘅領地。

最後，就係我嘅小樂園。

一打開門，見到嘅係強烈嘅對比。

冇咗華麗嘅內裝，只有樸素嘅牆身，簡單嘅裝飾。

並冇大家想像中咁浮誇。

大約200呎嘅房間，放置咗一張大床，兩個大書櫃。

三個衣櫃連雜物櫃。

牆上只有我由細到大攞過嘅獎狀。

其中一張更係朗誦比賽嘅冠軍獎狀。

回憶不停湧現。