[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.12(5)【電話】

「喂，Marco，呢兩本嘢真心正喎，我可唔可以帶住去你度？」睇落佢頭先喊過咁，不過應該係幸福到喊。

「Sure，my pleasure.」我掩嘴笑着。

「Thanks，終於有嘢可以消磨時間。」

我印象中好似冇同人講過呢件事？

唔係太記得了，記性太差。



希望翻到去唔好俾人突然爆料本書係我出。

嗰陣收益好似都幾好，賺到少少咁，起碼唔會蝕到入肉先。

「隻嘢走咗啦，煮咗嘢食先。食咗頭先攞嘅嘢先？定係你想食下瑞士卷算數。」我鬆一口氣。

「今日餓咗成日，食啲飽肚嘅嘢先啦。杯麵同埋一杯華田。」

「咁我飲啖水，食肉丸算，好彩頭先搵咗啲易熟嘅嘢食。咁我去煲水先。」



細細聲煲水應該唔會出事啊？

「依家咁嘅情況，你地頭會唔會食水或者電力短缺？使唔使整支電筒或者露營燈嗰類嘢，仲有帶多啲水啊？」

「我地就暫時未有短缺問題，我規定咗大家要珍惜用水同電，唔好成日都咁浪費。你講嘅嘢有嘅話就帶上啦。仲有講真嗰句，其實我都唔知依家屋企嘅水乾唔乾淨，搵日要去睇睇天台個system，為免有一日真係唔好彩要撤退，都可以嚟呢度。但係依家唔得閒同唔夠人，就用住自己出面攞嘅先啦。」

「好，我都好彩地有呢啲嘢，有用時就搵我啦，其餘時間就我保管住先。」

「冇問題，我都費時俾大家見到之後就又以為淨低好多，又嚟開始揮霍。」



「Alright，咁你仲有冇咩需要或者計劃係我幫到手？」

「Check下network，仲有冇訊號。去聯絡D班，盡快。」

「Okay。」

我當然就先通知E班先啦，話番聲俾佢地聽搵到自己人。

「阿Long，喺度？」我發出一條訊息。

都係唔好打電話住，費時大聲過頭。

約等咗五分鐘，佢都未有回覆。

等我搵咗其他班先，條友成日都唔睇機。



但係又有邊個咁得閒睇？

都係打電話好過。

電話撥出，是A班的領導者。

嘟—嘟—接通了。

「Zenia，你嗰邊見點？」

「我地呢邊唔錯，同C班一齊兩班合作，物資夠咗，同埋搜救到唔少嘅倖存者，依家我地大概收多咗20人啦，即係兩個陣地夾埋80人。」

「了解了解。」



我突然想起早上的事。

「你地中午記者招待會嗰時，有冇遇到咩怪事？」

「我行埋一邊先講，我隱約覺得成件事有唔妥。」

「明顯，而且毋庸置疑。離譜到好過分。」我皺起眉頭。

「⋯⋯」她像是一時間不懂反應。