那一天，有女仔嚟咗男校讀書: 第二季:第五章:分隔兩地(第三節)

食完早餐，我陪小倩返佢屋企執行李。
「執齊未㗎?」我問小倩
「差唔多喇。」
「check多次啦!」
「知喇!知喇!」
「執完就出發啦!」
「OK!」
我哋喺樓下嘅巴士站搭車去機場。
--------------------------------------------------
「喂!中子你到機場未?」喺巴士上我打電話問中子


「差唔多到喇，你哋呢?」
「去到昂船洲大橋。」
「咁我等埋你哋先check in。」
「好，一陣見。」
--------------------------------------------------
到達機場一號客運大樓，我幫小倩拖住龐大嘅行李。
去到check-in櫃檯，見到中子喺遠處向我哋揮手。
「今日難得冇遲到喎。」我串中子
「勁囉!」
「你哋兩個唔好廢話啦，我哋要過關喇!」小倩提醒我哋


「係喎，就嚟夠鐘喇。」中子向我說
「咁好啦，唔講咁多喇。」
我講完之後喺中子面前送咗個goodbye kiss俾小倩，中子當然立即拎轉頭。
「記住幫我照顧好小倩吖!」我喺閘口同中子講
「知啦!」
「咁byebye啦」
「byebye」
之後佢哋頭也不回就離開咗我嘅視線。
我搭巴士返屋企，沿途我都只係諗住小倩可愛而美麗嘅臉龐。
唔知幾時可以再見到小倩?


因為太眼瞓，我返到屋企就直接瞓咗。
一起身已經係夜晚十點，小倩應該差唔多到英國。
果然，等咗一陣，電話鈴聲響起。
「喂?」
「銘仔?係小倩呀，我到咗英國啦!」
「呢個係你嘅電話號碼?」
「係吖!」
「ok，btw，你哋返到事前租嗰間屋未?」
「未吖，啱啱先離開機場。」
「咁你返到去再WhatsApp我啦!」
「OK!bye!」

(待續...)