由O Camp組爸組媽變左做真正既夫妻: Chapter 3

而呢段日子裡面，我都係不斷忙搬新屋既野。日日係咁來回太古城同大圍。

經過兩星期的搬屋同整理之後，我地間新屋終於可以入得伙啦！！！！

呢一日，Oscar叫晒我地全部人返去SU開會到講組爸組媽既分配工作

我因為要搞搬屋d野，所以同佢講左會遲少少先去。

但最煩嘅就係我架車已經劏左，於是諗住搭MTR或者巴士返學啦



跟住爹地係wtsapp我：「啊仔你係咪要用車啊？你過嚟公司搵我攞條BENZ（W124系列既E250款，白色）車匙啊。記得今晚黎接我地返屋企就得架啦。」

於是我就即刻搭的士去搵我爹哋.....

一落咗車，佢已經係門口等緊我

「啊仔，而家比條車匙你。你今日就揸我架車啦。不過要小心啲揸車同注意安全呀。總言之你今晚記得接返我哋就得架啦！玩得開心啲。」

「知道啦爹哋！我會小心啲揸架啦！」



「好啦好啦我要夠鐘開會啦！總言之今晚見面再講啦。」

「好啦拜拜啦爹哋！」

「拜拜啦！」

部BENZ同下圖一樣，不過都係AL車牌。呢架車本身係我姑媽既，後來我姑媽去左英國，不過佢又唔捨得賣走架車，於是我爹地就提議向我姑媽象徵式$10000買左架車，等我姑媽有時得閒返香港就揸返呢架Benz。







我呢一刻真係好touch......真心真係好想多謝佢......想咀佢一啖

我拎咗佢條車匙之後，就撻着引擎。向住hku方向進發

不過個油門好重，渣起上嚟好唔慣.....

結果我要用啲時間去慢慢適應佢先習慣到

但好嘅就係揸落去都幾舒服，唔怪得Daddy會鍾意呢啲歐洲車。比起我部100仔，部250E快好撚多。

結果我就用咗成半個鐘頭先返到學校同泊埋車，之後行返去SU

點知一到左SU個活動室之後，Oscar就拉左個女仔行黎我面前。





Oscar：「喂勇哥做咩咁遲架？」

我：「 sorry呀因為我今日有啲野做同埋塞車呀。所以咪遲咗少少囉。」

Oscar：「算啦唔緊要，最緊要你嚟到就得架啦。係呀呢個女仔就係你嘅partner啦。好好咁照顧人啊！」

當我望到個女仔時，佢具有清秀、可愛，令人神魂顛倒、傾國傾城既氣質，同twice個周子瑜個樣簡直係一模一樣。茶啡色既長中分直髮，深深嘅雙眼皮、水汪汪既大眼睛，粉紅既小嘴唇，身高165CM，34F既上圍，瘦底〈23吋腰圍〉，吹破可彈既白滑皮膚，42吋長腿，仲有係甜美既笑容。同我做Partner竟然係一個超級靚女，嗚啊！我諗除左佢之外，身邊應該冇其他女仔吸引到我。而且佢身上著住黑色T恤，深藍色牛仔短裙，再著到白色Converse波鞋，將佢既身材配搭得好完美。最重要既係，佢比我係有一種好強烈既親切感，同埋就係⋯⋯當初相遇Winnie既感覺好一樣。但唔知點解⋯⋯⋯⋯⋯我同呢個女仔好似係邊個見過咁⋯⋯⋯⋯唔緊要啦，反正而家識呢個靚女都係一樣架姐。

Claudia樣貌圖：













Oscar就向我地互相介紹：「嗱呢個係Aaron，呢個係Claudia。」

Claudia好熱情同好嬌嗲咁對住我講：「Hi Aaron，我係Claudia啊！讀year 4 education架。係呢你今年year幾同讀咩major架？」

一般呢啲靚女一定會好似偽ABC或者港女咁串串貢，但係Claudia比我既第一印象就冇呢啲野，反而我睇得出佢真係一個好純品好斯文既乖乖女。

我：「我今年都係year 4啊，不過我讀LAW架。」



Claudia：「嘩你好勁喎未來大律師。」

我怕醜咁講：「邊係呢？」 

Oscar：「好啦你地兩個咪係到耍花樣啦。過黎介紹埋其他人比你地識啦。」

Oscar就向我地逐一介紹其他組爸組媽.......不過全部都係我啲Best friend（除左Claudia未見過之外），而我同其他組爸更加被人稱為「白龍王車隊｣，因為我地五個人架車都係白色，而且同佢地感情好深厚，猶如親生兄弟一樣。所以我一見到佢地就攬頭攬頸咁，唔需要再作任何介紹。不過我地五個人入邊，Donald同Stephy、Johnny同Joey、Wyllis同Charlene已經係情侶。得返我、Claudia、Steven、Kary唔係情侶。

由於今年O Camp既預計人數都算多，所以分成5組（即係5個組爸同5個組媽）

組爸有我，Johnny，Wyllis，Steven，Donald
組媽有Claudia，Joey，Kary，Stephy，Charlene

人物介紹：


（組爸）
Johnny：Year4 Journalism，係學生傳訊部個Captain兼足球校隊隊員。鍾意夜蒲同劈酒，人稱「老蘭食女王」。不過份人好重情義，成日都請我食嘢同教我昅女。

Wyllis：Year4 Finance Econ，戴眼鏡。富家子弟，老豆係全港十大富豪首富之一。但份人好nice低調，鐘意睇股票同投資，而且眼光好準，每次炒股都會賺大錢。平時有咩投資都係搵佢幫手睇吓。

Steven：Year4 Acct，由幼稚園到大學都同我一齊讀書。係我識左最耐同最好既Best fd，佢爹哋同我爹哋係世交，所以我哋認識左成20幾年。由細到大有咩唔開心都會同佢傾，不過佢好粗口爛舌，平時鍾意踢波，打機同挽車。

Donald：Year4 Psycho，高大又大隻，全身都係肌肉。平時就鍾意踢波同埋做gym，係hku男子足球校隊隊長，過往亦都曾經代表港隊同南華踢青年軍。夢想係成為一個消防員。平時都係佢幫我操體能同做gym。

（組媽）
Joey：Year 4 business and econ。由細到大都係一個「尖子」，GPA長期都係「過3爆4｣。而佢係一個超級GD迷，幾乎所有BIGBANG同GD演唱會佢都必定出席。

Charlene：Year 4 Marketing，身材高挑，擅長搞活動同上莊，係Faculty of Business and Economics Students Union副會長。好受男同學歡迎。

Kary：Year 3 Japanese Studies ，係中日混血兒（爸爸係香港人，媽媽係日本人）。非常崇拜日本及美國文化。曾經擔任過政府高層既日本翻譯，佢同Winnie以前係中學同學黎，不過佢地兩個人既關係唔算太熟，只係互相知道對方係邊個。

Stephy：Year 4 Accounting，中美混血兒。入大學之前一直都係美國土生土長（即係ABC）。性格好熱情同好鬼妹仔。鐘意一放假就會周遊列國。

最後分組方面Johnny同Joey一組，Wyllis同Charlene一組，Donald同Stephy一組，Steven同Kary一組，而我就同Claudia一組，不過其實我都唔覺得意外，因為Oscar要Wyllis、Donald、Johnny佢地三個要同Charlene、Stephy、Joey一組，所以會有咁既安排，不過唔緊要啦！有個咁高質素既靚女做我既Partner，咩都抵返晒。

經過一輪既認識同分組遊戲後，大家都好攰。

之後Oscar同我地breathing

Oscar：「嗱大家今晚返去要諗好各自組既組名，之後就係群到Wtsapp我。下次開會就會講game同組仔組女d野架啦。今日開會就到此為止。」

我地散會之後，Claudia突然間問我：「Aaron，你電話號碼幾多啊？」

我：「9080x123，你呢？」

Claudia：「好啊，我今晚再加你啦。因為我電話冇電啊。或者你不如拎部電話俾我，我入我個電話號碼俾你啦。」

我：「ok啊！」

我就拎左我部iPhone比佢入電話號碼，之後佢竟然話比埋佢facebook同ig我，仲幫我follow埋佢acc，睇黎呢個妹妹仔幾Open。

Claudia:「那我就俾埋我個Facebook同ig你啦，比你留意吓我呀嘛！」

我：「好啊！」

呢個時候，我電話突然間響起。。

我：「喂？」

原來係我阿妹打黎。。

妹妹：「死仔去左邊啊？？」

我：「返學攞。而家準備走！」

妹妹：「我係time quaure啊，你而家過黎車埋我走啦。如果唔黎呢你今晚就知死！」

我：「唉！算啦。我車你啦！到再wtsapp你啦。」

妹妹：「咁就乖啦！」

我覺得做阿哥既真係好慘，成日都比阿妹恰.......

當我好無奈嗰陣，Claudia突然好大力拍一拍我膊頭。

Claudia：「喂你係咪去銅鑼灣啊？」

我：「係啊。」

Claudia：「岩啦你可唔可以車埋我啊？我要趕住去嗰邊啊！唔該你啦！」

我：「難得有靚女叫到，好啦！」

Claudia：「口花啦你！」

於是我地行左去停車場到攞車。。。沿住干諾道同告士打道向銅鑼灣方向出發

之後佢見到我架E250，好驚奇咁講：「呢部咪Benz黎？你架車好似好老咁喎。好少有後生仔揸呢啲老爺車。」

我：「係啊？呢架車係我爸爸媽媽係我出世嗰時買架，之後一直keep到而家。我今日要用車所以咪問佢借住黎用先囉。係呢，你有冇考車牌呢？」

Claudia：「嘩你都幾著重感情喎。有啊我係考棍波架，放假不時都有揸車。」

我：「點解既？」

Claudia：「因為我覺得唔係好環保攞。同埋我平時出街同返學都係搭巴士同地鐵多。」

我：「你都幾慳皮喎。」

Claudia：「當然啦。係呢我地個組名你有冇頭緒啊？」

我：「諗到D既。不過Oscar話叫我地最好改返D唔好粗俗既名喎。驚D組仔組女會complain。」

Claudia：「咁你諗到咩名未？」

我：「多啦A夢隊啦，簡單又易記。」

Claudia：「不過我鐘意比卡超同海賊王喎。」

我：「唔係呢，多啦A夢好D。」

Claudia：「我要比卡超。」

我：「多啦A夢。」

Claudia：「比～卡～超～」

我：「好啦好啦我投降啦，不如一人讓一步啦。就改名【比卡超與多啦A夢啦】。」

Claudia：「YEAH！！！！不過點解你要加多啦A夢既？」

我：「因為如果你係比卡超，我就係多啦A夢啦。」

Claudia拍我個頭：「吓。。。。。。咁奸矛架你。」

經過一輪談天說地後，已經到左Time Sqaure。。。

Claudia：「好啦我到啦，今晚返到去再WTSAPP你啦。拜拜！」

我：「好啦咁。你記得小心D啦。拜拜！」

Claudia咁就落左車，行左上去電梯戈邊。。。。。

呢個時候，我阿妹又打黎。。。。

妹妹：「喂阿哥你去左邊啊？到左Time Sqaure未啊，我同媽咪而家行緊落黎啦。」

我：「我而家係的士站啊，你地過黎就會見到我架車啦。」

妹妹：「得啦！我地黎緊架啦。」

唔夠一分鐘之後，佢地就跳左上車。

講返我妹妹先，佢細我4年，而家係DGS準備升緊中六。佢係學校裡面公認既校花（個樣同TVB童星莊錠欣一樣），樣靚身材正（165既身高，34D上圍，22吋腰圍同埋42吋長腿），而且係排球同游泳校隊，所以係學校好受歡迎，唔少其他學校既男仔都想追佢。不過如果熟佢既人就會覺得佢係一個癲婆，把口好賤格。更加係我地屋企既管家部部長，我呢個哥哥成日都要屈服係佢既威嚴之下。

妹妹樣貌圖： 




我：「媽咪，靚妹。你地又去銅記到掃貨啊？」

媽咪：「係啊，阿仔。我地而家去接你Daddy。之後再去太古城。」

我：「好啊。不過我地今晚唔返大圍嗰間屋住啊？」

媽咪：「係啊，我地今晚開始會係太古城到訓架啦。同埋你姑媽又返左黎香港，所以佢就會住大圍間屋攞。」

妹妹好惡咁講：「衰仔仲唔開快D？Daddy等緊我地架。」

我反擊：「快緊攞，你再嘈既話呢就掉你落車吖啦。」

妹妹：「你咪掉攞，我都未驚過。媽咪啊！哥哥又蝦我啦！」

媽咪：「好心你地唔好咁幼稚啦，兩個加埋都40歲啦。」

我地停左係公司門口，Daddy已經企左係門口到等我地就上左車

我＆妹妹：「Hi Daddy。」

Daddy：「Hi Aaron！！Hi Angela！！有冇聽媽咪話啊？」

我＆妹妹：「有啊我地！！」

Daddy：「咁就乖啦！今晚我地住新屋攞喎。開唔開心啊你地？」

我：「開心，實開心架。」

妹妹：「好野，我地有新屋住。可以日日望住個海食早餐啦YEAH！」

媽咪：「不過哥哥以後就要車妹妹返學啦。」

我：「。。。。。。。」

我哋傾傾吓原來已經返到我哋嘅新屋---太古城

咁樣開始咗我係新屋嘅第一晚

經過一輪既梳洗同收拾，就開左我部MacBook聽下歌

呢個時候，有個陌生既WTSAPP突然間加我

我開部電話黎睇。。。

「今日真係唔該晒你啊。下次我請你飲野啦。」

原來係Claudia搵我。。。

我：「唔使客氣！舉手之勞姐！」

Claudia：「點得架？總之一定要請你架。」

我：「好啦咁。」

Claudia：「係呢你返左屋企未啊？」

我：「岩岩返到。而家係屋企上下網聽下歌。」

Claudia：「你聽咩歌先？」

我：「冇啊聽緊林奕匡首（高山低谷）。」

Claudia：「呢首歌最近好紅喎！我都幾鍾意聽。」

我：「希望佢快啲係紅館到開演唱會啦。」

Claudia：「我都想，如果佢有開一定去睇。」

我：「你而家做緊咩啊？」

Claudia：「頭先同我爹地媽咪去食飯，啱返到屋企。喂唔同你講住啦，我媽咪叫我啊。」

我：「拜拜啦！」

不過唔知點解好似搬左新屋之後就唔係好慣，雖然間屋大左, 買野方便左但係空氣就差左。雖然我大圍舊屋都方便，近火車站隔離。但論方便既話一定係呢到。

或者我需要有一個"適應期"啦。

突然間我電話響起左，原來係白龍王車隊既Wtsapp群組。

Johnny：「勇哥你同Claudia好好傾啊？」

我：「咩啊？」

Wyills：「Claudia真係好撚正，勇哥你小心啲啊，你知啦啲組仔係一班怪獸黎架嘛。勇哥係時候要展示一下雄風啦。」

我：「我冇話要同佢做人世？」

Donald：「屌你仲扮野，你見到Claudia個樣面都紅撚埋喎！」

我：「我爆比Stephy聽你移情別戀。」

Donald：「唔好啦勇哥。我知錯啦！」

Steven：「各位大佬幾時車聚啊！」

Johnny：「係啊勇哥好耐冇見到架100仔啊！」

我：「我架車收左皮啦！以後就坐地鐵返學啦！」

Steven：「咁你頭先點返黎啊？」

我：「揸我老爹架Benz返黎囉！」

Donald：「唔緊要啦！你架車用左成廿幾年都要換車啦，咪比個機會自己換車囉！」

Wyills：「勇哥打算換咩車啊？」

我：「未知啊，但一定係棍波車。」

Wyills：「同我一樣換FD2啦，一齊白色啦！我嗰部下個月就交車啦！」

Steven：「FD2爽YY喎！可惜我已經有部露筍8代啦！」

我：「咁你迫我換部掃把佬啦！」

Johnny：「勇哥你認真架？你唔係豐田撚黎既咩？買部Altezza、Celica。再唔係換部Supra啦！」

我：「單門車我冇咩興趣，四門車好似實際啲喎！而且我覺得係時候要換Turbo四驅車啦！」

Wyills：「請問勇哥，你係咪睇岩左咩車啊？」

我：「既然Steven買左露筍，咁我就買佢對家掃把佬！」

Johnny：「你黎真架？買咩車啊？22B？S208？」

我：「嘻嘻。。。兩部都唔係。睇岩左GDB。22B同S208太貴買唔起啊。始終預算有限。如果廿萬樓下都可以諗下。」

Wyills：「爽啦GDB，你買歐洲車我地即刻Unfriend你！不過都係買白色啦！」

我：「這是理所當然的！」

Steven：「你條撚樣係都要同我作對！」

Wyills：「買左記得車Claudia啊！不過都要車我地啊！」

我：「好！」

Steven：「好啦唔好阻住勇哥同組媽啦！各位我地O Camp見啦！」

之後佢地就OFF左。我就順便攞張Yoga墊做下家居運動Keep下體能。