那一天，有女仔嚟咗男校讀書: 第六章:情敵(第二節)

自從上次我趕走咗嗰條友，佢都有大約一個禮拜冇再騷擾小倩。
今日係放聖誕假前最後一日，學校都算有啲良心，俾我哋返半日，仲有聖誕party，算係咁啦。
聖誕party可以著便服，所以我求其揀咗件見得人嘅衫就算。
一見到小倩，我即刻俾佢件「便服」震懾住咗。佢着咗件低胸連身裙，仲要露埋背，唔心動真係唔係男人。
「點呀?夠唔夠性感呀?」小倩問我
「夠哂!」
「咁行啦!」
一返到學校，小倩即刻成為咗全校嘅焦點。我覺得我可以企喺佢隔離都好幸福。
聖誕party即將開始，今次係分年級舉行。感覺上冇之前幾年咁逼，仲多咗嘢食添。
聖誕party好快完咗，個個同學都準備執嘢走人。


我同小倩都諗往一齊行返屋企。
突然間，上次嗰條友又行過嚟，佢同小倩講
「喂，你咁靚女，你條仔咁樣衰(佢指住我)，飛咗佢，做我條女咪仲好!」
「你講乜呀!行開啦!小倩都唔識你!」我想趕佢走
「收皮啦你!咁樣衰仲夠膽溝小倩?」佢喝返我轉頭
「人哋都唔識你!小倩，我哋走!唔好理佢!」
我拖住小倩跑出咗學校範圍。
「頭先唔該哂你。」
「唔使客氣，如果下次再俾人騷擾記住話俾我聽!」
「ok!」小倩又做咗佢個招牌笑容出嚟。



(待續...)