<ff文>那些年我哋一齊光復嘅香港: 831

就喺我專心做嘢嘅時候,到咗小息時間嚕!我搞掂埋淨低嘅手尾,就去會合啲同事,大家圍埋喺一張檯,有講有笑。我行到一個同事身邊,佢係叫陳凱晴,人稱「港姐」,因為佢個名同埋2013年香港小姐嘅名同埋個樣都有幾分相似,當然係後生嗰個樣啦。我玩嘢咁篤咗一篤佢嘅背脊,佢立即大反應而搞笑咁講:「唔好搞我後面!」身後成班同事嘅笑聲更大,佢再乘機補多句:「再笑告曬你哋非法集結同襲警架!」大家又好識趣咁靜曬,隔咗一陣,大家又開始笑。
突然有把聲插咗埋嚟,佢正正就係我多年嚟嘅戰友,蔡詠桐。佢話:「喂今晚有冇人,831 16年啦,唔好忘記係呢一班手足我哋先可以擁有今日嘅安逸。」一時間,大家都靜咗落嚟...之後,我聽到全部人都話可以,我就開始回憶當日發生嘅事...