「咁究竟可唔可以俾個電話號碼我吖?」

佢又再嗲我,試問一個血氣方剛嘅青年點抵受得住呢種誘惑?

「好啦,你自己睇啦!」

我將電話遞俾佢

「搞掂!以後就叫我阿晴啦!」



阿晴將電話還俾我

「咁下次我去打波就約埋你去!」

「好吖。」

上完lecture之後,我打開WhatsApp,見到小倩online。

我:今日上堂有冇咩特別嘢發生吖?



小倩:隔離個男仔無啦啦問我攞電話號碼,真係好奇怪囉!

估唔到我同小倩都遇到一樣嘅事。

我:咁你最後點做?

小倩:我最後叫中子趕走咗佢,好彩有佢喺度咋!

(待續...)
已有 0 人追稿