禁忌之戀: 一.

「鈴.鈴.鈴」煩人既鬧鐘響起 我好唔情願咁起身 睇下個鐘 7:30
「仆街 學校8:00計遲到 」
我即刻衝出房 去廁所刷牙洗面 九秒九咁換好衫出門口
學校距離我屋企要10分鐘既路程 跑到學校啱啱好打鐘
如果好彩既話 遇到好既當值老師 可以免死一次 唔計遲到
好彩今日門口當值既老師係我既化學老師 鄧Sir
鄧Sir笑住咁同我講：「凱欣，做咩今日又咁遲啊？」
我求其搵個藉口話起身個陣肚痛就衝左上課室
介紹下自己先 我叫侯凱欣 讀緊中三



入到課室 坐我隔離既小周即刻問我有冇做到英文功課
「屌 撚記得咩 琴日打機打到咁夜」我答佢
冇錯 我係一個讀書好差既人 因為我根本就唔鍾意讀書
所以冇乜老師對我有期望 多數希望我上堂唔好搞事
但係鄧Sir就唔係 唔知點解佢好睇好我
不斷話我有潛力 唔好放棄...
鄧Sir係上年先黎既新老師 仲記得個陣佢啱啱入黎
第一堂做自我介紹：「各位同學好，我叫鄧一滔，我係你地今年既化學老師，大家多多指教啦。」
個陣我心諗「一滔？個名咁老土既」
佢帶住一副橢圓框眼鏡 小小卷既頭髮 而且成日都笑


佢都算靚仔 應該23/4歲左右啦 係啱啱出黎教書既小鮮肉
我本身化學唔係特別好 但係自己對化學呢一科就有d興趣
所以上堂都會聽下 考出黎既成績就一般般啦

今日既堂一如以往咁無聊 放學既時候又撞到鄧Sir
中二既時候已經有試過撞到佢
之後先知原來佢就住係同我同一條村
雖然唔係特別近 但都唔係特別遠
久而久之 就有好多機會一齊行翻屋企
一齊行翻屋企好似已經係我地既習慣


今日我同佢行行下翻屋企 突然之間胃痛
鄧Sir就二話不說咁抱起我送我翻屋企
返到屋企之後 佢唔放心我所以冇走到
留左係度煮飯比我食 望住佢煮飯既背影覺得特別感動
因為從來都冇一個人會煮飯比我食
老豆老母離婚 老母跟左個鬼佬去外國 留左間村屋比我
而老豆係北上有二奶 我自己一個住 起居飲食自己搞掂
我同鄧Sir講左我個家庭背景
佢笑住咁話：「咁以後等我照顧你啦，凱欣。」
我有d錯愕，就話：「唔洗麻煩你啦，鄧Sir。」
「唔麻煩，放心啦我會好好照顧你，同埋唔好叫我鄧Sir啦，叫我一滔啦。」
咁啱個陣飯都煮好，一睇，全部都好似好正咁
有可樂雞翅、蒸水蛋、墨魚咀......
我好耐冇食過屋企飯 所以好狼狽咁食起上黎
鄧Sir見到我食得咁急 攞起左張紙巾


「唔洗食得咁急喔，睇下你，食到嘴周圍都係啦。」
之後佢就幫我抹嘴 呢個動作令我不知所措
即刻接過佢手中既紙巾 之後講話：「我自己黎得啦，唔該嗮。」
-
今日寫得有d趕 出住小小先
後面可能會有甜
希望大家會支持下