【校園】【純愛】那天來了一位交換生: 第二十七章

既然佢話平安夜先見嘅話  

咁即係代表我仲有幾日時間玩啦

我即刻約咗文哥佢哋踢波

去到第二日 踢波嘅時候
   
阿軒：乜你咁得閒同我地踢波呀



金仔：係囉 唔駛陪女朋友咩

佢仲要將女朋友三隻字 逐隻字拖長咁講

講真吖 嗰刻真係有D想打柒佢

我忍

我：佢話平安夜先見呀嘛 咁梗係陪下兄弟架啦



強哥：咁睇黎你準備好晒啦喎

我：準備乜嘢呀 見個面有咩要準備

強哥：我諗你真係蠢架喎 你唔似扮嘢

我：不如你直接講啦 教下我

其實我應該冇講過



唔好睇強哥咁樣

佢已經拍緊第四次拖喇

叫佢做情聖真係一D都唔過份

強哥：平安夜同情人節一樣 係情侶嘅節日

我：咁又點

強哥：咁情人節嘅時候會做D咩呀

我：行街睇戲食飯囉

強哥：....啱...  不過女仔會冇咁開心囉



我：不如你講白D

強哥：情侶之間需要一D嘢去作為佢哋嘅關係既象徵

我：kiss？

強哥：點解Cherry會鍾意左個咁嘅戇鳩仔㗎

我：咁係咩呀

強哥：係定情信物呀 你就算唔買定情信物都要買聖誕禮物啦

係喎屌



我竟然唔記得左買禮物

我真係好蠢

好彩強哥提一提我 如果唔係真係大檸樂

我：咁我應該買咩好

強哥：而家我拍拖定你拍拖呀 自己諗啦

我：求下你幫下我啦 我真係無頭緒呀

強哥：只此一次下不為例 人地鍾意咩咪送咩比人囉 再唔係你覺得佢適合乜野咪買乜野囉 其實都係講心意姐

我：咁...



我都未講完

強哥：我唔會再幫你 跟住落黎你自己諗啦

跟住踢波既時候我都心不在焉

一直係度諗買咩好

應該係話我成日都係到諗緊呢件事

去到夜晚 Cherry WhatsApp我

Cherry：我嘅男朋友你做緊咩呀



我：我咪掛住緊我嗰個好可愛既女朋友囉

Cherry：成日都咁口花花 我想問你平安夜個日想去邊呀

我：我想去有你喺度嘅地方

Cherry：喂呀 認真D啦

我：其實我真係無咩所謂 我淨係想同你一齊

Cherry：咁我plan行程架喇 你到時話唔鍾意嘅話 我打死你架

我：你辦事我放心啦 只要同你一齊 去邊都得

Cherry：知啦 白痴仔

我：我氹你笑又話我係白痴 

Cherry：咁你係白痴仔呀嘛 不過係我嘅專屬白痴仔

我：算你啦 

呢種感覺真係好幸福

好甜

好快我又埋頭苦幹喺度諗送咩禮物好

我其實真係唔知道佢鍾意D咩

係喎

阿朗同佢係青梅竹馬黎架嘛

佢實知Cherry鐘意咩啦

跟住我即刻WhatsApp佢

我：朗哥 我想問呢Cherry佢有冇D咩係特別鐘意架

阿朗：你想送禮物比佢?

我：係呀 我同佢平安夜會出黎

阿朗：我記得佢好鍾意食朱古力

我：但係朱古力既話好似情人節送好D喎

阿朗：咁呀......咁飾物啦 佢不嬲都好鍾意D小飾物嘅 

我：小飾物呀 都好似唔錯咁喎 唔該晒呀

阿朗：最緊要幫到你姐 加油呀

小飾物...

我諗到啦

之前我同Cherry行街既時候 

佢喺一間賣飾物既鋪頭櫥窗度 眼甘甘咁望住一條手繩 隻眼仲要發晒光

我第二日即刻去返嗰間舖頭

我見條手繩仲係到

我：老闆 我想要個條手繩

老闆：個樣係非賣品黎架 呢樣野對你好重要？

我好堅定咁答佢

我：係 真係好重要

老闆：我可以送條手繩比你 但係你需要放低一樣對你黎講同等重要既嘢係到

同等重要？

就個樣啦

我：我而家即刻返屋企攞 老闆你等我一陣

跟住我就衝返屋企

好快我就搵到塊牌

呢塊獎牌係兩年前我同文哥佢哋參加左Nike cup 一個室內足球五人賽仲要贏咗 跟住我仲要攞咗個乜野最佳球員獎

呢塊牌見證著我哋嘅友誼發展

但係今日係你發揮用途既時候喇

我攞住呢塊牌返去個鋪頭比個老闆

老闆咩都無講就收咗 然之後比咗兩條手繩我

我：你唔問下 呢塊牌有幾重要？

老闆：我信你 呢兩條係一對黎架 唔好比佢哋分開

屌

總之求其攞塊牌比佢算啦

不過算啦 其實咁樣將大家重要既野交換都幾有意思

禮物就咁準備咗喇

之後只係需要等果日既蒞臨