《疫戰都市》-《這個殺手不太濫》: 第十六章 - 危機一發

「轟隆！」語音方落，炸彈就在眾人面前突然爆炸。鐵仁的身體慘遭炸成數截，而平仔則當場斃命。由於平仔及時擋在五十嵐飛燕身前，她僥倖能躲開一劫，但亦告受傷倒地。
緊急逃生門被炸開，外面是連接引水道的通道，當沙礫倒下，及至濃濃的煙霧開始減退之際，有兩個高大的身影在門外徐徐出現，他們竟是狂龍與及傳出已死去的李老闆。

「做得好！正所謂無毒不丈夫，難得你能夠對自己人痛下殺手，我哋十大殺手嘅排名榜係時候要改寫啦，哈哈！」李老闆率先開口，語氣跟先前在銀翼幫旗下時判若兩人。
「我一向都係崇拜力量嘅，講到變臉功夫，我仲未及你蝙蝠咁道行高超。」狂龍不爽地回應。
「點解……會係……你哋？」五十嵐飛燕伏在地上以柔弱的聲音叫著，她身上的戰術背心替她擋下部份爆炸所做成的破壞力。
「我講過會令妳後悔嘅，答我，姓金條靚仔同陶美瑾佢哋嚮邊度？」狂龍回答道。
「你哋竟……去做……走狗……枉兄弟……信錯咗你哋……」五十嵐面露痛苦表情吐出每隻字。
「唔係我唔俾機會妳，只係妳根本冇將我放嚮心上。再講，依家我哋只係各為其主，妳只能怪妳嘅主人勢孤力弱，唔係天生皇帝命。」狂龍說。
「狂龍，唔好浪費時間，監視器爆炸前已經向機關發放咗訊號，相信八腳馬已經趕緊嚟，我哋要早過佢殺晒所有目標，以免被佢搶去功勞。」李老闆 (亦即蝙蝠) 說。




「呢班人只係強弩之末，留待被我處決，更何況我仲要呢個女人付出代價。」狂龍回答時，趁勢趨近五十嵐飛燕，雙眼神色充滿詭異。「就算妳唔答我，我都有本事將姓金嗰條友逼出嚟！」話畢一手抓著五十嵐的長髮把她在地上拖行。「姓金嘅你同我聽住，呢條女依家就係我狂龍嘅女人，我對佢點都跟你冇關係！」
「你同我放手……」五十嵐氣若柔絲地說。
「呢個姓金嘅算唔上真男人，睇下我點樣令妳享受快活啦！」狂龍說罷，雙手欲撕去五十嵐飛燕上身的衣服。失去了戰鬥力的五十嵐只能任人魚肉。
「停手！」金不換從房間內衝了出來，欲開槍之際，立即被躲在其身後的蝙蝠迅速繳械。兩人隨即徒手互搏起來。金因早前中毒剛癒關係，速度和力量明顯打了折扣，但仍能與蝙蝠打成平手。
「要停手嘅係你先啱。」就在兩人鬥得難分難解之際，狂龍突以手槍指著五十嵐胸部，另一手則緊箍著她的頸項。金不換因中途分心，立即便被蝙蝠制服。
「求你哋放過佢，我願意跟你哋返去機關受死。」可能是找到心靈支柱的原因，此刻的金不換已經放下了所有的包袱，彷彿連生命都已變得無關重要。
「勝者為王，呢度咩時候輪到你話事？」狂龍說話同時，在五十嵐飛燕的面上吻了一下，一隻手更在她身上任意撫摸，五十嵐明顯變得不省人事。「蝙蝠，同我用鐵鍊鎖起金不換！」

金不換被蝙蝠以鐵鍊鎖在水泥柱上後，狂龍便對他盡情戲謔：「就等你親眼見證我點樣成為佢嘅男人，然後我就親手處決你同埋其他人。順便同你講等你死得痛快一D，真相係你同五十嵐嘅師父都係被我哋兩兄弟殺嘅，就連你個死鬼老婆都係由我一手隊冧嘅！話時話，你老婆真係好索，對波大唔在講，樣又正，睇落仲好鬼似五十嵐添！我仲記得當日割佢喉嚨嗰陣佢叫得好痛苦，喊住你個名幾次點知你又唔喺度，就咁死咗真係嘥晒。本來機關招攬你嘅目的就係要利用你嘅仇恨嚟對付你師父同銀翼幫，依家唔駛啦！你等陣落地獄報到嘅時候記住要代我問候下佢哋喎，哈哈！」
「對你嚟講，加入機關幫殺妻仇人做野係唔係好諷刺呢？」蝙蝠說話的同時，一拳打在金的面上。此時金不換處於極度憤怒狀態，但被蝙蝠鎖著的他完全動彈不得。




與此同時，就在蝙蝠身後的牆壁忽然一下子裂開，牆壁上多塊磚頭倒在蝙蝠整個人身上，使他埋沒在磚塊之下。一個人的身影突然出現在背後的另一間房間，那人就是鐵面男。