由O Camp組爸組媽變左做真正既夫妻: Chapter 38

我哋就返去各自既屋企沖涼換衫。之後我就換咗海軍藍色 BAPE polo恤衫，Dickies卡其色長褲再加對上次白色綠頭adidas Stan smith波鞋。

臨出門口前，Claudia wtsapp我：「Sorry啊！原來我表妹同表弟嚟咗我屋企我今日要照顧佢啊，我諗今日唔可以同你二人世界啦sorry ！今晚食飯見啦BB！」

「唔緊要呀！不如帶埋你表弟表妹出嚟玩啦！」

「怕唔怕架我驚你唔鍾意喎！」

「咪當俾個機會我照顧小朋友囉！我地今日就黎個四人行啦！話唔定佢好鍾意同哥哥玩呢！人多熱鬧啲架！」



「好啦咁勇B你換完衫上嚟搵我啦！錫晒你！」

「一陣見啦BB ！我都錫晒你！」

於是我就出左門口上去搵Claudia

我就撳鐘，Claudia開咗門俾我

跟住見到佢已經換左件淺藍上衣，白色熱褲同將頭髮放返落黎。




「黎咗啦？」Claudia問我。

「係呀我嚟咗啦！好靚啊你！」

「叫我表弟表妹過嚟先！子瑜子謙快啲過嚟啦叫Aaron哥哥啦！」Claudia講完就帶左佢表弟表妹過黎，話時話佢表弟表妹真係好可愛，我估計佢地應該盡得Claudia遺傳。



「Aaron哥哥你好！」子瑜子謙好有禮貌咁講。



「Hello啊你地兩個叫咩名啊？」我痞低同佢哋講野。

「我叫向子瑜，今年8歲。讀緊小學二年班！」

「我叫向子謙，今年8歲。都係讀緊小學二年班。」

「你地兩個係咪孖生架？年齡都係一樣嘅！」我問子瑜子謙。

「係呀我哋係孖生架，子謙係我孖生細佬。佢遲我5秒鐘出世架。」子瑜話。

「係呀。子瑜子謙你哋今日想去邊度玩啊？」我問子瑜子謙。

「我哋想去兒童天地度玩啊！」子瑜子謙話。



「好啊哥哥我知道有個好大嘅兒童天地啊！今日就去嗰度玩啊！不過你要問你表姐可唔可以去喎！」

「好呀我哋今日就去嗰度玩啊！不過你地兩個一定要聽哥哥話喎知唔知啊！」

「知道啦雅晴表姐！」子瑜子謙話。

「咁我哋出發喇！」我話。

「哈哈正一大細路來！」Claudia話。跟住佢細細聲聲咁我出咩鞋好睇，我就話不如今日同我着情侶鞋呀。佢就OK就換咗對情侶鞋。

之後我哋四個就離開咗Claudia屋企，去咗停車場度攞我架RA-R。


「Aaron哥哥！呢架係乜嘢嚟架？」子瑜指住我架GDB喺到話。



「依家係砵砵車黎架！係交通工具嘅一種！」

「架呠呠車好得意呀！好似鐵甲奇俠咁！」子謙話。

「識野喎子謙！不過你同子瑜要坐後面喎！會舒服啲！」

「點解我哋唔坐得前面嘅？表姐做咩坐前面嘅？」子瑜問。

「因為你哋細個囉！同埋後邊可以瞓覺架嘛！同埋要扣安全帶啊！唔係我坐前面要幫Aaron哥哥睇路囉！」

「好啦！我地出發未啊哥哥？」子瑜問。

「我地出發喇！」

我哋就由停車場開車上東區走廊....之後入東區海底隧道出九龍



「子瑜子謙考下你地先！知唔知對面海喺邊度呢？」我問。

「我知我知對面係九龍半島！」

「岩啦！嗱我哋而家會入隧道架。嗰條隧道叫咗東區海底隧道！」

「依家係咪會係海架？」子謙問。

「係呀！不過我地係唔會浸親嘅！」Claudia話。

「我哋依家會去一個好大型嘅商場，有好大個兒童天地架！」

「係咪去MegaBox嗰個E3 Club啊？」Claudia細聲問我。我細細聲答佢係。



「嗰度好似有間IKEA，玩完可以去睇下順便食下野。」

「係呀順便可以溜下冰添啊。」

「好啊！」

「下次玩啦！不過要睇住子謙子瑜！所以都係下次先教你！」

「算你啦！起碼都知道後面有兩個小朋友係到！」

「Aaron哥哥呢度係邊度黎架？」子謙問。

「係咪已經出咗隧道架啦？」子瑜問。

「係呀呢度已經係九龍嚟架啦。我地依家就係觀塘，好快就到九龍灣架啦！」

「到咗九龍灣跟住去邊啊！」子謙問。

「一個大型嘅商場囉叫做MegaBox，我哋今日就喺嗰度玩啦！」

「好嘢有得玩！」子瑜子謙話。

見到子瑜同子謙咁開心，搞到我同Claudia好touch。

唔驚唔覺原來已經到咗MegaBox。