《樓上裝修咗成個暑假》: 完

九個月後。

「唔後悔？」逸哥Whatsapp我說。

「唔後悔。」

「係就好，咪到時又喊苦喊忽話我想留喺英國彈琴。」

「彈琴 香港都彈得嘅」





我在飛機上，慢慢打開紙袋，拿出裡面東西，是一封以檸檬圖案貼紙封口的信封。

我把信封打開，打量了一下信封內的紙張。

「你都蠱惑，藍小蔚。」

我用香蕉圖案的貼紙重新把信封黏合，又放回紙袋裡。

臨回港前，我還特意向逸哥打探小蔚的近況。





「中大歷史系，之後就睇你。」

果然，是這樣。

我回家安置好行李，便帶上一些文件，前往中文大學。

「一年。」

「小蔚應該等得好辛苦。」





到達中大後，我在教務處辦了些手續，便在校園內閒逛起來。

「Hello！玩唔玩Ocamp呀？」一名男子站在路上問。

「唔洗喇唔該。」

「Hey！有冇興趣玩Ocamp呢！」一名女子把宣傳單張遞給我。

「唔洗喇唔......」

「....嗯....？」

「點呀點呀同學，係咪幾吸引呢！」那女子問。

「係幾吸引...仲好靚。」我拿著單張說。





「真識貨！咁幫你報名喇喎！」

「等等，我聽日嚟報得唔得？」

「得！梗係得！」那女子興奮地說。

因為，我不想被她發現。

先去買張新電話卡。





























「好久不見。」







臨Onight之前，我去髮型屋染了把啡色頭髮，並配上一副平光眼鏡。

晚上六點鐘，我帶上小蔚給我的那個紙袋，換上一身黑色衣服，便前往觀塘的Party room。

有點緊張又期待。





「Hello！你係咪呀偉呀？我係你組媽Lilly呀！你去嗰邊坐低先啦！好快就開始！」

「好。」說罷我便跟自己的Omate坐在一起，然後四處張望著。

你會在哪裡？

「.....................」

「歡迎嚟到音樂系嘅系o！希望大家玩得開心！」隨著主持的介紹，這夜也正式開始。

Onight開始後，組爸媽便跟我們玩遊戲，說輸了三次就會有懲罰。

在高登見到那些Ocamp都非常淫賤，又奶腳又盛，不知道是不是懲罰來。

此時，眼角瞄到一點紫光。

一條閃耀的吊墜。

「你輸咗，罰你同佢影相！」組爸對同組的男生說，同時指著一位暴龍笑道。

真是可憐。

嗯...輸三次就可以找人拍照嗎？

好。

「呀偉點解你咁渣㗎！打拍子都唔識！仲話音樂系！」組媽說。

我笑而不語，然後從背包拿出信封。

「我輸咗三次，係咪要懲罰？」

「係呀！你...同....」還未等組媽說完，我便打斷了她。

「我想問嗰個女仔攞電話。」我指著Party room另一端的一名女孩說。

「咦！識貨喎！呀蔚係我哋系花嚟！不過唔知有冇男朋友，識佢咁耐都冇聽佢提起過～」組媽拍拍我說。

此時，我的Omate紛紛拿著電話準備拍下我的醜態。

而我。

「你好。」我拍拍她。

「係！.............」那女孩別過臉說。

我脫下平光眼鏡，微笑地看著眼前的女孩。

「我啱啱玩game輸咗，要同你講個故事。」












「從前，有個男仔嘅屋企，樓上裝修咗好耐，後來佢知道樓上住咗一個女仔，呢個女仔生得好靚，又好體貼。」

「佢哋後來仲讀埋同一間學校，坐埋一齊上堂，個女仔仲會成日請佢食香蕉糖。」

「佢哋又會一齊溫書，一齊為DSE努力。」

「佢哋經歷咗好多嘢，但係之後因為一啲誤會而分開，個男仔好後悔，好唔甘心呢段關係就咁樣完結。」

「於是，佢好想彌補呢段感情。」

「想繼續氹呢個女仔笑。」

「你估吓嗰個女仔想唔想。」










「嗯...唔知呢。」那女孩眼泛淚光。

「但如果，嗰個女仔有禮物收。」

「佢都可以考慮吓嘅....」









我微微一笑，便把信封遞上。

女孩遲疑數秒後，又抬頭看著我。

「招仔。」

「我好掛住你。」

「我都係。」

「以後...仲有冇得一齊返學？」

「只要你願意嘅，一定有。」

「咁..放學呢？」

「但我冇黑色寶馬車你㗎喎。」

「係咪咁小氣呀你！」

「嘿，講笑講笑。」

















《樓上裝修咗成個暑假》全文完