由O Camp組爸組媽變左做真正既夫妻: Chapter 36

「我返黎啦！」

「阿仔你返黎啦今日玩得開唔開心啊？」

「開心啊！」

「做返小朋友實開心架！」

「關你咩事姐？買左個史迪仔同小熊維尼公仔比你啊！」



「嘩多謝阿哥錫晒你！」妹妹Kiss左我右邊既臉

「你睇下阿哥對你幾好！」爹地對妹妹講。

「見妹妹咁乖送比佢啦！」

「係啊阿仔啊我今日同你媽咪去車展見到有部七人車幾靚，想睇下你意見點樣？」

「咩款Model先？」



爹哋比左份Catalog我睇。。。。

「呢架咪係最新款既Toyota Vellfire同Alphard？你想換七人車咩爹哋？」

豐田Alphard

豐田Vellfire：


「係啊架車下星期比你姑媽，加上我地屋企都有咁既需要。所以咪想換囉！架車本身係佢比我架嘛！而家物歸原主好應該啊！」



「不過我睇新車都要成60萬喎！同埋我地屋企得4個人唔使用七人車啦！」

「咁車你爺爺嫲嫲同公公婆婆都要既，仲有你未婚妻同你地個BB！」

「媽咪你使唔使講到咁長遠啊！」我R晒頭。

「唔長遠架啦阿仔！你都廿幾歲架啦！再過多幾年都要結婚生仔。你唔好話比我聽你想成世做王老五啊？」

「嘻嘻緊係唔係啊！」我忍唔住係到偷笑。

「死仔你係咪拍緊拖啊？」

「而家冇，不過好快會有。我都係沖涼訓覺先！」



我唔想公開我同Claudia拍拖既事比屋企人知住，費事佢地多說話講。而且我同Claudia想享受地下情先。沖好涼就睇下部電話，見到我地白龍王車隊Group到有野講。

發現Steven原來Send左張相出黎，我再望一望，係我同Claudia手拖手既背影。

張相既Description寫住：「恭喜勇哥勇嫂！」屌你老尾我今日先拍拖，你就同我揚開晒。仲打算等穩定左先公佈架！

我：「屌你啦！正一大喇叭！」

Wyllis：「勇哥終於脫單啦！」

Donald：「幾時生返個啊？」

我：「係都你地幾個先！」

Johnny：「你搶閘先啦！哈哈！」



Steven：「到底Claudia比左咩藥你食，令到我地既勇哥咁意亂情迷呢？」

我：「唔知呢？搵晚車聚啦！」

點知佢地話：「唔使！唔好！夠啦！多啦！阿嫂會話我地架！」

我：「⋯⋯」

算！Steven條仆街，遲啲先搵你地計數。

我退返Chat Room，原來Claudia wtsapp我

「BB你沖完涼未啊？」



「我沖完啦！而家整緊相！」

「整緊咩相啊？」Claudia問。

「唔話比你知等你心思思！」

「唔制啊我要知我要知！你今日又話要對我坦白既！」

「講笑咋！我同你之間既相啊！」

「你會唔會醜化我架？」Claudia充滿疑惑咁問。

「緊係幫你整到靚一靚啦公主！」

「算你啦！聽朝有咩做？」



「冇啊我！諗住跑下步！」

「岩啦！我都想跑步keep fit！不如一齊啦！」

「好啊！不過跑邊先！」

「聽日先話比你知！總之聽朝7點係屋企樓下等啦！訓覺先啦BB！Good Night！」

我：「好啦早啲休息啦BB！Good Night！」

今日對我黎講係我呢三年黎最開心既日子，因為我終於同我最鐘意既女仔Claudia表白左。自從Winnie過左身之後，我覺得愛情呢樣野已經唔會再降臨係我身上，就算再有都只不過會挫敗我心。但Claudia呢位小天使既出現，令到我由一個唔再相信既愛情既人變成終於能夠再一次相信愛情既力量，再一次向我心愛既女仔表白。

又或者我知如果再一次比我遇見到我鐘意既人，我一定唔會放手！

既然上天比左Claudia呢個天使我，我會好好珍惜！以後就要多多指教啦！

林雅晴，今生今世只會愛你一個！