那一天，有女仔嚟咗男校讀書: 第十六章:暑期旅行(第十一節)

第二朝起身，一食完早餐就要出發去機場，真係有啲唔捨得。
搭火車好快就去到成田機場。
(搭飛機就唔詳寫喇)
好快返到香港，我送咗小倩返屋企之後，去咗屋企附近嘅公園坐下。回想返呢一次短短五日嘅日本之旅，我同小倩做咗好多喺香港做唔到嘅嘢，我哋食咗好多喺香港食唔到嘅嘢，我哋嘅感情更加因為呢次東京之旅而升溫。作為一個毒男，從來冇一個女仔可以俾到我一種咁特別嘅感覺，呢一種感覺係令我想保護佢，愛戴佢。
坐咗一陣，突然有一對情侶喺我面前行過，一直打情罵俏，如果係幾年前嘅我，一定會羨慕佢哋，但係我宜家已經有小倩，唔使再羨慕其他人。
坐多一陣之後我行返上屋企，呀媽即刻問我今次旅行好唔好玩，我敷衍完佢之後，去咗沖返個涼，之後就攰到喺梳化瞓着咗。

(待續...)