夕陽下的飛鵝山道 (完）: 4.夕陽無限好

「呢度係我既秘密花園～每次我有煩惱，都會黎呢度吹住海風睇日落。」

她把我帶到上環一個海旁很迷你的小公園，我們坐在長凳上看著斜陽落下，四處的老街令這裡顯得份外有格調。「呢個地方睇日落真系一流！」每次看到風景，我人便會很放鬆。

「睇嚟我哋係同道中人啵～」她傾前身軀，閉上眼睛感受景：「其實人好化學架炸，好似日落咁，雖然短暫，但係可以好靚好精彩～回頭睇番其實所有煩惱都好少事，唔好比佢影響你嘅人生～」

她說的話我都明白，但不知為什麼從她口中說出來特別銘記於心，她有一種很真實的感染力。

「你真係...好適合做心理學家...」我一邊打量她一邊取笑她。





「喂～你呢個眼神似系笑緊我老土喎...」她睥著我，我烘近她低聲說：「你真係好老土～」她瞪大眼睛握拳，輕輕撞我手臂：「你講咩話？」「廣東話～」「你...」......

天色漸晚，我和她像對聊不完話的老朋友，一直依依不捨，天南地北無所不談。我們興趣相近，自從我好朋友不再是我好朋友之後，我也未試過聊得那麼開心那麼暢快了。

「今日你比左個日落我，我下次送番個日落比你～」我說。

「一言為定！」她又說：「你喺隻game send比我果個位，我好想去啊....」

「飛鵝山？我搵日同你去？」





「唔係行上去掛？我...」她仿佛欲言又止。

「我有車～難得有知音人，你想去邊度睇日落我都可以車埋你！」

她開心得笑眼瞇到看不見：「我想去好耐啦！我...」

她忽然臉色一沉，停下腳步，沒有說話，只是深呼吸著。「做咩呀？」我關心地問，不知道她怎麼了。她閉目養神般，深呼吸著，搖搖頭：「冇野...」

「我送你返去...」我主動說，但她打斷了我，仿佛有點累卻強行微笑說：「唔洗。我...有d野要做，你走先啦，我地whatsapp。」「你...」「我地再傾？」她再搶先說。見她不願意讓我送，我只好和她道別。