今天是愚人節，她跟我開了一個玩笑。: 51

「好，好⋯⋯你知道自己死咗就得。」神的話把我拉回那個地方。

「咁你準備好走未？」突然前面出現了一個光圈，像是時光隧道一樣在閃躍。

「去邊？」我問。

難道這裡不是終點嗎？

「忘掉呢個世界嘅一切，完完全全從上一世裡超脫，然後再行前。」





「亦即係轉世。」他笑了一笑。

原來死後是這樣的一回事，怎麼了，竟然跟彿教相似嗎？

「每個人都臨轉生前都可以向我索取一個心願。當然，會有條件。」

「我想見佢一面。」我不假思索。

對，無論如何，我還是想見他。





「哦，你等一等，佢應該差唔多到。」

果然，一會兒之後，他便躺在我的面前。

我慢慢地走過去。

「其實，我無特登帶佢過嚟，只係係你跳樓死咗之後無幾耐，佢都跟著跳咗落去。」神淡然地說。

「換句說話嚟講，你哋都已經死咗。」





「你⋯⋯講咩話？」

我無法相信地走了過去，淚水已經一直在流。

原來生離死別後的重逢，心是更加痛。

我摸著他的臉。

「點解⋯⋯」

「點解？」

「點解咁傻？」

「點解喺度嘅時候唔識珍惜，到失去咗先識得去後悔？」神嘲諷地問。





這句話像一把冰冷的刀一下子插進我內心深處。

我沒有反駁，因為他說得對。

在的時候，我明明還可以去珍惜他，偏偏因為選擇了放棄。

對不起，我到死還是拖累了你。

「好喇，圓咗你心願喇，走未。」

「等陣！」

「嗯？」神好奇地看著我。





「我哋可唔可以一齊走？」我盯著他問。

「唔可以，每個人走嘅時候都要自己走。」

「我一定要而家走？」

「嗯，一般而言，你哋呢一世最後嘅心願滿足咗就要離開。就好似你話見佢一面，你而家見咗喇。」

「嗯，你咁講就啱喇。」

「我個心願未了，我唔走。」

「嗯？」

「啱啱你都講咗，係佢自己嚟，唔係你帶佢嚟。所以你最少滿足埋我呢個心願先走。」





「唔⋯⋯好，很好。咁你仲有咩心願未了？」