在八腳馬提起榴彈炮指向直昇機的同時,恰巧段連城左手義肢內藏的子彈亦消耗殆盡。段連城隨即踢起地上一枝鋼筋,並以右手抓住中間的位置,再利用巧妙角度配合力量擲出,鋼筋發出嘯聲劃破長空,於千鈞一髮之間命中八腳馬的頭顱。
「老師剛使出森羅萬象嘅天馬行空勢!」五十嵐飛燕向金不換說。
榴彈炮的板機確實被按了下去,但隨著八腳馬倒地,榴彈改變了發射角度,朝他自己背向的一方射出,發出轟天巨響,八腳馬即時粉身碎骨,屍骨無存。

隸屬軍方的特種部隊立刻控制整個局面,然後把機關餘黨逐一消滅。持續多時的危機在軍方介入下終告完滿結束。陶美瑾及文治等人登上軍方直昇機離去,其餘的人則留下收拾爛攤子。大劫過後,天娜步向段連城、金不換及五十嵐飛燕三師徒,並以敬重的口吻向金說道:「多謝你哋救咗我班仔女,通天門同閣下嘅仇怨由依家起一筆勾消,日後如果用得著我哋嘅話,歡迎隨時探訪。」

正當通天門欲收拾殘局之際,外面又來了一班屬於國安局的政府人員,帶頭的人名字叫韓風。
「在場呢D死屍,不論身份,一律交由我哋處理,現場需要封鎖。」穿著西裝,一表斯文的韓風向天罡星說。
韓風與手下把現場的物件逐一登記,經過一輪搜證後, 突然走到五十嵐飛燕面前。
「請問閣下係唔係五十嵐飛燕少尉?」




「我係,請問閣下係?」五十嵐飛燕向韓風說。
「我係國安局嘅高級聯絡主任韓風,請問令尊係唔係前任國防部長伍無極?」
「我從來冇對外人提過有關家父嘅身份,請問閣下係點知道?」五十嵐飛燕一臉狐疑。
「對於國安局嚟講,世上冇查唔到嘅秘密。」韓風說著,並且遞上名片,同時再試探一下:「妳嘅身份其實係由總理辦公室傳俾我哋嘅,對於令尊當年遇害一事,我哋已經查出一D蛛絲馬跡,所以想邀請妳上國安局嘅辦公室調查,希望事件能夠早日水落石出。」
「係咪事件有新線索?」五十嵐飛燕說。
「我哋查出令尊嘅死可能同總統有關,佢係我哋嘅調查對象之一。」韓風輕聲地說。
「我要先考慮一下。」五十嵐飛燕說。
「冇問題,歡迎隨時跟我聯絡。」

五十嵐飛燕把從韓風處收集而來的消息向司馬亮和盤托出。




「咁就奇怪啦,我從來冇向任何人洩露過有關妳嘅身世。慘劇發生之後數年,亦係妳主動搵我,我先至得悉妳仲在生,因為妳父親當年一手提拔我,所以我先會極力推薦妳進入軍方嘅情報組織成為現今精英,妳嘅真正身份同名字都係機密。」司馬亮想了一下然後再問:「妳有冇同段連城透露過妳嘅身世?」
「冇。佢收容我,教我武功,視我為至親,但對於我嘅家事卻從來冇過問,全因為你欣賞佢嘅本領,我先可以成功游說等佢加入成為你嘅特攻成員。」五十嵐飛燕說。

另一邊廂,在通天門總部的一間專門為段連城照顧何大義而安排的房間內,何大義由於傷勢極為嚴重,已不能說話。段連城一邊替他檢查傷勢,一邊安撫何小義:「你爸爸需要前往一處好遙遠嘅地方,你會經歷一段好長嘅時間去習慣別離,呢段時間內,我會照顧你。」
「我唔需要你照顧,我要爸爸媽媽……」何小義哭泣著說。
最終,何大義因傷重身亡。金不換此時站在一旁,一邊看著何小義,一邊卻感懷身世。身為孤兒的他,依靠段連城撫養成人,在對方安排下習得絕世武功。可是當年的老師,竟一下子成為自己的舅父,令他大惑不解,難掩複雜心情。
「老師,到底我爸爸係咩人?我媽媽又係點死嘅?點解你從來冇向我提過?」金不換說。
「你爸爸唔係人,係魔鬼,你媽媽係被佢害死嘅。」段連城說。
已有 0 人追稿