[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.14【回程】

「咁翻去先啦。帶路喎你。」阿樂明白了我的想法。

「同你講一講暫時見到嘅感染者先啦，有三種啊嘛，我頭先講咗嘅。

第一種嘅重症病患感染者呢，係行路慢，動作僵硬，聽聲唔敏捷，個樣呢我見到好幾隻都係咁嘅。」說罷，我給出一張圖片給阿樂作了解。

圖中嘅低級感染者，就好比平常街邊看見嘅咸濕伯父。

背心短褲，下身踢拖。



手部肌肉已經慢慢萎縮，唔可以完全伸直。

雙眼就快反白，五官異常扭曲。

耳朵好似完全合閉，唔怪得頭先有隻都聽唔到啦！

成隻餃子咁樣，以後都唔夠膽食添。

「同頭先嗰隻差唔多，不過後生啲嗰隻你覺得似咩？」阿樂向我提出可不予回答的無聊問題。



「似咩？似係正常人咁。正常衣著，正常身軀，就係耳仔同樣摺埋又係聽唔到聲。不過唔知點解明明身體正常，行路都係咁鬼慢。」我苦苦思索着那個未知的答案，或許我是該要學好生物科的。

「可能係未完全轉化？定係因為細胞受到外來嘅細菌定係病毒感染而搞到出現排斥？或者呢隻感染者外在正常，內在早就已經廢咗。」阿樂頗有條理地分析着。

「哇頂，睇後！」一隻「咸濕伯父」突然之間到了阿樂的身後。

「妖，乜聲都冇，幾時喺度。」阿樂邊閃避着邊打算爆三字經。

我左手舉起木棍，右手舉起喺本陣攞走嘅刀。



唔記得講添，我係一個左手仔。

「喀—」我把木棍懟向那感染者，並把他推後1.5米的社交距離。

「喀啦—」第二下補擊。那似人非人的鬼東西終於升仙，好像連頭骨也讓我給打碎了。

「哇你，咁鬼大力都有嘅。」阿樂對我的力量數值感到驚嚇。

「唔係好大力啫，應該。我平時打羽毛球都差唔多咁嘅力，本身仲想補多刀，差少少唔記得佢地好脆弱。」我暗自竊笑。

「咪咁謙啦你。同埋你平時邊有打羽毛球架，唔係踢波嘅咩？」

「喺學校嗰啲，唔太掂，無聊過頭。自己打好過。」

「唔怪得之。」



「踢波係我業餘愛好，平時成日打機，有時又訓覺訓到天昏地暗。仲要冇乜朋友，唔會想浪費時間自己玩，所以先報校隊，約束下自己咁。」

「又係，平時去你班房我都覺。一時掛住打機，一時縮埋一角自己訓覺。」阿樂覺得不出奇。

「金翅玩能猿，你睇下。」我擺出一副厭世的模樣。

「你頭先可能玩大咗，但明明佢地聽唔到太多聲架。」阿樂的神情開始反覆，像似快要嚇暈。

「可能？哈哈～唔好意思囉。不過真心我都唔係幾明點解佢地突然會聚集埋一齊。」

「你唔係咁串啊？小心班嘢一齊夾計做低我地。」

「驚乜啫，你見到架，全部都係0～1級嘅感染者，又見唔到我地，又聽唔到我地。



頭先我都俾個數量嚇到嘅，又要我打怪練級了，真係無聊。」我不屑地說着。

「咁勁啊，玩兩手好嗎？咁啱我都想試下呢！」阿樂語出驚人。

「唔好亂嚟，我救你唔到架。」

「咪以為得你先打得過啦，我都得架！」

「都係唔好啦，我幫你搞掂兩隻先，你再思考下要唔要真係開佢地拖。」

我不給阿樂否決的機會。兩手一熱，便把武器拿在手上把玩，尋找一下手感。

熱身完畢，開工。

「啊打！」木棍已經準備就緒，我也進入狀態。



打開記憶中嘅備忘錄，開始翻查之前學習過嘅技術列表。

搜尋：棍。

搜尋到結果：兩個
1. 搓面粉之棍
2. 寸進尺退棍