[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.39【出發到現代】

「唔好講到我好似溫室中長大嘅小朋友咁，我練過架！」我鼓起了手臂上的二頭肌。

「冇眼睇呢，我要講嘅係咁多，到時上到去有人會搵到你。本次行動係冇時間守則架，你所做嘅行為只會影響你可以得到幾多【卷】。一項額外規條，除M、十三、阿樂、阿Long同埋Zenia 之外，你嘅身份唔可以透露。否則會嚴重破壞你嘅信用分，可能會影響日後申請返回人間道嘅手績同埋成功機率。Understand？」阿晴提出了一個奇怪的規條。

「點解？呢啲人又係邊個？呢個規條喺上頭落嘅？有冇佢地嘅資料俾我？我冇點留意M身邊嘅人。最多我出多幾張【卷】啦。」我準備大手一揮了，反正要拿【卷】也絕非難事。

「咁又唔需要，我地上頭好貼心咁為你準備好曬啦，請過目。係咪夠好服務呢？」她用了一把似是地產經紀成功賣出第一個樓盤而感到無比興奮的聲音。
講真係有啲浮誇，不過我鐘意。

「頂呱呱添啊，不愧係領導人。」我也不能省卻讚美，雖然很多餘。



「咁我呢，咁我呢？你夠膽話我唔好啊！」她此刻是個要糖不成就來搗蛋的調皮女孩。

「多謝你嘅讚美，小女子會欣然接受，並且做得更好。」希望這讚美不會讓我遭受萬雷出動轟炸機來緊炸我一人。

做得好唔好呢我就唔抱有太大期望，只望下一刻個鼻唔好變成木偶奇遇記個Pinocchio，我唔想有個咁長仲要係用木做嘅鼻哥。

「非也非也，我要求高少少，想你做到完美就得。」我豁了出去，請天神不要破壞我俊俏的臉容。

「點樣先算完美啊，人冇十全十美架喎。」她極度弄不明白我的字句，或許是我太過有深度。



「完美呢樣嘢，好主觀嘅。喺我眼中，依家呢個你就係完美嘅你。好啦，讚完啦，永別先啦～」這次我是真心的，她怎麼說也沒有義務幫我這麼多。

「又咩永別啊，咪叫你改下出發前嘅口頭禪囉！咁唔吉利！永別嘅話咁我點算啊。」她越說越小聲，這種伎倆我早懂了。

當然唔可以食住個勢上，問佢頭先講乜。應該扮做完全唔知，等佢等到急啦，再嚟搵自己先至再傾。呢招「欲擒故縱」，高招嚟架，可以試下。

*此教學並非專業，若然跟此做法，必先有心理準備練成「葵花寶典」。

如因此法而痛失伴侶，請自行解決，以下有幾項方法。



1. 跪玻璃
2. 行街shopping睇戲食飯四步曲
3. 不懂的切腹
備註：若有所失，本人表示極度遺憾，實屬不幸。

「行啦。祝我好運。」我踏出了腳步，領導人已經一早把往人間的靈魂馬車備好。

「再見。祝你好運，我嘅好客人。」阿晴擺出了一個親切無比的笑容，心也快要融化了。

就咁，踏上一場未知嘅旅途。

只為，幫助多年嚟嘅朋友。

盡我自己最大嘅力量。



（L視角完）

—————————（網絡連線再次中斷⋯請重試。）——————————

（旁白君視角）

哈佬，大家好。又係我旁白君啊！

（一堆蕉皮爛雞蛋打埋嚟）

「唔好阻住我睇嘢啊，死人頭！行埋一邊！」一個長年戴住面具去做人的同伴跟我說。

「你個死人頭，唔好阻住我做旁白啊！D218！」我怒罵。



「你咪一樣！D367！D675，你話218佢係咪衰先！做嘢做到佢咁唔盡責！」我也不想發脾氣，要說這218號真的很橫蠻無理。

「唔使驚啦，老友，大家都會平安無事嘅，更何況我地又唔可以作出任何改變。

睇佢地造化啦！啊，唔係！都係算數，唔鬼講啦。」剛剛D218拉了D675一把。

「咁又係，靜待時機。老闆會同我地講架啦。」

我心裏暗自祈禱，祈禱他們不要出了任何差錯。

（旁白君視角完）

————————（網絡連線恢復，正在重新連接線上⋯）———————