【校園】【純愛】那天來了一位交換生: 第二十五章

Cherry忍唔住眼裡面一直係度打滾嘅淚水  

淚水好似決堤咁流落嚟
  
Cherry：我求下你唔好再講啦

我冇咗講落去
    
Cherry：你可唔可以唔好咁殘忍 



我無出聲 

Cherry：你知唔知當一個自己鐘意嘅人同你講佢對另外一個人嘅感覺嘅時候 個心會好痛架

我：我明呀

Cherry：唔係 你根本就唔明 你根本就唔會知道當自己鍾意嘅嗰個人唔係鍾意自己嘅果種感覺 果種明明我想喊但係又唔可以喊嘅感覺 你明咩 果種撕心裂肺但係又唔可以表現出嚟嘅感覺 你明咩

我：我都試過呢種感覺呀 就喺你同我講你有鍾意嘅人嘅時候



Cherry有少少嚇親咁望住我

Cherry：你講咩呀 你唔係有鐘意嘅人咩

我笑咗一笑

我：係呀 我係有鍾意嘅人呀 嗰個咪你囉

佢冇講嘢 淨係係度望住我



我：乜之前同我一齊聽歌嗰個唔係你咩  話唔鍾意聽周國賢嗰個唔係你咩  喺我受傷嘅時候幫我處理傷口 叫我要小心啲 又擔心嗰個我唔係你咩 喺我準備緊singcon嘅時候鼓勵我嗰個 唔係你咩

Cherry：係呀 咁我鍾意你呀嘛 咁....咁我咪想陪你多D囉 但係我都唔覺得你係鍾意我嘅

我：如果我唔鍾意你嘅話 咁你扭親個陣 我點解要逼你俾我咩你返屋企呀 如果我唔鍾意你 我就唔會食你口水尾啦 

Cherry聽完之後塊面即刻紅晒

Cherry：你.....你真係鍾意我？   

我：係呀 我鐘意你呀

跟住佢就係度甜笑

我伸咗隻手出嚟



我：咁....趙芷瑩（Cherry中文名）小姐 你可唔可以做我女朋友呀

佢冇答我

佢直接跳左埋黎攬住我

Cherry：我等咗你呢句好耐啦 衰人

我：咁我而家都講咗啦 遲到好過冇到

係呢個時候

有一大班人入咗嚟



文哥, 金仔, 強哥, 阿軒, 傑仔, 阿峰, 阿朗 7個人同時入咗嚟

阿朗：恭喜晒你哋喎

文哥：終於都大結局喇

阿峰：我哋終於望到呢一日嘅出現喇

強哥：毛哥 今餐pool飯你走唔甩架喇

我同Cherry見到佢哋行咗入嚟都嚇一嚇

我：你哋幾時係度架

阿軒：由一開始你搵佢嘅時候就已經喺度啦



金仔：頭先見你整喊人 我爭D衝入嚟打柒你架喇 好彩你都氹返人

你哋見唔到 但係佢真係笑得好撚奸

我：我女朋友嚟㗎嘛 點可以唔氹呀

講完我就攬住Cherry

Cherry：喂呀 唔好啦 佢哋係度架

我：有咩所謂啫 我依家就係要喺度宣洩主權

Cherry篤一篤我個鼻



Cherry：我都係你架啦 洗咩宣洩啫 白痴仔

文哥：嘩屌 你地兩個可唔可以唔好咁閃

阿軒：我而家有D後悔幫你添

我：你幫咗我D咩呀

阿軒：你為咗溝女唔撚踢波 我肯忍你都算係咁啦

我：嘩 真係多撚謝晒喎大佬

跟住就係咁吵吵鬧鬧就到咗放學嘅時候

Cherry拉咗我去唔同地方係咁自拍

佢話再過幾個月就唔會再返嚟 所以要影多啲相留念喎

影咗好耐 終於都走啦

估唔到之前果4年聖誕聯歡會 都係自己一個嚟 自己一個走

今年竟然可以拖住我最愛嘅人行出嚟個學校門口