【校園】【純愛】那天來了一位交換生: 第十六章

 打邊爐都係咁啦  

 大家吹下水講下笑

 咁我唔講啦    

 打完邊爐之後 

 都差唔多十一點



 咁我哋都散水啦

 因為我同Cherry住得比較近

 所以我同佢一齊行

 去近巴士站嘅時候

 Cherry：今日多謝你呀



 我：無啦啦做咩多謝我

 Cherry：帶埋我嚟打邊爐囉 我同佢哋熟咗好多呀

 我：你突然之間咁客氣我有啲唔係好慣添

 Cherry：難得我多謝你 你俾啲咁嘅反應我

 我：講吓笑啫 我本來都係想你可以同我哋班熟啲先叫埋你姐



 我真係咁諗架

 傾咗一陣之後

 巴士就嚟咗

 我哋唔知點解好有默契咁坐返晏晝個個位

 佢又問我攞咗個耳機然之後一人一邊咁聽歌

 聽聽下佢又挨咗去我個膊頭度瞓著咗

 雖然我都好攰 但係唔知點解我覺得自己唔可以訓著

 可能係男人嘅天性掛



 女人瞓著咗就要保護佢

 又或者我驚兩個人都訓咗嘅話可能會走咗個站

 我都唔知

 我淨係挨咗係佢個頭到瞌埋眼休息下就算

 差唔到到站嘅時候

 Cherry自己彈咗起身

 屌 原來佢冇訓著



 咁我捱得咁辛苦係為咗咩

 落咗車之後

 Cherry：不如我哋去食甜品吖

 我：又食？ 你頭先食唔飽咩

 Cherry：你唔知女仔有另一個胃食甜品架咩

 我：我驚你 再咁食落去 下次買衫要買大碼咋

 Cherry：你即係話我肥啦

 佢即刻搣我隻手



 我：痛痛痛 對唔住 小弟多嘴

 Cherry：你都知哩

 痴撚線 邊有女仔咁大力架 成個男人咁

 當然我梗係無講出口啦

 如果唔係我驚我隻手真係要報銷

 我哋去咗附近一間甜品舖

 佢嗌咗個芝麻糊



 我就要芒果西米露

 都我個西米露嚟咗嘅時候

 Cherry：你果個西米露好似幾好食喎

 我答都未答 佢就畢咗一羹

 我呆咗咁望住佢

 Cherry：你唔好咁望住我啦 最多我比返啖芝麻糊你啦

 跟住佢就攞咗佢枝匙羹比咗一羹我

 我望住個匙羹 吞咗啖口水

食咗啖芝麻糊

 嘩

 唔係講笑

 點解芝麻糊會咁甜架

 我極度懷疑呢間嘢煲芝麻糊落糖

 遲啲要同食環署舉報先得

 講吓笑啫

 我由細到大都特別鍾情於芒果西米露

 但係我今次係第一次覺得芝麻糊好味過西米露咁多

 食完糖水之後 都差唔多十二點

 Cherry：都夜啦 你返去啦

 我：唔得 咁夜 你咁靚女容乜易比變態佬搞你架

 Cherry：你咪果個變態佬囉 

 我：我真係擔心你架 仲係度講笑

 Cherry：係啦 知你擔心我啦

 就係咁我就陪住佢返屋企

 期間都係吹下水咁啦

 又係到互相串下咁囉

 好快就到咗佢屋企樓下

 Cherry：好啦 我到啦 你返去啦

 我：嗯 咁我走啦

 我跟住轉身諗住走

 Cherry：喂 

 我擰返轉頭望住佢

 Cherry：今日真係多謝你帶埋我出嚟呀

 我：得啦 你多謝咗幾次啦 返去啦

 Cherry：知喇 你小心啲啦 返到去whatsapp啦

 我：ok

 跟住我就返屋企

 返到去之後 我就即刻走咗去沖涼

 沖完涼之後先醒起 我唔記得同Cherry講我返到屋企

 我：我頭先返咗屋企啦 

 Cherry：咁耐嘅

 我：其實我一早返咗嚟 不過我去咗沖涼咋嘛

 Cherry：咁都唔記得 我仲諗住你會唔會係發生咗咩事 點知原來唔記得 哼

 我：唔好嬲啦 最多請你飲嘢啦

 Cherry：拿 你話架 唔好走數呀

 我：得啦 你早啲訓啦 

 Cherry：知喇 你都快啲訓啦

 就係咁  

 今日就完咗

 唔知點解我覺得特別開心

 比平時同佢哋打邊爐都要開心