「今次大鑊!Alex,Alan,十三!」我感到事態不太對。

「搞乜最打得嘅都出咗嚟?」十三問。

「聽唔聽到有聲,十三快啲跟我嚟。

Alex,Alan你地留低,睇住呢度嘅人。佢就拜托你啦。」我把女神交托給他們兩個。

「收到。」他們已隨身備好武器。



一眾同學從營地跑出嚟,我知道點都要出手了。

一個⋯兩個⋯十個,仲有人未出嚟!

十三捉住其中一個同學問,「究竟咩事?」

「頭…頭先有個同學⋯喺阿餅講完嘢之後仲試水,然後就真係玩咗出火。

依家佢地幾個人搞緊一個啊!就係嗰個Jason啊。」



「邊個Jason啊。」我腦中尋找不到此人。

唔識呢個咩Jason啊,隨便啦,都係救人要緊。

我同十三同時衝入去營地,喺公共空間嘅中心,果然見到幾個同學正喺度制服一個Jason。

「喂,我嚟啦!千祈唔好俾佢嘅攻擊到,手尾好長!」我對也在抵抗着的阿餅說。

隨即加入戰局。大家都早就透支,只不過係一兩分鐘。



都係要我嚟接手,收服佢。

咁突然嘅癲狂,真係「像極了愛情」。

我攞起棒球棍,一嘢衝埋去。

癲狂少年俾作用力直接推開。

「膠紙!俾我。我要封佢攻擊。」

膠紙get!

「你地走唔甩啦。」癲狂少年倒地笑說。

做乜咁串啊,你先至走唔甩。



我二話不說,上前補多兩棍落佢對手,防止佢再郁動。

話係話唔殺人啫,咪當打交囉。

「頂!好痛啊!」原來有感覺?

我立即戴上黑手黨手套,做好防疫措施。

「戴起手套先。」我對十三說。

「搞掂就做嘢。」

一左一右,我地分別控制陷入瘋狂嘅同學各一邊。



「啊啊啊啊啊—」他還是不斷掙扎,想要脫困。

十三向Jason再補一腳,打算完全廢佢武功。

「唔使。」我阻止。

話音未完,我俾咗一個眼神十三。

我一下翻起Jason右半身。

「捉起佢!」我發起指揮。

我地即刻將佢捉起,並且將佢雙手用膠紙綁喺身後。

完成任務。



「唔好⋯話我唔提你地。好快⋯你地一行人⋯就會⋯經歷一場風波。」

Jason用盡全身力量,說出最後一句說話。

「睇怕你係光明會定共濟會啲friend喎,識預言?定係你係咩先知啊。」可笑至極。

「我,只係旁觀者。」順到非常奇怪的回答。

「我仲以為你係使者,接受唔到囉。」我明擺着是要諷刺他。

昏迷。

頭先明明話我地都走唔甩架,尷尬尷尬。



我將佢嘅說話當成耳邊風,啱啱嘅言論似係想帶風向,引領我地進入佢嘅局。

頂佢,乖乖地聽話唔好打電話出去咪冇事冇幹囉,做乜要試探?

自己攞嚟衰,仲要浪費我嘅時間,阻住我同佢好好相處。

事件完結,但係成功逃離嘅一眾人都心有餘悸,正喺度大啖大啖喘氣,試圖回復狀態,或者令自己冷靜。
已有 0 人追稿