[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.12【路途上】

「終於走到出嚟啦。希望班友仔唔好太過掛住我啦。」我內心獨白。

總係覺得大家唔一定需要我喺左近。

或者俾佢地自己歷練一下，先至係最好嘅選擇。

帶上一把刀，兩支汽油彈，加少少紗布都應該夠用啦。

食物是是但但就算啦。反正我只係帶咗幾塊麵包咁。



周圍行下，應該都會搵到唔少食物嘅。

行過自己設置嘅防線，左望右望，一眼關七，絕對唔可以俾自己傻更更咁踩到自家製陷阱。

話說自己整嘅陷阱都好似幾危險下。

如果大家出去唔小心惹到感染者而又冇能力解決嘅時候，陷阱係就係可以發揮作用，同時亦都變相令到大家逃走嘅路線更加危險。

不過冇威力嘅陷阱，對住感染者又有何用呢？係咪先。



正當我漫步路途上嘅時候，我發現附近有幾隻流浪緊嘅感染者。

打？定唔打好。

都係猶豫不決啊。

成日都係咁。

咦？佢地好似未發現我嘅行蹤。



咁都係避戰先。

我確認周圍環境。發現總共三隻感染者。

兩隻身處50米外彩雲方向，一隻身處100米外天橋方向。

前方嘅彩虹方向，暫時安全。

就決定去呢度啦。

我攝手攝腳咁踏步向前行，為咗掩感染者嘅耳目。

「踏—踏」我掂起腳尖，唔發出任何一絲聲音。

氛圍有些少嘅壓抑，俾着係細膽嘅人早就嚇到原地打轉或者腳仔發軟咁。



終於避開佢地嘅視線範圍，我可以放鬆腳步，小碎步向鐵路站方向走去。