我返到屋企之後      

咁啱就收到個Whatsapp 
    
Cherry:你返到屋企未呀 

我:你其實係咪跟蹤我 點解我一返到你就問我 

Cherry:因為本小姐勁囉 



我:嘩 咁我唔頒個獎俾你都唔撚得啦 

Cherry:使唔使咁寸呀 

我:講吓笑啫  

Cherry:記住聽日唔好再買菠蘿油喇 

我:我盡量啦 



去到第二日 一樣咁如常返學 

係我準備去麵包舖嘅時候 

我醒起   

係喎Cherry話請我食早餐丫嘛 

好彩記得啫 如果唔係又仆街 



返到課室 

Cherry就即刻問我 

Cherry:你今次係咪又買咗菠蘿油呀 

我:點會呢 有免費早餐咁點會俾錢去買多個早餐呀 

Cherry:算你啦

跟住佢就俾咗個三文治我 

我:係喎 你隻腳點呀 冇事喇咩 

Cherry:好咗好多啦 尋晚敷咗一陣 好快就消咗腫喇 



我:咁都無事 算你好命 

Cherry:喂呀 你把口好小小唔會死掛 

我:講吓笑啫 Cherry姐咁好人唔會嬲嘅 

Cherry突然係度搣我隻手 

我:屌 痛痛痛痛 痴撚線 無啦啦搣人都得嘅 

Cherry:哼 鬼叫你咒我 睇下你仲敢唔敢

我:嘩 梗係唔敢啦 咁樣搣法 容乜易斷架 



Cherry:成日都誇張到死 係咪真係痛啊 

我:其實無咩事 你見我咁大隻就知我唔怕痛啦 

Cherry:你大隻 真係睇唔出喎 

我:比下面都好掛 話晒尋日都咩你返屋企吖 

Cherry:嘩 你真係好大隻呀 得唔得呀

我:真係假得滯 算 我大方比你過啦 第二個我一早屌柒左佢hea鳩我喇

Cherry:咁多謝呀 

我:無辦法 鬼叫靚女有特權 



Cherry:成日都係咁口花花 

我:對住你姐 

佢笑一笑之後就無理我

今日有pe堂 

我哋班今日係同C班一齊上 

唔記得咗講添 

我, 文哥同Cherry係B班 



阿軒, 金仔同強哥係C班 

阿峰同傑仔係D班

咁今日pe堂啦  

我早咗換完衫 就去咗同Cherry吹下水咁啦 

阿軒佢哋一見到我同Cherry 就行埋過黎 

三人:阿嫂你好 

我:屌你地啦 乜撚嘢阿嫂呀 

我望一望Cherry 塊面紅到呢 

阿軒:遲早都係啦 早啲叫定習慣下呀嘛 

金仔:咪就係 唔係咁小器下話 

我:我就話慣晒冇咩嘢姐 人地唔係架嘛 陣間覺得你哋痴漢就唔係幾好啦 

強哥:屌你啦 人哋欸都未欸過 你做咁多嗲做咩啫 

Cherry係呢個時候拉一拉我衫袖 

Cherry:唔緊要啦 我又唔介意 佢哋都係玩吓啫 

我:嗱 我就比面Cherry唔屌你哋 退下 

三人:謝主隆恩 

又肯陪我玩喎  

咁跟住堂pe堂 我都係同佢哋踢波啦 

咁Cherry就同返其他交換生玩 

冇咩特別就唔講啦 去到食飯 

阿軒:頭先我哋叫Cherry做阿嫂嘅時候 見唔見到佢塊面幾紅呀 

強哥:係呀係呀 我都冇諗過佢會有咁嘅反應 

金仔:我本來以為佢都係笑吓就算 

傑仔:都話人哋鐘意你架啦 毛哥你仲唔去馬 

我:面紅就代表鍾意咩 況且我都係對佢有少少好感咋嘛 又未到鍾意 同埋都話有男朋友咯 唔通無啦啦叫佢分手咩 而家咁都唔錯吖 

文哥:你之前都話你淨係見到個個男仔摸下佢個頭咋嘛 可能係佢阿哥呢 

我:我問過啦 佢話佢係獨生架  

阿峰:但係我都仲係覺得佢唔似拍緊拖  

傑仔:如果佢有男朋友 咁仲點會成日搵你放學吖 唔使陪人咩 

阿軒:我都係咁諗 不如你再試下佢啦 

我:屌 是但啦 我又冇話好想拍拖 做咩啫而家 

文哥:你就真係做咩呀 你自己問心 你係咪真係唔鍾意佢呀 

我答唔到 

但係我見到佢受傷 我就好想睇住佢 

見到佢同其他男仔咁親密 我個心就好似有啲嘢銀住咁 

但係我真係唔清楚自己係咪鍾意佢

我:我都唔知 我都好撚亂呀 

傑仔:唉 我都唔知你點算 一係咁啦 我同我個班個個交換生幾熟 我試下幫你收下風啦 

金仔:我哋都盡量幫你架喇 你自己生性啲啦屌 成日唔嗲唔吊咁 真係睇見都燥底 

我:多謝你哋 

強哥:屌 講呢啲 兄弟就緊係盡力幫架啦 食飯啦 

真心 有呢班兄弟真係好好彩
已有 0 人追稿