【校園】【純愛】那天來了一位交換生: 第四章

話咁快就上完個兩堂    
     
跟住就放飯

咁我都係同我班兄弟食架啦

我哋去咗附近嘅一間茶記到食

一坐底 佢哋就係到傾今日個班交換生   



強哥：喂 你哋班個D交換生點呀 我哋個班有一個女仔都唔錯架
 
傑仔：我個班個D就唔好提喇 個個都係珍禽異獸 不過我同其中一個男仔一齊坐 叫做幾啱傾

文哥：嘩 大佬 你連仔都食 咁撚癲

金仔：~讓那 彩虹長橋無限伸展~

傑仔：屌 你唔好再吹大啲 我不嬲都係直嘅



阿軒：聽住先啦 係喎 咁毛哥你個班又點呀

文哥：你唔好話呀 毛哥已經同其中一個女仔係咁傾計啦 人哋仲要請佢食三文治添呀

我：我屌你啦 咪話咗唔係咁囉

跟住我又將今朝嘅事話畀佢哋知

金仔：睇黎要叫個Cherry小心啲先得 毛哥又要發功溝女啦



我：收啦你 出少句聲冇人話你啞架

唔好睇佢哋講到我咁 

我成世人一次拖都無拍過

最多都係暗戀過一個小學嘅女同學

跟住升咗中學之後冇再聯絡 自然就無咗件事啦

但係點解佢哋係咁講到我成個情聖咁

其實我都唔知 

無啦啦就俾人講咗一段時間



咁中學lunchtime 同班friend食飯呀都係打下機吹吓水咁啦 無咩特別

咁食完飯就返學校啦

跟住上埋果兩堂就放學

咁聽到放學嘅鐘聲

我就即刻執書包 諗住快啲返屋企血戰召喚峽谷

係我準備走嘅時候 Cherry行咗埋嚟

Cherry：阿豪 你住邊架



我：銅鑼灣囉 做咩呀

Cherry：我陣間都要去銅鑼灣補習 不如一齊去呀

我：哦 

於是我就同Cherry一齊行

搭地鐵個陣時 我哋都係吹下水 講下平時上堂D嘢咁啦

不過主要都係佢講

去到銅鑼灣 因為我同佢唔同出口 所以就講拜拜

Cherry突然之間問我



Cherry：你聽日又去嗰間麵包舖買早餐呀

我：如果我無遲到嘅話就係啦

Cherry：又係菠蘿油？

我：係呀

Cherry：乜菠蘿油真係咁好食咩

我：我鍾意咁解姐

Cherry : 其實我覺得腿蛋治都唔錯吖



我：還好啦 不過冇得買丫嘛 小食部個個又唔係咁好食

跟住Cherry好細聲咁講嘢 

但係我聽唔到佢講咩

我：你話咩話

Cherry：無嘢啦咁 聽日見啦

我：聽日見啦 Bye

跟住我就返屋企同幾個朋友血洗召喚峽谷

打咗幾鋪之後

我望一望個鐘都成七點幾 有啲肚餓添

我換一換套衫 就落街諗住買嘢食

但係又諗唔到食咩 所以就周圍行下睇下有咩好食

行行下 咦 咁熟口面嘅

係Cherry 

正當我想行過去打個招呼嘅時候

我見到有個男仔係Cherry面前同佢講D嘢 跟住再摸一摸佢個頭

Cherry笑到好甜

原來佢有男朋友

咁我都係唔過去阻住人啦

跟住快快手搵咗間三哥食碗米線就返屋企繼續打機

電腦：double kill

電腦：trible kill

電腦：quadra kill

我屌

比人偷頭 無咗個penta kill

即刻無晒心機

拿拿林打埋就熄機（梗係唔會走場咁仆街啦)

果時先至十點左右

仲未眼瞓

跟住就睇下之前有人介紹我睇果套愛在雨過天晴時

唔係講笑 aimer D歌真係好好聽

但係呢個故事其實都幾有意思

一個17歲女高中生同一個45歲中年男人嘅愛情故事

兩個因為命運戲弄失去夢想 係人生路上失去方向

但係同時又遇上對方 兩個人互相扶持

最後係曾經跌倒的地方重新出發

一段不受世人所接受嘅跨世代愛情故事

兩個人嘅相愛唔單止令佢哋企返起身仲令佢哋認清對方

呢個故事認真有好多思考嘅地方 大家可以試下睇下

咁動漫就睇完 都成一點鐘

又開始有啲眼瞓 咁我就走咗去訓