禁忌之戀: 三.

都係出多幾篇先再出鄧Sir視覺
-
-
-
正當我訓得好舒服既時候
比連續幾下既門鐘聲嘈醒左
唯有好唔情願咁行左去開門
一打開門 就見到鄧Sir一身平時係學校既裝束
恤衫西褲
「早晨呀，買左早餐一齊食，快d去刷牙洗面啦」


「乜咁早呀，我都未訓醒」
之後我就走左去廁所

刷牙洗面出黎之後 就見到檯面放住兩份茶餐廳既早餐
煎蛋午餐肉出前一丁
之後我就話「唔該嗮你特登買早餐上黎呀」
「唔洗客氣，應該既，講左會照顧你架嘛」
「嗯」個一下我唔知應該比咩回應
「快d食啦，食完去換衫返學啦」
我望下個鐘 原來都差唔多7:30


我就快快手食完入房換校服
我套校服係連身裙 後面拉拉鍊既
平時正常都可以自己好輕鬆就拉到拉鍊
點知今日伸手去後面準備拉拉鍊既時候
整手突然抽筋
衫又未著好 又冇啦啦抽筋
情急之下我就叫左鄧Sir入黎

「我手抽筋呀，你可唔可以幫我拉下條筋」
佢見到我校裙拉鍊未拉好


就幫我拉好左條拉鍊先
之後再慢慢幫我舒緩翻隻手d筋
「好d未呀？」
「好d啦，唔該嗮你呀」我望一望佢
就係個一刻 我地對望左幾秒
嗰一刻我勁尷尬 所以就講
「我去著鞋先啦，都差唔多時間要返學」
而鄧Sir亦都去將外賣垃圾收好
準備出門口既時候扔左佢

-07:45-
我地兩個一齊係我屋企出門口行翻學校
但行既途中我地都冇講野
氣氛有d尷尬
好彩只係10分鐘左右既路程


而我又怕中途撞到其他老師同學
之後比人閑言閑語
所以我就話
「我去前面7仔買支野飲先，你唔洗陪我啦，你翻去學校先啦」
「咁好啦，學校見，拜拜」
「拜拜」

我買左支蘋果綠茶
之後就行去比錢
排隊期間一直係度回想係屋企既事
點解我同鄧Sir對望會尷尬既
我好似會有d怕羞咁
「下一位」
「下一個比錢既上前呀，啊妹，啊妹，你係咪比錢架」
「啊係呀係呀，唔該」


我既回想比收銀姐姐打斷左
比完錢之後都已經都差唔多時間
所以我就急急腳咁行翻學校
-
可以留言比d意見或者交流下
希望大家繼續支持