【甜/真人真事】我是他的常餐情人: 三十一

第31章 冷待
Keith對於我等埋佢一齊食飯受寵若驚，即刻勁快手咁搞埋手頭上嘅工作，呢一刻我覺得佢其實幾可愛，因為我少少舉動而興高采烈嘅佢，唔知係咪同Issac面前嘅我一模一樣？

佢拉住我好似個小朋友咁討論要食乜好，而Issac喺聽到我要同Keith食嗰刻開始已經無可奈何咁走咗。我地求其食咗啲嘢就返去，成個下晝都埋頭苦幹冇理太多無謂嘢。

「收工之後去邊」洗唔洗搵得我咁密？

「Hi」佢見我唔應又刷下存在感。

我兩日都無覆佢，只係同佢email交流，



「你嬲我？」佢又終於發現。

其實平時都夠衰嫁啦隨意射喺我入面，今次仲俾人撞見要我自己面對，其實係呢段關係入面，我已經太卑微，我甚至開始諗唔起正常嘅我係愛情面前應該係飛揚跋扈、備受寵愛，而家即使有幾多唔錯嘅人向我示好，我都只係會覺得人地嘅好意係負擔，又或者借住人哋對我嘅好嚟幻想，如果對方係佢應該有幾美好。

「咁你覺得我點解要嬲？」我期望佢可以答到甚至只係一聲對唔住，我就會再好似以前咁俾佢予取予求。

「唔知呢，你哋啲女仔係咁易嬲。」我睇到都唔知好嬲定好笑。

「唔緊要啦，唔重要」我呢一刻直頭想block咗佢，將我同佢之間所有對話全部del曬就眼不見為淨。



「咁今晚出唔出嚟？」佢其實都只不過係一個性慾行先嘅禽獸。
「不了。」
「以後都不了。」我默默係心入面補一句。