上到去Claudia嗰層,就去㩒佢門鐘。而佢就行咗出嚟開門俾我。

嗚啊!佢着住裸膚色系既兩件式針織上衣,搭配黑色過膝長裙,完全展現佢嘅34F波餅、23吋纖腰、同42吋長腿。話時話呢種打扮好襯佢。



「嚟咗啦?密碼!」Claudia問我。

「林雅晴小姐係一個大美人!」



「係啦請入嚟啦!」我就跟咗Claudia入去。

「阿勇你嚟咗啦!過嚟坐啦!你當呢到係自己屋企就得㗎啦!」Claudia爹哋媽咪見到我就同我講。話時話Claudia爹地媽咪睇落都好後生,同我爹地媽咪差唔多。唔知嘅話以為佢哋係三兄妹,我諗Claudia咁靚應該都係多得佢父母嘅遺傳。

「世伯、伯母你哋好呀!」我就好有禮貌咁同佢地打招呼。

「喂衰人嗰啲嘢呢!有冇帶嘢上嚟啊!」Claudia好串咁問我。

「林雅晴唔可以咁冇禮貌㗎!阿勇多謝你先咁遠水路幫我入元朗買返嚟,等陣我叫林雅晴俾返錢你呀!」Claudia媽咪對住我講。



「媽咪呀!你唔使理佢㗎!」

「唔使客氣啦伯母,因為我成日都要走來走去嘅,如果下次要我買嘅話就同我講啦!」我同Claudia媽咪講。

「媽咪我同你講啦,呢條友係原居民嚟㗎!屋企仲要好有錢添啊!佢個單位係全海景㗎!」Claudia對住佢媽咪講。

「話時話啦阿勇你住幾多樓㗎?」Claudia爹哋同我講。

「我住你哋樓下19樓A、B囉,兩個單位打通!」



「有錢啦你,加埋都成差唔多3000尺喎!我記得嗰時想買A座,不過太貴所以最後都冇買!」

「有時有啲嘢你唔恨得咁多㗎啦,你都唔差啦!」我細細聲係Claudia耳邊竊竊私語。

「頂你啦!喂衰人我部電腦有少少問題啊!幫我睇下啦!」Claudia同我講。

講完Claudia就拉我入去佢間房到。雖然上次去過佢嘅屋企但係今次係第一次入佢間房。當然佢間房就唔會有我嗰間房咁大啦,不過就有一種充滿童話世界嘅房間。點解?因為佢間房有好多小朋友嘅玩具,同好多唔同卡通人物嘅公仔。有美國代表既米奇,日本代表嘅比卡超、懶懶熊同Hello Kitty等等。最特別嘅係呢間房就係充滿着Claudia迷人嘅體香,好似毒品咁會上癮。

「你間房都幾靚啊!」

「你間房靚啲,又大,又有梳化、電視!我呢啲只係Small potato嚟嘅啫!」

「話時話你爹哋媽咪都幾客氣喎!」

「佢哋好好人㗎!知道你黎即刻招呼你!」



「幫我多謝佢哋啦!」

之後我電話叮左一聲,原來係家姐Wtsapp我。

「Aaron你返咗去未啊?」

「返咗去啦,有心!你哋享受緊家庭樂啊!」

「係呀!啱啱同我老公屋企人出去食飯!依家我哋兩公婆啱啱哄完麗瑤瞓覺!」

「小朋友要早啲休息呀!下次你哋返嚟香港搵我呀!」

「當然啦,你都快啲搵返個新嘅女朋友啦!到時帶佢黎見我哋啦!」



「承你貴言!」

「你同邊個女仔喺到Wtsapp啊?」Claudia無啦啦行埋我耳邊細細聲咁講。

「你嚇死我呀以為有鬼啊!冇朋友嚟啫!」

「嘻嘻!見到女仔嚟㗎喎頭先!到底係邊個姐!」Claudia講完成個人即刻控埋落我到。呢一刻我哋兩個嘅距離只係相差一厘米。

我吞左口水。然後就講:「你眼花姐!男仔嚟㗎!」講完我忍唔住喺到笑。

「你笑即係呃人啦!快啲講係邊個!」好快我個詭計就被明察秋毫既Claudia識穿。

而呢個時候我就即刻成個人訓落Claudia嘅枕頭到,咁佢就睇唔到我笑啦!而佢都唔執輸即刻係我耳邊騷擾我。所謂「士可殺、不可辱!」我寧死不屈,未到最後一刻我都唔會認輸。

「你即係有笑啦!哈哈搶咗你部電話啦!你死硬啦哈哈!」呢個時候Claudia已經搶咗我部電話,我就知道大勢已去。



不過就算我同家姐既對話被Claudia見到都無所謂,因為佢已經有一個完整嘅家庭,所以我同佢嘅關係係清清白白。

「睇吓你同邊個女仔喺度陰陰嘴笑傾偈先!」Claudia就好似偵探上身咁睇我部電話。雖然佢出去攞電話黎睇我覺得係一件好冇私隱嘅事,但唔知點解我好似好享受,完全冇嬲佢。

「講呢個女仔係邊個嚟!」Claudia問我。

「佢係我死鬼女朋友嘅家姐!今日咁啱係元朗到見番佢,咪一齊食嘢囉!放心啦人哋有老公有小朋友㗎啦!」

「冇辦法啦!始終我同佢屋企人嘅關係唔錯!就算我女朋友過咗身之後,佢都當我哋係半邊仔咁!」

「睇唔出你幾重情義個喎!」

「你而家先知都唔遲㗎!講真你部電腦壞咩啊?」



「冇啊!只係部MacBook行得好慢!你可唔可以幫我整返啊?」

「我幫你整啦!你部機嘅Hard Disk冇咩空間啊!你睇吓有冇D乜嘢需要Delete!」

Claudia諗就唔夠10秒鐘,就開左一個File,裏面係佢同以前男朋友影嘅合照同Video。睇呢個File既容量都有成10G幾。

「傻妹你真係要決定刪除檔案啊?有時有啲決定收唔番喎。」我問Claudia。

「你話㗎嘛!做人要向前望!既然當初佢對唔住我在先,我就同我自己講以後都唔會再俾機會佢!費時佢係我部電腦出現啦。

「好,既然係咁!我哋一齊刪除呢個檔案,將佢哋咁垃圾桶!」

我就教Claudia點做,而佢就好似一個小朋友咁樣聽我呢個老師嘅指示。

過咗大約10分鐘,呢個檔案就徹底被我地銷毁。而我就係一個教人分妻嘅角色。有時覺得感情呢樣野好特別,既然大家係好勉強喺埋一齊咁辛苦,不如分開對大家都好。

係張電腦枱到,我見到有個相架,原來係我之前同佢影貼紙相。睇來呢個傻妹對我都好重視,唔通個傻妹想?

「係喎真係快好多喎!」Claudia同我講。

「梗係啦,就好似啲垃圾咁要清理下!」

「係啦!你想唔想睇我細個嗰啲相啊?」

「好啊!」

Claudia就係個櫃桶到搵返佢啲相出嚟,唔知係咪因為地下太多野,佢就成個人仆落我到,搞到我心口可以食到佢既F級波餅,搞到我支巨龍扯起左。如果可以揸到佢對波,你都咪話唔爽?

我哋兩個凝視左對方10秒,見到Claudia既臉朧好通紅、好美艷。嗚啊!點解呢個世界會有一個咁靚既女仔係我既鄰居啊?

「做咩一直望住我喎?」

「因為你真係好靚囉!」

「真㗎,我好開心呀!」Claudia嗲住咁講。

「見到你就開心啦!」

「不過你可唔可以起身啊?你好似瞓咗我張床喎!起身啦!」

弊!我真係好似瞓咗佢張床。於是我就起身。但係 Claudia阻止我,只係叫我坐係張床到。然後佢就爬咗上嚟,蓋好張被。呢個時候我哋兩個既距離已經係貼得好近,同時我既左腳比佢既右腿夾住,動彈不得。而佢件針織上衣係低胸裝,所以佢對波同著咩Bra都可以一覽無遺。嗚啊!原來Claudia今日身穿白色既Lace Bra啊,死啦!佢呢個樣我已經好興奮,如果佢淨係戴Bra同底褲,又或者著Binkini既話⋯⋯林雅晴你可唔可以唔好誘惑我啊?我真係忍唔住會食左你架。

Claudia就不斷攞本相簿叫我一齊睇。原來佢細個個樣真係好可愛,從小已經係一個美人胚子。

「呢張相係幾時㗎?」

「我幼稚園畢業嗰年影架!係咪好可愛呢?」

「係呀係呀!最可愛係你㗎啦!」

「原來你以前係排球同田徑隊嚟㗎?」

「你估唔到呢?」Claudia打趣咁講。

「唔係呀睇你個樣就知啊!」

「咁你呢?你以前係咪校隊嚟㗎!」

「係呀我係籃球隊同游泳隊啊!我記得當時賽D1學界嗰陣有個女拔既田徑隊員好靚,不過我知當時冇咩可能追到佢,所以我就放棄左!」

「你咁勁,不如搵日較量吓!我都好耐冇跑步啦!咁妹妹都係校隊呀?」

「係呀!由細到大我哋兩兄妹都好鍾意運動,同埋我爹哋成日要我地學埋晒嗰啲自由搏擊!不過依家知道佢都係想我哋有一技防身。」

「哈哈哈!」Claudia開懷大笑。

呢個時候我就見到Claudia以前嘅班合照,見到佢後幾排有個女仔好熟口面,我再望真啲呢個女仔咁似Winnie既!不過我就冇問佢哋兩個人嘅關係。始終我唔知佢哋兩個嘅關係係咪好熟。

「你地兩個出嚟食糖水喇!」Claudia媽咪敲門咁叫。

「知道啦媽咪!」Claudia話。

我哋兩個就執翻好啲嘢出返去,見到佢哋買咗糖水。原來係我最鍾意嘅芒果西米露。

「阿勇啊!我哋買多咗俾你啊,慢慢食啦!」

「知道啦世伯伯母!」我對住Claudia爹哋媽咪講。

「我唔客氣啦!」我同Claudia異口同聲咁講。

估唔到呢間糖水舖嘅芒果西米露幾好食。下次可以買返俾妹妹。而我食緊野嗰陣不斷偷望Claudia,睇得出佢同佢父母嘅關係好好,佢哋三個人就好似朋友咁樣咩都講一餐。見到佢哋就好似見到我爹地媽咪一樣,有時我地兩父子就會瞞住媽咪同妹妹走出去飲啤酒,次次飲到成隻醉貓先返屋企。

食完之後,由於Claudia要搞埋備課嗰啲嘢。所以我都唔好意思打攪佢,同Claudia、佢父母道別後返咗我自己嘅屋企。

一返到屋企,就見到爹哋媽咪、妹妹三個人喺到睇電視。

「嘩你哋三隻野仲唔瞓?」

「冇啊等埋阿哥返嚟睇電視呀嘛!有你最愛嘅多啦A夢啊!」妹妹同我講。

「你哋慢慢睇啦!係呢我今日喺元朗到見到Winnie個家姐啊!」

「佢哋唔係去咗英國咩?」爹哋問。

「係就係!咁啱今日去食B仔涼粉見到佢哋一家三口返咗嚟,咪一齊食囉!佢家姐個女好得意呀!」我就話。

「咁佢哋有冇話啲咩啊?」

「冇啊!都係好似你地唔會阻止我識新女仔,始終呢個係Winnie嘅遺願,亦都係佢對我唯一嘅嘢!」

「咁你仲唔快啲追人哋!」媽咪話。

呢個時候我發現我個褲袋好似少咁一樣野,我左搵右搵只係有銀包、AirPods、屋企鎖匙同NSR電單車匙卡。就係少咗部電話。

弊,唔通我部電話漏咗係Claudia屋企。於是我就即刻用屋企電話打比我嘅電話號碼。
已有 0 人追稿